2009年5月3日 星期日

港鐵

好耐冇寫股票,好明顯我錯過咗哩個升浪,唔係冇撈底,反而係撈咗好多中資龍頭股的底,可惜又係果句:捉到鹿唔識脫角,執少少就走咗(4蚊附近買386,5唔夠蚊就放咗!!!)。好彩貨底一路冇沽,好阿Q精神的持有,月供冇斷到,更好彩的是自己心態几正面,唔會因為賺少而咗頓足,沽早咗而不憤。

持有貨底,繼續月供,手揸現金是現時市況中能令我升跌都心安的中庸之道。

收到港鐵(66)派息通知,每股派$0.34元(約兩厘),以股代息作价$19.17元,雖然貴了啲,但都係決定繼續以股代息,將哩批IPO抽返來持有至今并一路以股代息儲返來的股票平均價進一步降低至每股$6.48元(市場先生上身?*.^)。

6 則留言:

  1. 中學年代我都以IPO買入一手地鐵,當時尚未夠秤,只好讓母親代購。我都係一路以股代息,不過呢一手唔多唔少,要存入投資戶口仲要收手續費,或者將來賣左黎做生意掛。

    回覆刪除
  2. 咁你嘅平均價應該都係咁上下。我年紀大啲當時用成副成身申請抽中10手。

    回覆刪除
  3. 港鐵好尷尬,個市升 D 人當佢係公用股,個市跌 D 人又當佢係地產股,兩頭唔到岸。

    不過個人情意結,我都鐘意港鐵。

    Cheers!

    回覆刪除
  4. 其實都係嘅,大升冇佢份,股息又唔算特別吸引,再來一個大牛市我會沽清所有倉底貨(做的到先算。)

    回覆刪除
  5. 保持到月供大藍籌長線就唔會差得到那裡。

    回覆刪除
  6. 我都覺得係,不過就要識係高位清貨並停供,然後再係人人恐惶時再開始。

    (你係果边點嘛?)

    回覆刪除

淡极始知花更艷,愁多焉得玉無痕。

Related Posts with Thumbnails