青出於藍

和女兒母女檔上陣落場打best ball，抽簽抽到和城中某財演父子兵對陣。打了兩個hole發現唔對路，個廿四號老豆擺明留力鬆張等個仔球球都係best ball，滯後幾步拖住個財演鬧鬼佢：「X生，依加唔係上電臺吖！你使鬼咁假吖？我咁蠢，第一次同你打波都知你留力，你估你個仔知唔知呢？栽判又知唔知呢？你咁中意讓個仔表現，不如我哋兩個老鬼詐肚痛離場等佢哋對絕得啦！」

「呀？呀？乜睇得出咩？噢，咁盡力囉！但我盡力你哋唔夠我打格喎！」

「咩叫體育精神吖？你留力唔單侮辱你個仔總侮辱埋我兩母女格喎！」

「有冇咁嚴重吖？好好好，唔好嬲唔好嬲，我全力以赴得未？」

「多謝！」

結果係巾幗大勝須眉，細佬勁過老鬼，後生即係後生，清晨6點開波，太陽未出已經汗如雨下，由裏濕到外，老鬼後勁不繼，最後兩個hole俾後生仔揸哂棍，灰爆。

哩排瘋狂打波，大量出汗排毒，日日食兩大杯雪糕都瘦咗5磅，要食多啲肥返啲先得了。