慘！慘！慘！

終於到咗談婚論嫁雙方家長見面商討婚事細節的時候了，小兩口子懷著既興奮(女)又緊張(男)的心情在酒樓VIP房等候雙親到來。準新娘的父母早早來到，準新郎的父母卻遲遲都未現身，終於等到天都黑哂了，準老爺推門而入，只聽到準外父、外母齊聲慘叫：「啊！乜陳興堂，原來係陳振聰！」，拖住個女奪門而出，叫都叫唔住。可憐的Wealthy仔抱頭痛哭：「why？why？點解我係陳振聰個仔？點解？十次見家長十次都係咁，唔通我真係要搵鬼來娶？」

人人都話追得哩單野太貼想嘔，我咁八卦當然未能免俗，雖然經期好準時但都時時作嘔。啲女仔話哩單新聞唯一好處係哩期就算作嘔作悶都唔使哂錢買驗孕棒，因為肯定唔關自己個男人事，全部入哂陳振聰嘅數。

好多人話小甜甜俾佢咁鞭尸法又冇得反駁好慘，計我話小甜甜雖然慘但都經已不蘊世事冇眼睇了，最慘嘅係果3個小朋友，一個老豆厚顏無耻，比禽獸總禽獸都已經十級慘了，遲啲個阿媽都要上庭作供幫個禽獸作証，父母都係咁，真係慘絕人寰！

父母的言傳身教對仔女的影響係一世嘅，由MJ的身上可以見証到童年陰影將阻碍一生的幸福。