股息陸續來

匯豐派息決定繼續以股代息，好彩＄28蚊果陣時有供股，依加唔單止追回止蝕離場果兩手匯豐的虧蝕總有賺，當然一日未沽一日都唔知賺定蝕，離場的時機好緊要，要密切留意市況先得。

估唔到總係蟹貨的內房股遠洋地產(3377)今年都整咗個以股代息，但價錢并不引，持股又唔多都係收cash買糖食算了。

恆生銀行(11)派的息雖然唔高(＄1.1元/股)，但比起十萬元一年利息1蚊的利率，實在是太合味了。

月供股票的招商銀行(3968)派四送一紅股，六月中股東大會通過後就會存入戶口，諗起都流口水，因為齋俾錢供冇乜留意佢，收到銀行信先知，感覺有啲似執到，印像中佢除權之後股價下跌得并唔多。

經過近期的無理頭大升市之後，我開始對價值投資的信心回復了唔少。事關我的長線投資和月供股票價值不斷係度上升，雖然有啲總蟹緊但總體來講已經差唔多打和。而我有朋友揸住同我類似的股份經唔起跌市的心理影響悉數沽出，但低位又諗梗係低處未算低，個价高過自己沽出價的位又覺得唔抵，一路猶疑冇再入市，所以輸咗六成。對自己有信心長揸的股，一動不如一靜更實際。