今日成早樓樓無啦啦幫人教女。
早上泊駕車係街邊7-11門口，走入去買報紙(買生菓囉，屋企冇訂，鬼叫方向報總夸張過生菓，生菓除咗有嘉雯、渣兄，總有風月版嘛！)，行出來果陣，因為要塞返個銀包入手袋，所以慢咗少少，點知有個13、4歲校服少女從後面一野撞埋來，夾硬奪路，總要大大聲鬧："八婆行快啲啦！阻X住！"今日我着咗條黑色背心裙，及膝果種，一對三寸半高踭鞋(除咗運動鞋，着平底鞋我會唔識點行路，)，個少女矮我半個頭，唔使一秒，我一手揪住佢後衣領，的佢出門口。佢掙扎咗幾下，放棄咗問我：乜事先？
我：我睇你都唔係好壞啫，只不過係青春期情緒有啲波動，燥咗少少，所以我唔會怪你。
少女：靚女，咁人哋趕返學嘛！(我松咗手)
我：你知唔知哩個世界唔係人人都了解青春期哩樣野架？而且朝早出門有邊個唔趕架？如果撞正個同樣燥嘅人，你估你有冇咁好彩啦？唔打都吵一陣啦！我駕車泊係街我總趕過你啦，一張牛肉幹就唔見320了。來，我順路兜埋你。
少女：sorry囉，靚女，唔該哂。
我：靚女，咪好聽囉！如果唔係我哩個八婆有個同你差唔多大嘅女，我費時話你添啦。
少女：咪講笑啦，你邊似啊！、、、、、、如果我阿媽好似你咁開明就好啦、、、、、、
烏克蘭機械人兵團出擊 無人系統協同突襲俄軍陣地
3 小時前
.png)
.jpg)
發表文章
若你都叫"八婆", 全香港的女人應該都死鬼曬...
回覆刪除~怪人道格
我可唔可以book定第時揾你教吓米ｂ女呢吓請問:P
回覆刪除＞我一手揪住佢後衣領，的佢出門口。
回覆刪除十字追魂鎖？
哈哈~~你真係個可愛女人!
回覆刪除小朋友咁就上咗陌生人嘅車呀？
回覆刪除可能要教埋佢靚女都可能係奸嗰喎！ ^^
依家啲細路眼裏只有自己，真係好鬼難教。我常諗，要到呢班友仔大個，出黎社會挨過苦先至識生性。證明過份受保護的孩童生活，過份遷就的學校教育，本就失敗！
回覆刪除我朝朝返工都聽到同一個13,4 歲校服少男，句句說話都要加起碼4,5 個助語詞。我都好想有HANA 你咁勇，除左一手揪起佢衣領，仲可以搵本書掌佢咀！
回覆刪除Hana姐，
回覆刪除初次到臨，客隨主便。
一手揪住佢後衣領，的佢出門口...用得出依招，應該都有唔少日子既功力，佩服佩服...
HANA - you always have my applauses, kisses & hugs:)
回覆刪除＞＞一手揪住佢後衣領，的佢出門口...用得出依招，應該都有唔少日子既功力，佩服佩服...
回覆刪除係呀，我都佩服呀！
我仲推斷兩舊bye bye肌肉應該有番咁上下...（喂！邊個打我面！）
我諗人人樂見如此可愛的"八婆" ^_^
回覆刪除竟然,,,,,,,,???
回覆刪除點解你可以咁夠ginger呢?
我教書的都做唔到!!!
佩服死!!!!
hana靚女好野！
回覆刪除咁 cute 既， 鏗鏘集...？
回覆刪除妳應該一手揸條靚妹衫領...
H： 點解咁多人死唔見你死既？
妹：大家咁話！
H：著左 Dr. Martin 行得快啲呀？
妹：No ！我條仔等緊我，趕時間！
H ：D L L M ！早講丫，阿妹，條仔呢？
妹：呢，出邊果件 5呎唔夠果個囉。
H ：嘩妳無嘢下話？咁都啱？？？
妹：阿靚女！而家個市淡呀！頂住先啦。
H：...Well ~ OK OK，唔阻妳，得，明白明白既，妳話事妳話事..
妹 ( 嘀咕~)： 大佬我咁既樣...係咁上下啦....
嘩哈哈！hana你有冇請佢食埋早餐先？
回覆刪除你真是用心良苦！
回覆刪除哈哈果然夠辣！
回覆刪除生果報、方向報我個人都係認為少睇為妙。
實在太有型啦! 直情好似漫畫橋段入面o的熱血教師呀~
回覆刪除呢種『以德報怨(雖然~ 唔係咩大事)』o既精神、處變不驚(o的細路行得咁快, 你又放緊銀包)o既反應、冷靜o既對答加o埋天使般o既面容, 簡直係現代版o既木蘭花 (well, 誇o左少少, okay 啦~)
花姐真是坚过石坚！
回覆刪除來，我順路兜埋你。
回覆刪除* 0 *"
男粉絲
怪人道格：有命活到婆的年歲也不錯丫，你睇汶川啲中學生...
回覆刪除米兄：咁係得啦！不過可唔可以俾定兩擔米做按金先？依加啲米貴丫嘛！
Sandra,多謝！有時我真係幾可愛架！
樸老：教佢記低車牌都好喎。
校長：下一代靠哂你哋啦！
Rosie Yip ,我唔係勇丫，係諗起自己個女忍唔住啫。
ak兄：大駕光臨，簡直係蓬蓽生輝。
回覆刪除鶴仔，來，同我去打罐上好女兒紅返來，等我同ak兄暢飲一番。
a a,抱抱
易亦、ak、c.m,
的佢出門口＝個少女後面衣領俾我揪緊令到前面的圓領啱啱cool(忘字)住咽喉，另一手輕輕推佢出門口，因為我高過佢半個頭又企係佢身後，佢兩手拂拂掙扎，我就揪緊佢衣領。
阿哥仔，依加懶，用少啲字係咪唔得先？！(八婆上身中)
馬沙：如果個個為人父母嘅盡哂本份，都唔需要八婆啦！
回覆刪除mona ,我以前係台灣教過中學架！
eric,多謝
大文：陳大文又唔食藥！快啲乖乖地食哂啲藥，姐姐俾你睇鏗鏘集！
大口仔 ：佢係去7-11買早餐(三文治)架嘛！
回覆刪除余若虛：我睇財經、副刊和托比遮。
川：>天使般o既面容
真係好誇喎，我唔執下出來包保地唔震人震(老老實實，就算大明星唔執行出來一樣嚇死人)。
蘇記：花姐好快謝。
男粉絲：世界丫，唔該！
EvilaqiEr,靚女你去咗邊丫？咁耐唔見？改埋扑名添丫？
回覆刪除我想講,
回覆刪除妳好好彩ar,
e+即使唔係好壞既o靚妹
都隨時可能打Q你,
仲CALL埋仔
當然, 見你有部車, 佢可能攞條KEY或者COINS....
我見過, 阿SIR 都小
仲要係唔係好壞果隻.....
小心AR~~~~
女黑俠木蘭花...
回覆刪除我以前係台灣教過中學架！
回覆刪除失敬失敬!!叫聲前輩先得~師姐~~
卡臣：你個乞衣look夠煞食啦！
回覆刪除mona,hehe，話明中女嘛！
篤篤篤撐 ：多謝提點！我都有啲分寸嘅，果度轉彎就係差館丫嘛！
唉！
回覆刪除真是一匹布这么长。
之前因为忙着工作和上课，
后来却被人网络封锁，导致不能上网。
最近才重获自由，
已迫不急待的来看你。
无论《雷草》或《天堂。地狱。》都是我，
回覆刪除只是我觉得《天堂。地狱。》这个名让人太沉重。
我不想来看的人也感觉到这种心情!
真人版GTO!!!! 冇得頂，型爆！
回覆刪除缺乏關心係呢一代人的大問題，但係大陸更大鑊。