2008年6月18日 星期三

匿名留言的肆無忌憚

Hana 提到... 親愛的,你終於返來了!諗遠的第時係醫院有兄弟姊妹相伴服侍父母,去殮房同兄弟姊妹有商有諒,點都好過咩事都自己一個人扛哂。你同c.m就好啦...2008年6月11日 下午12:45

怒火眼睛 提到... hana, 嘩你完全講出我既心聲। 我真係想寫, 自己有乜衫長褲短, 必必都有個手足陪佢面對丫, 喊都有人一齊丫....2008年6月11日 下午 2:11

睇唔過眼 提到... 恭喜,恭喜! 恭喜,恭喜! (^___^) PS: 個淫妖寫D嘢睇到我眼火爆,咁樣咒人地死又殮房又盛,好黑心囉。佢愛滋死都未到其他人啦~2008年6月15日 12:39下午

匿名 提到...唉,我都費事提,係呀怒火好人咋,比我就鬧爆啦。算吧啦,有D人係咁架啦。都係開心下當佢係笑話算啦。2008年6月15日 12:51下午

斩妖封魔 提到... 係啦係啦,成日以为自己懒靓咁款。个心咁黑。。2008年6月15日 12:55下午

怒火眼睛 提到... 睇唔過眼, 匿名, 斬妖封魔, 點呀你地? 我覺得殮房係好真實要面對既, 無須逃避呀.

2008年6月17日 11:00上午

********************************************************************

以上留言是怒火媽恭佈喜訊我是大肚婆101 的留言。我唔想'覺得'果三個連續的匿名(唔好話我知'睇唔過眼'唔叫匿名),同我篇慚愧有冇關係,雖然時間上是如此吻合。

事實上係怒火媽恭佈喜訊前我哋私下底已經通過三幾封電郵,我已經恭喜過佢亦都有講過兩兄弟/妹相伴成長的優劣。

我想講嘅係雖然我唔知妳/你(我肯定係同一個人囉)係主謀定係幫凶,你咁做真係好幼稚,不但不能激嬲我,更加挑拔唔到我同怒火媽,因為我哋比妳/你成熟,而成熟係假扮唔到架!因為妳/你內心是如此地幼稚和小氣,妳/你的行為已經唔可以用一笑來帶過啦,即情笑得我人仰馬翻咁制,唯一嘅慨嘆係登妳/你父母唏噓遮,佢哋養育咗一個自信心极低,又冇乜知識唔得光明磊落嘅坑渠老鼠。

耶,妳/你匿埋嘅,又唔俾條link人哋,咁人哋想搵妳/你,文功或武斗都唔知去邊度搵,真係好衰格啫。點嘛?我够唔够妖架遮?哈哈哈哈.......

慘囉,淫又點搞呢,不如妳/你教下我了!

總想借問聲大家有冇見過女blogger話明自己三十二歲,又有個十三歲的女,然後"懶靚"咁行淫妖路線架?

我好成熟,所以呢係絕對唔會為咗一隻暗不見光的坑渠老鼠而封blog架,我總有大把野寫添啊!

********************************************************************

MSN後記(真係好好笑架):

xiao zhu 說:自己心裡澄明就是了

Hana 說:最衰匿咗名想問下點解係淫妖唔係姣妖都唔得先冇癮丫嘛

Hana說:哈哈

xiao zhu 說:哈哈,我話你知吖

Hana說:呀?真係妖丫

xiao zhu 說:點解係淫妖? 啲人啲中文程度冇我哋咁好囉

xiao zhu 說:都唔識分

Hana說:哈哈哈

30 則留言:


  1. 兵姐息怒兵姐息怒
    對於那些沒有自信的人
    你不用做任何動作
    光是自信滿滿地站在那兒
    已經足夠刺痛沒有自信的人的心了

    匿名:
    兵姐唔係"懶靚"
    兵姐係好靚!
    唔好以為加個"懶"就可指鹿為馬

    (死啦死啦我又唔聽三點話啦)

    回覆刪除
  2. 我其實比較鍾意留言用匿名...

    因為...我懶...又要諗用咩名, 諗用又要打, 打完又要打埋驗證...好複雜...

    但匿名得來,最多讚下hana 姐有幾正, 堪稱人間極品, 人間女神,現代穆桂英,咪算囉...吾好借機鬧人...那真的很沒品的...

    正所謂做善事毋需刻意留名嘛, 雖然讚hana姐正全是事實,不是過譽, lol...

    但若是罵人批評,還是公開露名, 露blog id好, 正所謂冤有頭,債有主,罵得人就要預了被人罵回去...

    ~protein

    回覆刪除
  3. 咦?乜原來我miss左d野?

    我都好覺得只係同一位仁兄,甚至已經去過唔少鋪頭留低類似字句。生死有命,借意挑撥,何智之有?

    呢位朋友,我唔想窒你,真心果句,我只係想同冰冰講:

    冰冰,我梗係好啦,我知道就算我有咩冬瓜豆腐,三人行總好過你眼望我眼丫。

    回覆刪除
  4. 作者已經移除這則留言。

    回覆刪除
  5. Hana姐,
    對於唔相干既人無端端走黎批評自己...一貫既處理態度都係...「唔相干」...

    AK個肝要留返俾d酒...唔可以為左d唔相干既人而動肝火,以至「傷肝」...

    回覆刪除
  6. 匿名對於不少人來說,好好用嘛,即係著左隱身衣,表面哈哈哈,但會用【匿名】來【陰啲陰啲拮你一嘢】嘛。

    回覆刪除
  7. 嘩, 阿可愛美人,

    夠竟咩事呀 ? 妳又俾 d "人" 攻激呀 ? 點可能會, 過客就講明自己係賤人就會有人唔順超嘅嗟 !!
    妳係咪人太好, 攪到 d 狗種人仕以為妳好洽呀 ? 唓, 係個 blog 世界都睇人唔順, 不如哩埋係個窿度算吧啦 !! d 狗真係麻 x 煩, 邊度都有...!!

    有火嘅過客 (唔咪鶴鶴至有火)

    回覆刪除
  8. 我開始覺得blogging變得渾濁~

    或者都會停一下

    回覆刪除
  9. 我諗同天氣有關

    成日落雨,d人屈在家無野好做嘛

    天氣好都上街「目及」女算啦
    去別人的網精神手淫兼遺精,不文明又不衛生囉

    回覆刪除
  10. 近期blogging確是有點混濁,有很強的操控慾

    回覆刪除
  11. 我也曾試過用匿名留言。

    不是怕唔夠人丙,而是基於很多不同的原因。

    譬如你要批評另一個匿名,又或者隨意起一個名的留言者,你出網名又好匿名都好,也是沒有虧負那人了。

    來過匿名摟打,咪打贏佢咯。我不會因為他匿名而數落他無膽色。如果佢勁嘅砌低我,我會話佢好嘢。

    這個人,分分鐘係原本熟識的網友,他用原名根本就不會來挑釁或開玩笑。由他罷,嚟撒野,都可以讓我開眼界。而且摟打唔係一定贏,佢一樣可以輸到扒街。

    回覆刪除
  12. 胡亂批評一個素未謀面的人係「淫妖」(即係乜野﹖),呢種人,其實閣下無需要理會。

    理得一個,會有多一百個唻,到時有排煩。

    回覆刪除
  13. 兵兵,d人低能無朋友,平時無人同佢地傾計,周圍搵地方發泄,妳唔好嬲,我地為呢班可憐人類默哀。

    老友記,你唔好借d易唔寫呀!

    回覆刪除
  14. 我認同derek--"胡亂批評一個素未謀面的人係「淫妖」(即係乜野﹖),呢種人,其實閣下無需要理會。"

    回覆刪除
  15. 「我卻被人對著男朋友的媽媽如此數臭喎!對方仲要信哂!!簡直係死罪一樣!永不超生呀我!」

    o甘樣真係靠害wor!

    不過事不離實,總會澄清o既!

    男粉絲

    回覆刪除
  16. 唉,我都有d後悔匿名過~ 搞到件事複雜咗tim。

    嗱嗱,但你哩篇寫果個唔係我嚟ga

    回覆刪除
  17. hana, 匿名同具名既都有好有壞有正常有痴線, 我地去邊都行不改名坐不改姓光明正大, 佢要痴要盛由鬼佢.

    只係享受同可愛既人相處就算. 其他時間, 我地諗下d 股票同仔女好過, 呵呵~

    回覆刪除
  18. 我又覺得有d傳統d既人唔中意人地有喜事既時候提喪事都可以理解(雖然大家年青人應該冇咁雞婆先o岩)

    不過個稱呼就有點兒那個喇
    應該似係出自d「唔抵得」其他人靚過佢既人既手筆

    回覆刪除
  19. 七十妹:最緊要玩得開心啲。


    protei,我好簡單遮,淨係想問下係邊度睇出我淫遮?事關我自已都唔知點樣可以表現個淫樣出來。

    c.m,你遲到丫!

    喵:登我唔抵又唔通知我,我都係音語兄通水先知丫。
    >我卻被人對著男朋友的媽媽如此數臭喎
    話時話有冇証據丫(聲帶、錄影)?等我哋係網上幫你揪出哩個卑鄙小人!

    回覆刪除
  20. 上面的是易亦嗎?

    為甚麼招牌都移走埋?

    最近無乜喺度玩,因為無咗貪玩爛玩的易公子嘛!

    真係有啲寂寞!

    回覆刪除
  21. 校長:我估到個迷底喎!係咪眼對上果兩條眉毛丫?

    回覆刪除
  22. 吓,比人剃咗?

    唔會嘅,易公子係高人,仲有邊個更高?

    回覆刪除
  23. ak兄:哩次我哋飲'酒鬼'好唔好丫?

    大文:我都懶分邊個係人邊個係鬼囉!又冇利益嘅。

    過客:hehe 分分鐘就係仰慕你果啲粉絲見你咁叫我,惹來架!

    米兄:你停セ鬼丫,我要睇B女架,最得意就係依加,手手腳腳一節節似蓮偶好可愛丫。

    黑人:都係你心水清。

    Derek ,唔會理架啦!多謝!

    三點:係丫由佢囉!

    素素:抱抱!

    Chris,你咪傻啦,邊關你事。

    eric,離鋪哩...

    必媽:我哋兩個阿媽成踩尸米,都係想人好遮,好人有好報,報哂係仔女身上得了,我哋唔使了。

    易亦:你成日發表啲兩頭都討好的評論,係咪男人來架?白開水一樣,俾啲溫度得唔得啊?!

    回覆刪除
  24. 作者已經移除這則留言。

    回覆刪除
  25. 喵:你咪傻啦!我邊有唔信你?你問下自己信唔信自己先?係咪一啲質疑都冇先?如果係嘅使乜理人哋信唔信遮。
    總有你衡量下,依加係開心多定唔開心多先?開心多咪繼續囉!就係咁簡單!條路無論係好行定難行,唔得到尾係唔會死心架,我自己都係咁行過來嘅。
    我呀,曾經試過做啲明知唔啱但唔做就過唔到日子的事,咁咪做囉,錯定啱唔係想嘅,係要做完先知嘅。

    永咩別遮!我哋話哂都係小龍女丫嘛!

    回覆刪除
  26. 子程子曰:「不偏之謂中;不易之謂庸。中者,天下之正道。庸者,天下之定理。」... 喜怒哀樂之未發,謂之中。發而皆中節,謂之和。...致中和,天地位焉,萬物育焉。... 故君子和而不流...中立而不倚(《中庸》)

    回覆刪除
  27. 易公子:

    勁,果然有料到!

    回覆刪除

淡极始知花更艷,愁多焉得玉無痕。

Related Posts with Thumbnails