2008年6月26日 星期四

不忠有助維持婚姻?

婚姻輔導是中產和富豪們的專利,窮人是沒有能力接受婚姻輔導的,因為收費不屝。現時在香港婚姻輔導的收費因應名氣、口啤,每小時收費由$1500至$2800不等,每次會面兩小時,初期會面比較頻密,一星期兩至三次,因為前六至八星期是接受婚姻輔導成功挽救婚姻的黃金期。

婚姻輔導員通常會先單獨會見男女雙方三至五次,然後再和夫婦一同會談,少則三、五次,多則七、八次。要留意的是婚姻輔導并不保証成功挽救婚姻,但就是有些夫婦長期接受婚姻輔導(像打嗎啡針?),籍此維持婚姻。

就我手頭資料所見,尋求婚姻輔導的夫婦有七成是因為婚外情,三成是性格不合。經婚姻輔導成功挽救婚姻的比例還蠻高的,可能是因為男女雙方願意接受輔導本生已有挽救婚姻的良好願望。其中因婚外情而要接受輔導的個案成功率更達七成以上,而性格不合的夫婦 ,成功率卻只有兩至三成。

原來人們接受并原諒伴侶不忠的程度遠遠超過自己一早設定的底線,反而面對人生觀、性生活、金錢、嗜好等等的各種習慣、原則卻很少讓步。值得一提的是,原來男人對於戴綠帽的接受和原諒程度并不比女人接受自己的男人愛上其他女人的低。
*******************************************************************



相關內容-舊文:底線
5 July2007

和一個有廿年辦案經驗的警察聊天,問他: 對這件事你怎麼看?如果是你,你會怎麼做?你的底線是什麼?他說:我的底線是......不過事情一日未發生,誰也不知道自己的底線在哪裡。不得不承認生活中,每個人都可能是智者,每個人可能都有一、兩個別人不知道的至理名言。

很多人包括自己,都會為一些還未發生的事情設下一條底線,是想像中的底線,想像自己可以做到;想像自己可以忍受。其實大多數的人是高估或低估了自己的,事情一旦發生,你的承受能力、應變能力往往和預先想像的不同。也正因為這種不同,我們才看清楚了自己,也看清楚了別人。所以我們會看到,口口聲聲不能容忍丈夫不忠的名人太太說:丈夫和妙齡女星法式熱吻,只是出於禮貌的吻別;痛斥家庭暴力的義工,身上傷痕累累;外表花弗的男人,以分手作威脅不準女友穿背心;成功的商人微笑地看着太太被跳舞老師擁在懷裡,舞高弄低;膽小柔弱的女人,發現她的男人有外遇後,手起刀落把他殺了;還有不能忍受失敗,卻由老闆變伙計,還是留在那間由他一手凑大的店子裡工作的男人......

所以當某個男人告訴你,你就是他的底線,他甚麼也可以失去,就是不能沒有你!你要相信他是真的,此時此刻他是真的這麼想的,在事情還沒發生之前。同時你也要預想到這是假的,在事情發生之後,連你自己也不知道自己的底線飄浮在哪個位置,又怎能要求別人堅守。

19 則留言:

  1. 你個標題好有生果報 feel 喎。

    回覆刪除
  2. 唉! 第二喎 !

    婚姻輔導也有平民版的,明愛等團體好像有攪?

    "原來男人對於戴綠帽的接受和原諒程度并不比女人接受自己的男人愛上其他女人的低。"

    我都認為男性的同理心並不比女性的低。

    回覆刪除
  3. 一看這篇文,第一樣想到的,就是你一定不可以做婚姻輔導員...因為那個男的一定會因見到你而決定離婚!

    回覆刪除
  4. 我又黎摟打啦!

    題目不應該是 "不忠有助維持婚姻?"

    應該是 "不忠並非離異的最致命原因"

    死啦死啦,今次實比人打啦!

    回覆刪除
  5. xiao zhu ,哩篇野係生果刊登哩條新聞時寫落,照抄個標題架

    樸佬:你都識講係平民版
    1)明愛向晴社以調解為主
    2)明愛果啲我舊年已經有資格做
    3)明愛唔係打到上醫院,排隊唔知幾時輪到,輪到都係一個月見得兩、三次
    4)好多搵明愛嘅其實係想攞張証明去房署申請分戶

    米兄:唔係哇?:(

    回覆刪除
  6. 校長:俾人一摟就打?!總係我來嘅?!

    都冇錯桇,因為不忠看清楚了自己也看清咗對方,原來咁重要,咪由唔嗲唔吊變得亙相著緊,感情咪升華至另一境界囉。

    回覆刪除
  7. >因為那個男的一定會因見到你而決定離婚!
    一針見血。哇哈哈哈哈!

    其實佢可以淨係輔導下d阿太
    教曉佢地點樣放開懷抱面對婚外情
    同改變d內在既氣質/性格同一般對性既保守態度
    咁咪可以坐擁正室名份二奶待遇囉

    嘿嘿
    如果比佢輔導d丈夫肯定會弄巧反拙
    本來唔打算離婚都變成離婚呀
    哈哈哈哈

    回覆刪除
  8. >米兄:唔係哇?:(

    嗱,我有一半講笑,一半講真啦~因為我真係識朋友因為要結婚,諗住買樓,結果佢男朋友就响搞按揭既時候俾銀行個「服務主任」搶左男友囉。

    唔係話你會搶人老公,不過呢啲一對一既服務,又對住個開明靚女,啲老公點會唔即刻諗起自己個老婆幾咁唔好先得架...咁仲唔係更加想離婚?

    >其實佢可以淨係輔導下d阿太

    更加唔得!要人輔導既阿太,通常思想都冇咁開通,見到一啲咁叻既靚女,一定十分嫉妒,鬧交都似!

    回覆刪除
  9. Hana:

    呢兩日第二次摟打啦,好鬼驚比你撻生魚,手刀劈喉,十字迷魂鎖!


    易公子:

    >>同改變d內在既氣質/性格同一般對性既保守態度...

    大男人到你吖!女人夠可以叫你提升下性技巧同性能力啦!

    回覆刪除
  10. 讀蘋果,看到富豪們那些「可能永遠沒有名分」的女朋友們,明白到世界從沒有改變過,昔日的姨太太就是今日的「女朋友」。

    做富豪真好!貌美,優雅,閑靜,高貴...要什麼有什麼。

    有錢還要婚姻輔導嗎?!

    男粉絲

    回覆刪除
  11. 男粉絲:
    >有錢還要婚姻輔導嗎?!
    有錢更需要婚姻輔導!你明唔明啊?
    有「女朋友」的有錢佬嘅太太更加需要輔導!

    回覆刪除
  12. 有冇搞錯?我遲啲寫文答你哋。

    回覆刪除
  13. >十字「迷魂」鎖
    哈哈~你就想喇

    >提升下性技巧同性能力!
    所以咪話唔可以比佢輔導d丈夫囉
    如果d丈夫要搵佢實習下你話點算呢?
    再者如果個太太本身夠吸引
    就算孿都可以柪返直喇
    技巧同能力呢家野都係練返黎架遮

    校長你食鹽多過我地食米
    輔導丈夫呢邊
    就靠晒你喇!

    >見到一啲咁叻既靚女,一定十分嫉妒,鬧交都似!

    咁果d教人收身減肥果d咪通通都要摺埋?
    相信只要佢好似d收身減肥公司咁
    齋招待女儐
    d阿太應該唔會反感既
    係守住自己老公個大前提之下
    乜都有得商量既

    >結果佢男朋友就响搞按揭既時候俾銀行個「服務主任」搶左男友囉

    下?搞緊按揭都差不多結婚架喇播
    個「服務主任」咁快手可以橫刀奪愛?一定有返咁上下實力喇。
    再者個男人買完層樓走去換畫,一係好煩(層樓應該係聯名),一係好有米唔志在..... 嗯~ 佢應該都幾有米下喇我估!

    回覆刪除
  14. >題目不應該是 "不忠有助維持婚姻?" 應該是 "不忠並非離異的最致命原因"

    我又身痕摟抽呀!
    其實個題目冇乜問題呀!個作用係吸引讀者遮。唔係下下都要平鋪直敘先得既!

    呢個題目同所謂「水能載舟亦能覆舟」、「塞翁失馬,焉知非福」、「有危就有機」等等既道理冇乜分別遮

    回覆刪除
  15. ha!
    做平民係咁喇!
    冇錢去養和、明德,咪去公立囉!超聲波排一年,瞓係度嘅心電圖都排半年,都止得下咳!

    我有個感覺,輔導得多係咪同成功挽回婚姻有正比關係呢?

    撇除想分户的個案,走去找婚姻輔導的多少有想修補關係的想法,有時候,未必全是當局者迷,就算明知 "結" 在那裏,就是欠缺下台階,人就係咁,老公、老婆講嘅聽唔入耳,嗱! 專業人士一講就有權威、信服力,我係唔聽你講! 不過我信專家講嘅嘢 ! 都咪話沙紙冇用,鎮得下台!

    回覆刪除
  16. 易公子:

    成世都比你踢爆,唔通我哋係宿世敵,撈亂骨頭!

    唉,捱一野生魚,一野手刀,骨頭散咗,條頸腫晒先至呃番個十字迷魂鎖,付出都好大架。

    我食鹽多過我地食米?輔導丈夫呢邊就靠晒我?你真係好介紹!其實我都係鍾意同女人講。性喎,見到男人我會逃,見到靚女我會圖。哈!

    題目嘛,我擺明係博十字迷魂鎖嘛,咪雞蛋撩下骨頭囉!

    早排係 Filex 個博見到火仔,我歎點解咁耐唔見易公子?到你蒲咗頭,又唔見火仔露面,喂,你兩兄弟玩見,唔見,見呀?

    回覆刪除
  17. 查實, 易公子係我喬裝出嚟..

    回覆刪除
  18. [你要相信他是真的,此時此刻他是真的這麼想的,在事情還沒發生之前。]

    對得不能再對!

    將來,可能人人都會變.

    回覆刪除
  19. 火仔:

    犀利犀利,是雙生兒,見前面是易公子,轉過頭是火仔。

    死啦死啦,今次老餅實唔夠砌啦!

    回覆刪除

淡极始知花更艷,愁多焉得玉無痕。

Related Posts with Thumbnails