2008年7月11日 星期五

適合比愛更重要之答米搞

米兄:又晒命!!!
>我只認同一半。

其實你唔認同都唔緊要架!每個人的經歷、視野都不盡相同,我完全冇諗過要大家認同我的所有想法,我只是將看過、聽過、領悟過的說出和大家分享。

>>我的太太並不會亂發脾氣,亦是一個理性的人,不會亂花錢買東西,就算對我有意見,都是一些中肯的意見,而且都是平心靜氣的對我說的,亦鼓勵大家都有自己的朋友與生活;過多一陣子我會獨自去旅行,其實亦是她鼓勵我去的。
她認為戀人之間最好能有容得下一縷清風的空間...那些死命管著男友的做法,並不是她那杯茶。

嘿嘿!你諗下你寫嘅哩段,其實已經係講適合重要過愛情。你又即管問下米太,如果係十年前你哋總熱戀的時候,她會不會鼓勵你獨自去成個星期旅行,而你又舍不舍得揼低米太獨自去旅行?依加做愛果陣同最初的時候,又有冇分別?總有你送花畫咭果陣有幾多成係出自情不自禁?有幾多係刻意?又有幾多係習慣?你唔使答我架!你趁人少少,又有些寂寥時撫心自問就得啦! 另外,我也想以女性的身份告訴你,很愛很愛的時候,女人是絕對不肯這樣'於生'男人的,古語有雲:一日不見,如隔三秋。七日就是廿一載,想死咩!

據統計,華裔男性婚變或發生婚外情的高峰期中位數係45歲或仔女14、5歲的階段,希望你到時再和我們分享甜蜜的婚姻生活,等你架!

11 則留言:

  1. 哈,你又啱喎,果然都係你聰明啲!!!!

    回覆刪除
  2. 米兄:你都醒遮,個老婆咁好!

    回覆刪除
  3. 可惜 Lego 人唔喺度,
    佢講呢啲嘢好正...

    回覆刪除
  4. 花花,

    >>...你又舍不舍得揼低米太獨自去旅行?..
    1) 由頭到尾都唔捨得 :S
    >>...依加做愛果陣同最初的時候,又有冇分別?...
    2) 由開始嘅生硬變成後來嘅佩合, 越來越完美。
    >>...總有你送花畫咭果陣有幾多成係出自情不自禁?有幾多係刻意?又有幾多係習慣?你唔使答我架!...
    3) 所有野都出自真心, 想望到佢甜甜的一笑嗟! 唔制啞, 我係都要答 ;P
    >>...一日不見,如隔三秋。...
    4) 係嘅 !

    打死都唔LOGIN嘅隱形人

    回覆刪除
  5. 哈哈,唇如利劍,舌燦蓮花,利害利害,老朽見識了!

    回覆刪除
  6. 華裔男性婚變或發生婚外情的高峰期中位數係45歲或仔女14、5歲的階段
    >>>>
    下, 即係未來10年有2個大刧 ?
    o甘大鑊 ?

    回覆刪除
  7. 打死都唔LOGIN嘅隱形人:
    過客,失去的是最好的,你亡妻在天堂都感受到你的愛意。不過,因為咁,哩個問題你係冇資格回答的,而且你亡妻離開的時候,兩個仔先等果一、兩歲,你都係三十幾歲遮。

    回覆刪除
  8. Morca ,
    我講呢啲嘢唔正咩?

    校長:查實我溫柔到呢...

    篤篤篤撐:咁你唔變咪一關都冇囉!嘻嘻

    回覆刪除
  9. 為 何 離 別 了 卻 願 再 相 隨 —— 愛
    為 何 能 共 對 又 平 淡 似 水 —— 適 合

    誰人是我一生中最愛,
    答案可是絕對?

    回覆刪除
  10. 其實女仔心裡面都會好緊個男仔,不過各有各的表達方式會唔一樣。比如有D人會奪命追魂CAL;有D人呢就扮哂無也。

    回覆刪除

淡极始知花更艷,愁多焉得玉無痕。

Related Posts with Thumbnails