2008年7月12日 星期六

值得買(二)

思濃那裡說起裸睡,原來在香港喜歡裸睡的人并不多,在臺灣,人們卻很喜歡裸睡呢。

我是那種會穿二十元一件T恤的人(二仟元一件的名牌T恤,我是絕對不會買的,即便毋須自掏腰包,友人送我,我也會氣得動粗的,因為實在是太不值得了),但是對消磨我們生命三份一時間的被鋪的質素,要求卻是蠻高的,無絲、綢、纙、緞不歡。

質量上程的絲綢床品(800針以上)價值不菲,但是又滑、又軟、又輕、又暖的被鋪真的是物有所值的。光脫脫地鑽進綢緞裡,感覺自己像初生的嬰兒,滑捋捋的非常舒服,不知道是否因此令我的睡眠質量非常好。

上次見面,卡臣問我為什麼笑起來也沒有魚尾紋,我記得從小就睡絲綢被鋪的婆婆五、六十歲的時候臉上也沒什麼縐紋呢!而我滑溜的身體肌膚,功勞應該也是來自絲綢被鋪。

10 則留言:

  1. 同意,日日用的東西梗係要好!

    用得多的野,買貴一點無妨,肯定好過買件飾物但十年都用唔到幾次

    妳皮膚好,會否係隔代遺傳?

    回覆刪除
  2. 裸睡同鍾意訓絲綢被鋪既同志!

    我身邊個個都覺得我鍾意裸睡同訓絲綢被鋪奇怪

    難得志同道合幾時......嘿嘿

    回覆刪除
  3. Hana:

    借條真真真絲巾比我包住個面!

    回覆刪除
  4. 「卡臣問我為什麼笑起來也沒有魚尾紋」
    我咁樣問因為我笑到成塊面已經變成老虎狗咁嘅模樣.
    我咁樣問妳,睇吓有乜方法補救?
    點知要用絲綢被鋪?$$$$

    我都係...算罷啦,
    男人老狗,由佢啦~

    回覆刪除
  5. 老麥:我媽咪同我個女皮膚都唔錯架!
    我有八份一荷蘭血統,唔知有冇關係嘅呢?

    易公子:幾時...搵你老婆傾下點洗絲綢被鋪先至最好。

    校長:我冇真絲巾架喎!

    卡臣:都係貴買平用嘅遮!總以為你係度讃我添:(

    回覆刪除
  6. 皮膚好呢樣也呢,又真系同遺傳有好大關系O架!

    不過,用真絲的床品又真系對皮膚有好處O架!(杭州導游話呢個系蘇杭一帶的女仔皮膚好的秘訣~~~)

    回覆刪除
  7. 「總以為你係度讃我添:(」
    嘩!大把人爭著讃妳啦,
    幾時駛我讃吖!

    回覆刪除
  8. 咁呀,借張絲綢被等我扮阿拉伯女人,由頭包到腳!

    回覆刪除
  9. Carmen,唉...大陸啲野信唔過吖!話100%真絲伶俾到五成都偷笑。

    卡臣:唔讚咪唔讚囉!使乜講到出面吖!人哋女人來架嘛!:(


    laulong,sorry啊校長,前果排我手緊為咗買有人最中意的紅玫瑰,啲絲綢被俾我攞哂去做咗次按,所以借唔到俾你囉^.*
    (講下笑遮,男人要有風度丫)

    回覆刪除
  10. :(

    咁我皺梗皮喇,仲諗住包兩包可以去咗啲魚尾紋添!

    放心,我虛懷若谷 :)

    回覆刪除

淡极始知花更艷,愁多焉得玉無痕。

Related Posts with Thumbnails