尋晚美股又大跌，雖然尋日入咗貨，但今早都照去一田趁墟。人迫人到想叫拉登搵人來放炸彈，使咗仟幾二仟蚊，衫褲鞋襪一件都冇，全部係食物(都唔知係咪女人？)。啲野真係好抵食，哩度最少平咗四份一。人人都識講：「使咗嘅錢先至係你嘅錢」，我加多一句：「食咗落肚先至係你嘅」。下届返到來，一開市見到尋日入果啲有錢執，冇大志如我都係食咗先算，753平手蝕手續費，留返1398塞床下底，其他走哂，最和味反而係3377有成10％執，真係估佢唔到。
有冇發覺買股票都要講投唔投緣，有啲股票掂親都蟹，有啲就買十次八次都有錢執，又有啲人同所有股票都唔啱鉸，掂邊隻都死。
依加個市其實係好淡通殺格，短炒唔係咁容易，所以除非認為自己哩期特別旺，如果唔係都係做下塘邊鶴好啦！
發表文章
叻女！
回覆刪除无野比花钱在食这方面更划算.
回覆刪除laulong 哥:
回覆刪除唔好亂叫人叻女呀......
我真係掂親都衰．．．
回覆刪除勁喎，3377 咁都俾你撈到。今晚美股反彈，下個禮拜再沽過？
回覆刪除继续做蟹..........
回覆刪除"又有啲人同所有股票都唔啱鉸，掂邊隻都死。" Who you talking about are? Is he/ she not around you these few days? Take care.... give some way to me please! OK??? When I return, you must invite me for free lunch and share your plunder you bought from YATA!!!
回覆刪除米搞, 唔好咁灰, hana 好命啫, 任總無啦啦出招，唔係佢間屋得返塊爛地咋
回覆刪除同埋呀多口講多句，佢咁玩法都幾危，反彈波幅越來越細,贏就贏少少，蝕呢.. 就唔知佢止唔止得切囉, 好容易一鋪比返晒佢
唔好再炒波幅喇.. (咁又可以炒咩呢..)(除左人之外...)
(好多口水添)
回覆刪除一個理由啦, 美國政府如果最後決定唔救GM ，一定死得人多。但就算救，都唔咩好消息最多咪一個反彈仔。仲未計個啲有機會基金再贖回潮既風險。
啫，如果己經有啲蟹貨而而家己經銀碼唔多，咪由得佢囉。如果手上完全乜貨都冇又指個市會失驚無神升返到二萬點，咪囉 10-20% 出黎玩下囉，起碼蝕晒都仲訓得著。如果己經有少少貨, 唔好理喇過一個開開心心既聖誔下年返黎先玩過啦....
(唔好意思.. 扮緊火燎森...)
EEE, 尋日在一田打我尖果位靚女係唔係你AR ?
回覆刪除買股票都要講投唔投緣
>>> 有D股票掂親都衰, 一定係投資策略上有D錯誤, 我會總結經驗, 睇下犯左咩野錯, 避免下次在另一隻股票上出錯。
校長：我唔係叻女。hehe
回覆刪除Desertfox ，越來越覺得係。
米兄：唔係喎！你入果隻輪唔係賺咩？
市場維京人 ：即係咁，有啲股票令你賺過或輸過大錢，你都會特別留意。哩隻3377由最高15個幾跌到落蚊幾，點都入得過，我俾佢打過三巴，依加都係摸咗下佢塊面jar。
小瓶子：你有冇月供吖？
回覆刪除匿名：must???你隻藍燈籠吖，總好講！一埋來就搭沉船！
靚 鎚：我...我炒花生！
篤篤篤撐 ：喂，係你自己讓個位俾我個喎...
我真係覺得唔關投資策略事，一隻2628同一日買同一日沽，有運嘅就大賺冇運嘅小賺；有運嘅小賺，冇運嘅分分鐘要蝕。
我都有去一田, 同你一樣, 一件衫都無買, 只買食!
回覆刪除我...蟹到驚!
係你自己讓個位俾我個喎...
回覆刪除>>>
O甘你都要同我講多謝, 俾個機會我溝你丫MA
喂，嗌叻女有乜唔妥？唔明！
回覆刪除我有月供基金.都无眼看了....反正会继续供.....
回覆刪除行行：我都蟹！唔好諗咁多，一於食咗先算。
回覆刪除篤篤篤撐 ：讓個'位'遮...
校長：有人話叻女＝Lesbian喎！
小瓶子 ：hehe我有幾十蚊果時供嘅3968、2628，幾百蚊供嘅388
:(
來來來，講番啲開心野先，我今年總未買過冬天衫褲鞋袜吖！慳返好多吖！ :)