2009年5月9日 星期六

不叫雞的男人

警告:這篇文說的是很踩界和极端的兩性問題,道德高地明光之流閱後可能吐血、嘔血甚至噴血,敬請留意。

*****************************************

今天給網友抄舊帳說:「Hana曾經講過,話大部份男人都係叫過雞既;話冇既只係呃你。」基於有錯必認和今日的我打倒昨日的我的做人原則,我必須承認:叫過雞的男人可能沒有我之前說的那麼多。而說沒有的除了有又不敢承認的那些之外,還包括以下幾種。

1) 冇膽、個性蛇gee,唔敢冒險的老實住家男人。(實話實說,這種從未'遊過花園'的男人也是最有機會一'遊'就不可收拾的。)

2) 孤寒。不是說笑的,真的有不少的情場'浪子'會話:「叫雞要付錢的喎?我要女人還要花錢嗎? 」

3)怕臟。怕臟的說法真有點像以前剛發現ADS時,人們對愛滋病的誤解,以為握下手就會傳染一樣。其實從個人衛生方面來說有些職業女郎清潔搞得比客人的太太還徹底,就看你會不會選了。從精神層面來看,如果道行夠高明白到身體不過是臭皮囊,就會疑慮盡消。

4)無门路。即係唔知頭唔知路又冇人帶,揸住成叠錢都唔知去边搵食果種,當然這一种也是胆小的。

5)貴夾選擇少。眾所周知要數風月場所選擇、數量、價錢的頭三名,大陸、澳门一定入三甲。歐美什麼都貴當然也包括人肉市場,最重要的是選擇太少了,十八廿二的太少了,所以在那邊居住的朋友就會自然而然少叫雞甚至不叫了。


提到臭皮囊,有看我舊博客的網友可能會說:「咿,你的相片集名字叫臭皮囊,那麼你是否也會去叫鴨呢?」當然不會啦!都說男女大不同的了,基於男女的身理构造的不同,男人很容易有原始的欲望可以有性無愛。女人不為錢(*)只能為愛(至少我是啦!)而做愛,沒有愛還要付錢?別開玩笑了。



(*)每個人都有一個價

引伸閱讀:
叫雞的男人
《叫雞的男人》後續
最壞的男人

24 則留言:

  1. 看罷了,只有這個不同意:
    「女人不為錢(*)只能為愛(至少我是啦!)而做愛,沒有愛還要付錢?別開玩笑了。」

    好了,我是男生,子非魚,對吧?
    還好HANA你說了「(至少我是啦!)」

    :p 好了,冒昧了(其實我係忠實讀者來架)。

    回覆刪除
  2. Sunny Chow ,咩好正?你唔講清楚我會以為你話我正!哈哈哈!

    Ron Lau ,你又唔講清楚唔同意咩?係不為錢(*)?定係只能為愛先?咪住先你有冇睇(*)篇文"每個人都有一個價"吖?

    回覆刪除
  3. 幾類都唔係ar, 我,
    是不是有d唔正常呢 ?

    回覆刪除
  4. 唔會唔正常嘅,歡迎补充,講來聽下?

    回覆刪除
  5. 其實我身邊都識好多男性, 佢地真係覺得冇需要"叫雞", 寧願多一兩個女友. 我覺得唔叫雞主要係供應同個人需要既問題.

    香港叫雞既選擇, 尤其係價錢大眾化既雞都比較驚嚇, 上海街o個類.. 仲有唔係大街大巷有.. 上埋佐敦o個d 舊式夜總會, 我覺得普通d 後生都係比較驚青會俾人湯都未定.. 好似另一個世界既事, 根本唔會諗.

    另外對某d 階層黎講, 香港人太忙喇.. 返工進修應酬屋企人同女友, 咁支力, 可能連搞野都懶, 邊有真係咁多性需要.. 個腦根本冇諗過呢樣野.. 有時間都訓多d la.. (provided that 身邊冇雞虫朋友帶壞佢地 =p)

    回覆刪除
  6. 好擔心,我的那個似乎未叫過.....

    回覆刪除
  7. 冇得補充, 就係未諗過叫雞, 唔知點解~~

    回覆刪除
  8. 反而最頂癮的係你響文章開首的警告,哈哈!
    那些衛道之士,其實有不少係偽君子呢!

    回覆刪除
  9. 睇左啊 :)
    就是不同意「不能為錢,只能為愛」這個 statement. 就算是女性,難道就不能為別的嗎?有性冇愛,大概都唔係男人既專利。

    回覆刪除
  10. Plastic G ,

    >佢地真係覺得冇需要"叫雞", 寧願多一兩個女友.

    個人真心覺得錢可以解決的問題就不是問題,多一兩個女友用錢卻未必解決到問題,所以我都係buy純身體走私的男人多啲。

    香港有前後花園澳門和大陸吖嘛!使鬼係香港搵吖?

    回覆刪除
  11. assenav ,有咩好擔心?你咁正佢承擔唔到个果!放心啦!

    況且我都話:「人世間凡事皆無絕對,有的只是相對;是是非非總有例外, 」囉!

    Sunny Chow ,噢,明哂!原來你話我篇文正。多謝!

    篤篤篤撐 :我知點解,嘿嘿...


    湯記:嗯嗯,我就寕做真小人不做偽君子了。

    Ron Lau ,嗯,點講呢?有啲女人分唔清喜歡同愛的話,你哩个質疑係成立的。即係話女人就算唔為錢唔為愛只不過係喜歡應該都會上人張床嘅。

    又:如果劉华搵女上佢張床,啲女使鬼為愛為錢先上呢?

    回覆刪除
  12. 男人叫雞 means........? 有問題咩? 俾錢解決到既野, 總好過靠呃呃tum tum 搵著so果d 啦!

    回覆刪除
  13. 都話我哋磁場相近啦!

    回覆刪除
  14. 你既觀點係假設男人o係性方面容易貪新鮮感?

    既然屋企有件又幫到自己解決, 叫雞亦唔係一種"必需品", 點解會想叫雞呢? 可能係我個別朋友圈子問題, 我覺得d 男人如果屋企有件, 真係冇需要為"解決性需要"而去叫雞.

    如果屋企o個件冇哂feel, 我反而會體諒 (唔係接受) 佢厭倦左自己, 想去出面識新對象有新鮮感.. 叫雞, 真係純粹解決性需要咋喎!!

    叫雞都係為左"出火"者, 點解寧願叫雞都唔搵自己? 真係接受唔到. 又有用condom, 又唔係動物本能為留種, 咁大貪要食均咁多件, 睇怕係想此生無憾為"威"多d, xdd

    回覆刪除
  15. 嗯..咁純為性呢?真的不會?
    那當然,不是說隨便找個人都ok啦,男人叫雞都要睇樣。

    回覆刪除
  16. Plastic G ,

    唔係假設係事實。

    叫雞同婚外情戀外情都係一樣,唔同的係一個係身體走私一個係身體同靈魂一齊走私。咁你話了龔生屋企都有房做咩要同林小姐去酒店爆房呢?

    Ron Lau ,會的當然會啦,要不然那些鴨靠什麼吃飯?只是比例很小吧。

    回覆刪除
  17. 男人叫雞冇問題,女人叫鴨都冇問題。前者要有品,後者要有理智,只此而已!

    玩弄女性以求滿足,明買明賣以洩慾,若要選擇,我寧取後者。

    回覆刪除
  18. 鴨可能又係另一樣野 XD haha~~
    may be there are also sth sth beyond sex.

    其實我身邊完全沒有接解過男妓或他們的顧客的圈子,所知都是從些研究而來的而已。


    倒是我所知,比較年輕的一代(well, may be it named「八十後」,不過我不太喜歡這個terms 和其背後好多的隱義)的女生裡,可以有性冇愛,並享受其中(而且有很清楚自我認知的!)的比例要高過上一個 generation 好多了。

    回覆刪除
  19. 打個招呼先, Hihi初到貴境 :)

    我想到有兩類:

    我老友告訴我, 她朋友的老公未婚前成日滾. 而這位太太好識同老公相處, 同老公飲紅酒, 又識夫唱婦隨, 俾足面他, 他就收心養性了.

    我想是因為他太太肯定了他是一位真男人的關係. 你知啦, E家流行的Maid cafe, 其實都是滿足這感覺.

    其二是...gay...

    imak, 男人叫雞無問題, 也與人無關. 老公叫就 (火且火)!

    回覆刪除
  20. 哈哈, 我鐘意『今日的我打倒昨日的我的做人原則』, 以後要多多套用~ HEHE

    死...俾人睇穿O左係冇膽匪類...

    回覆刪除
  21. 校長:選擇正确。

    Ron Lau ,可能女人可以有性無愛和男人叫雞一樣,多數都唔肯直認所以我地就覺得少囉!

    MF ,歡迎光臨。我認為關鍵係佢玩完/厭先結婚,同佢太太點對佢冇太大關連。

    川:死仔係咪想搵人教路吖?

    回覆刪除
  22. 不可說一些涉俗神靈既說話,因為萬物之靈即係人類係由主設計出來的

    回覆刪除

淡极始知花更艷,愁多焉得玉無痕。

Related Posts with Thumbnails