2009年6月13日 星期六

今日冇戴con

時間:某日下午6:30分左右,天色將暗未暗之際 。

地点:新界某東鐵站對出,位置略隱蔽的某公眾停車場。

提著手抽袋快步邁向自己的小車,離遠已經見到泊係我駕車隔離的七人車車门大開,三個男人企係車門邊只著底褲,用膠紙將赤裸的上身綑綁。行近啲先知佢哋用好粗的腰封將幾十部手提電話綁係腰度,然後用膠紙再固定。

其中一個成個背脊紋咗只大老虎的後生仔,阻住咗我司机位嘅車門,我揸住車匙行埋去話:

「阿叔,唔該借一借。」

佢擰轉頭(嗯,幾好樣,果然幾後生最多25歲到。)瞄一瞄我,行後少少話:「阿叔?...弊,俾你睇到我隻老虎添!」

我一面快快趣上車撻匙一面話:「睇乜鬼野吖!今日冇帶con!」(其實好想讚佢條黑色幼邊HOM底褲著得佢個patpat好鬼誘惑...)一踩油門絕塵而去。

唔之點解之後果十分鐘真係好似冇戴con(我視力超好,從未戴過con)咁,眼前盡是果隻老虎和黑色幼邊底底......



ps:唔好問我有冇報警,一來哩單野屬海關管轄范圍,二來停車場門口有疑似天文台,三來又唔知海關有冇跟緊。

8 則留言:

  1. 睇 title, 以為講 dum dum 添!

    BTW, 唔知點解,你d留言九成會飛落spam,我好特意 check,今日看才知你留言了。唉, wordpress spamware 真不該

    回覆刪除
  2. 唓~ 你日日都冇帶con架啦!

    回覆刪除
  3. oh...有冰淇淋食!!!

    回覆刪除
  4. 「阿叔?...弊,俾你睇到我隻老虎添!」
    呢句O既邏輯唔係好明...

    By the way, 女生會對男士O既幼邊底底有興趣O既咩? 我仲以為男對女先會添~

    回覆刪除
  5. 嘩.....

    咁樣返大陸呀佢地??

    回覆刪除
  6. 真爽!

    值得看的, 有睇頭的才看到!

    回覆刪除
  7. 哦,成日見到GALA。
    係去LOWU最後一個站嘛。
    有D女人帶一大袋內衣褲過關TIM~

    回覆刪除
  8. 老麥 :總以為你執過啲版冇得回應添 :(

    火鶴 :都係你心水清。

    行行:查實係...好人好貌做啲咁嘅野有啲心呃...


    川:女生係咪會對男士O既幼邊底底有興趣我就唔敢講,但穿住幼邊底又圍哂幾圈手機嘅,個印像真係幾難忘。

    小貝:係啩!(你返咗來有冇掛住德國吖?)


    richmapoorma ,係幾特別。

    匿名:唔係上水喎!總要前幾個站。

    帶一大袋內衣褲和未穿衫綁緊幾+部手機係兩回事來喎!

    我第一次親眼目睹jar,覺得幾特別!

    回覆刪除

淡极始知花更艷,愁多焉得玉無痕。

Related Posts with Thumbnails