2009年7月15日 星期三

沒有什麼愛什么

潮流兴對號入座,所以有必要先旨申明,這篇博文的內容和觀點只代表我自己。

情到濃時不單單是女人才會問:「你愛我什麼?」,這句話男人也會問的,年輕的時候我總是含糊其詞地答:「我也不知道愛你什麼,反正就是愛你整個人就對了。」有時候還會故弄玄虛、故作深奧地說:「愛是很抽像的东西,如果我說得出具體的東西來,你該害怕才對呢!僻如我說愛你迷人的眼晴,但是有一天你老了,眼睛周圍佈滿了魚尾紋,不再迷人了,我就不愛你了嗎?所以別問我愛你什麼,你只要知道我愛你就好了。」(當時也是真的這麼想的。)

直到三十過後的某一天,和友人聊天,無意中沖出一句:「我就是喜歡你的這種樸實、無機心、老實...」然後自己獨自抱膝呆坐,細想當下,回顧從前,發現自己除了善良、孝順和專一的特質之外,對男友其他特質的要求一直在變,愛的基本上是自己當時沒有的特質。

年輕時自己沒什麼文化和學識,也不穩重,所以愛有文化有學識和穩重的男人。

然後因為沒有擁有過靚仔,所以愛頂极靚仔。我還記得年輕時如劇集般輕狂的溝仔情節,一群空姐見到某個靚仔飛機師,私底下打賭,誰能第一個得到他的吻,就可以任選一件其他空姐最漂亮的衣服。

很快地在某次K聚後借酒行凶的我瞇著朦朧醉眼以一句:「想知道酒醉的嘴是什麼滋味嗎?」成功拿下了一堆漂亮衣服,至於後來真的相戀甜如蜜了,嫉妒的女生去告狀,搞得離離合合、傷心欲絕、雨過天晴、否極泰來、心花浪形、破鏡難圓、甜蜜如昔...從此靚仔免問,又是另外一個故事了。

自己是電腦白痴,所以對精通電腦的男人特別有好感。自己會彈鋼琴還以此攢錢,所以對不會彈鋼琴的女生蠻有吸引力的鋼琴'王子'完全不來電,但是如果是會拉小提琴/大提琴,會彈吉他的男人馬上就加分。

現在的我工作起來市儈、 惡/tough、爾虞我詐、 不務正业、言不由衷...所以愛誠實、純樸、無機心、老老實實,事無不可對他言的男人。

好了說到最後不得不說說錢和愛情 ,忘記了是哪個女作家說的:「二十多歲想找個男人養活自己,三十多歲就只想找個能養活自己的男人。」林燕妮說:「男人要女人養,太沒勁了。」我是极之認同的。

我的年收入是七位數,相信年齡相若同樣收入的男人不太多,幸好我從不要求男人的收入要高過我。收入高和聰明、勤奮、好學、有恆心、有毅力、有上進心、有自信等等有點關係,但我認為運氣占的比重也不少甚至更大,運氣是與生俱來的,人自己并不能控制,這點是很無耐的。

我是傳統的中國女人,認為自古男女大不同,各有分工,男人養妻活兒天經地義,就像男人擺弄女紅我覺得是難堪的。

我喜歡用男人的錢,問題是怎麼用、用多少,用得適當不影響男人的生活質素之餘還有助提高男人的男子漢氣嘅和自信,畢竟不是人人都喜歡吃軟飯的。

我有車你沒有?沒關系的,每天做你的司機載你上下班也沒問題,但是你要把你原本用在公車上的交通費給我,這樣大家都自在,也沒有自尊心的問題。

住不起大洋房,那麼就租個小屋住好了,房租當然是你付的,其他雜項我會辦得妥妥當當,這些瑣事本來就是小女人做的。我愛你,眼睛裹的五呎床比廚房還要大。什麼找個富姐少奮斗20年,在我這裏沒戲。

吃飯當然是你埋單,價錢當然是你負擔得起的,還記得嗎?聖誕夜我們坐在我的小車上吃你買的蛇羹和糯米飯。

我的錢真的和你一點關系也沒有嗎?也不盡然,我愛你,你就如親友般,對你和他們一樣,我的錢救急不救窮。

最重要的是我自認由內至外都富有,不需要找個有錢男人少奮斗20年,我不介意你收入比我低,希望你也別介意我比你有錢,可能我只不過是運氣比你好了點而已。



延伸閱讀:有感而發

31 則留言:

  1. 睇完這篇帖子,覺得好似在講恐龍.咁溫順、柔性、理性、乎合現今女性的男性,經已絕了性.要博物館才見到.哈哈!

    回覆刪除
  2. 相处起来大家舒服就OK啦....

    回覆刪除
  3. 佛爺 :點會乎合(大部分)現今女性要求吖?

    小瓶子:係吖,最緊要自在。

    回覆刪除
  4. Ohhh.... Who am I?
    ~Egret~

    回覆刪除
  5. 認同. 不過香港好多女仔/人會唔認同.

    回覆刪除
  6. Woke long time ago after received your advice... Already stepped away my wonderful dream...

    ~EgReT~

    回覆刪除
  7. 係吖!搵個收入少過自己嘅女人就話cheap,使些少男人錢了喎,男人又話你係港女。

    回覆刪除
  8. But I do miss my dream with....It is NOT erasable!!!

    ~EgReT~

    回覆刪除
  9. 認同呀!

    尤其現今世界,女的搵得比男的多很常見,出街吃飯由男的決定吃甚麼便好了,他會因應自己能力負擔得來的才吃,千萬不要討好女伴而充大頭鬼啊!

    Hana 你這編文讓我也想打幾隻字在我那邊啊!

    回覆刪除
  10. EgReT,不如再瞓過?

    the8 ,嗯嗯,咁快啲寫啦!

    回覆刪除
  11. Ah Ha... But sleeping is not my favourite... I like to plan and walk my way... I would wrap my dreams at somewhere... :) Thats me! I just a simple guy...

    Thanks for your advice!

    ~EgReT~

    回覆刪除
  12. 足食足衣的話,錢最好就不要想了!

    回覆刪除
  13. 校長:我對錢的態度亦都持中庸之心,學威猛哥話齋:人食得幾多著得幾多吖!只要唔闖禍的話,豐衣足食唔太難嘅啫。

    我比你貪心啲啲,足衣足食之餘總要偶爾滿足下奢望,反正我唔好名牌衣飾,依加連名錶都唔好了,唔太難自給自足,所以擇偶對方收入毋須考慮。

    回覆刪除
  14. 呢篇超精彩呢!!
    有話香港冇男人,只有男仔,
    我話其實相反亦然,香港都冇乜女人,只有女仔,
    但 Hana 打破左呢個定律囉! (但 Hana 又半個香港人咋喎....)
    Hana 既思想令我展開了另一片思想既天空,真架,係咪好誇張? anyway thank you thank you, please keep going

    回覆刪除
  15. 好似有D火咁喎。

    所以某程度上門當戶對有佢既道理同存在價值,起碼少左好多麻煩。

    回覆刪除
  16. 「你愛我什麼?」 凡係女人問呢條QUESTION, 都唔好答, 一定有FOLLOW QUESTION, 點答都死 ! (其實唔答都死)

    回覆刪除
  17. 鎚 :好誇吖!

    易:吓?

    我發覺依加啲男仔都越來越講究'門當戶對'搵得五萬嘅絕不找月賺二萬的女仔,唔似得以前中意養起個老婆係屋企相夫教子...


    (係啦係啦,你幾時做老豆?)


    篤篤篤撐 :唔答總死,你可以用贊賞教育來答,講佢優良的內涵特質,等佢keep住或者進步。(內在特質係人可以控制的,唔似得外表,點留都留唔住。)

    回覆刪除
  18. 我想....借酒行凶的你一定好姣好媚...哈哈!

    回覆刪除
  19. 男人沒女人想得這樣多吧,我想。我們女人總會想得很多,很深,很遠。。。

    回覆刪除
  20. 花迷 :都幾!呵呵!

    csyee ,有啲都會諗嘅,不過好少會講出口。

    我們女人本來就比男人深嘛!^.*

    回覆刪除
  21. 咦...張附屬卡主點算呢!?

    回覆刪除
  22. 張附屬卡主話:「儍人,別傻吧,別只放著我給妳的信用卡在銀包裡,拿出來用吧,好嗎?」

    咁囉!

    回覆刪除
  23. 張附屬卡主之前還說:
    「當大部分人都為看見信用卡賬單而煩惱時,
    我卻很開心,
    我是不是儍了嗎?

    或許,我心底裡是個大男人,
    我喜歡妳用我的錢。 」

    回覆刪除
  24. 我講既唔係錢既問題,著眼點係個人背景引申而來對一個人既興趣、見識、眼界、轉數、同氣量等等方面既影響。

    我講既係如果兩個人係心理質素差異好大的話,兩個人相處上會比較困難。
    畢竟能夠和而不同,唔係一般人可以做得到。可以咁樣兩個人一齊既唔係冇,係好少。
    所以我"只係話"門當戶對有佢存在既價值(而無係話呢樣野o岩晒),係因為人天性上比較傾向排他,而唔係講錢。而針對既亦係普羅大眾而唔係少數既例外。

    我以為中庸如你會明我講乜,你竟然睇唔到"門當戶對"背後正面既意義?
    你篇野雖然處處提到"錢",不過其實度度都係度講緊"心",我同你講心,你竟然話我講錢?真係豈有此理! >:(

    另外,我又真係對養個老婆係屋企做黃面婆呢樣野冇咩興趣。
    我鍾意內子有時代觸覺,鍾意同佢咩住背囊周遊列國,上山落海,講天文地理。
    我唔鍾意聽、佢亦唔會同我講柴米油鹽八卦周刊同三姑六婆講D乜。就算真係要講,都係兩個人一齊講。

    又,我幾時做老豆?花大仙你幫我算下咪知囉 ;)

    回覆刪除
  25. 喂喂喂,你唔好理橫折曲喎!心理質素同个人背景(出身)有一定的關系卻非必然有關格喎!

    ok你嘅門當戶對係指世界觀、人生觀,做乜鬼要用帶有階級成份的'门當戶對'遮。

    我批你幾擊即中,點鬼知你擊咗成年都未中,花大仙中咗暑失靈啦!

    回覆刪除
  26. >有一定的關系卻非必然有關格喎

    嘿嘿,你都識講有"一定關係"喇,我夠知非必然洛!
    所以一開始已經講係"某程度上",之後再解釋都係話針對"一般人"而言,絕無理橫折曲 ;)

    >做乜鬼要用帶有階級成份的'门當戶對'遮

    呵呵,你咁玲瓏剔透,話頭醒尾,見識非凡,對D非常人當然要用詞非凡喇。
    有階級果個咁普通既意思使鬼我講咩你都知喇。
    我就係鍾意係平凡中揾到不平凡,係負面裏面揾正能量。
    仲唸住對住個醒D既人可以言簡意刻一D添,點知...唉

    >花大仙中咗暑失靈啦!

    You are in heat? Haha
    原來引擎過熱唔夠轉數,唔怪得之唔明我講乜喇
    Be careful or you'll be on fire soon, or have u already? hehe ;)

    >幾擊即中

    唓,只要健健康康,一矢中的又有何難,射石飲羽先考功夫呀!嘻嘻

    回覆刪除
  27. 車,其實一早想答你着咗好耐啦!
    (有早知冇乞衣吖)

    回覆刪除
  28. 石女?
    即係普通料,冇難度?

    回覆刪除

淡极始知花更艷,愁多焉得玉無痕。

Related Posts with Thumbnails