2009年7月23日 星期四

投機、投資雜談(一)

個巿上到萬九點樓上,雖然持有的股票市值不斷上升,但暫時總未打算減持,依加個市完全冇辦法用數据理性地去分析,只有憑著感覺走。

【中移動、匯豐和港交所】
持有的中移動(941)、匯豐(5)、港交所(388)是三大榴槤股,即係中意的就好中意,唔中意的就极之唔中意。對941的信心冇另外兩隻咁大,但又唔睇得太淡,始終係電訊業的龍頭股,就算個市掉头大跌,哩啲龍頭股始終跌极都有個谱,因為只持有极少量所以唔會沽住,但又唔會再入。

5仔28蚊供股上到60蚊時曾經心思思想賺咗走先,後尾不了了之,上咗65蚊之後反而唔再諗止賺,心定咗落來,再上上落落已經冇感覺,由佢擺係度,暫時睇80 蚊,如果大市冇大改變係55附近會增持。

388係我其中一隻幾年來都保持月供的股票,好多人都唔睇好哩隻股,話阿爺撑上海做金融中心,港交所勢必被邊緣化388前景堪虞。對此我係极之唔認同的,388做的始終係獨市生意,而且歷史悠久(相對於上交所、深交所來講),市場相當成熟經驗豐富。退一步來講就算真係俾上交所爬頭,生意咪一樣照做,就好似澳門啲賭場咁,冇話一間大哂嘅玩哂!股市就係拍波起起落落的過程,有落就必定有起,而大市的成交量也會隨住牛市上升,388的股价一定會隨指數上升。另外長遠來講總有和深交所、上交所合併的契機,所以長揸係冇錯嘅。

【適量投機194、82】
上個月係$5.10買入市場先生分析過的194廖創興企業 ,暫時有10%的升幅,但哩隻股係投機得來帶有投資成份的,所以會中、長線持有至少有兩、三蚊執先會走,越來越发覺密密食雞糊再多都唔夠來一鋪清一色和味。有時就算撿股啱但冇耐心、冇大志、短视、唔等得都係冇用。

前几日和Amy、Amy的教授男友C飯聚,其間和投資有道的C相談甚歡,講股票滔滔不絕宏辯一番,各抒其見不傷和氣之餘又各有得著。第一视頻(82)是教授C投資組合中最重磅的,由3、4亳起收集,睇2、3蚊,依加已經賺幾個開了,一股都未沽過,堅持2蚊先開始沽,講真少啲定力都keep唔到咁耐。

我對毫子股真係冇乜投資意欲,但投機的話小注玩下無妨,82舊年業績真係不敢恭維,但哩啲股都係炒消息炒前景格遮。

「第一視頻通信傳媒在三大方面擁有優勢,包括擁有從事網上廣播及發佈的全部牌照、成功建立的品牌及充裕的營運資金。憑藉所擁有之全部牌照,第一視頻通信傳媒得以拓展業務,涉足新聞內容、購物及遊戲發佈等業務領域,此舉將提高第一視頻入門網站及第一視頻直播平台的瀏覽次數;此外還可擴大網上廣告業務,為第一視頻通信傳媒帶來更豐厚收益。」

講真哩啲吹水美顏展望全部唔係我會投錢落去的原因,一個'賭'字先至係吸引我的主力。目前大陸比較普遍的公開博彩只得2蚊一注的體育彩票,但82已經攞正牌係黑龍江開设類似的彩票,有望逐步係全國范圍開設,中國人有好强的賭博基因,買哩隻股都係賭博。

係$1.08買咗10萬股,未設价止賺/跌位,一切都憑感覺話事,有時感覺遠遠比規距/則有效,炒股票特別是投機性質的,就好似打仗,冇規則是唯一的規則,因為每一場仗/每一隻股票都唔同。


小心小心:純粹個人發呃瘋,千其咪跟(係吖係吖,惊你搭沉船呀!)

16 則留言:

  1. 82我都有留意,如果我真係落注會話你知(即係,嗰時你就應該走喇)

    回覆刪除
  2. #941, #005 AND #388, 當係收息股好了, 不要當係增長股, 不過點都唔會死。

    第一視頻好耐之前搏大霧買過, 等左好耐冇耐性坎左了。呢d股就真係要有消息, 否則等幾年隨時得個吉。

    廖創興, 又收息又等收購, 和味了, 建議不如買曬其他本地銀行, 等收購, 是但中一隻都得。

    我呢, 最近重注航運股,搏佢一年double, e+睇緊紡織股, 又係搏佢double, 仲有, 開始研事西部開發既股票。

    回覆刪除
  3. 講漏左, hana你有o甘多blue chip, 當然可以大手賭下仙股, 其它唔夠彈藥如我的, 唔敢學你, 總之, 賺左請飲茶....

    回覆刪除
  4. 之前买落嗰D 股票, 沉左有升番上去...无乜特别感觉...哈哈..

    回覆刪除
  5. 花花:

    我與佛有緣,與錢無緣,還好嗎?

    回覆刪除
  6. >>中國人有好强的賭博基因
    而家d人投機多過投資.

    原來388係榴槤股, 其實我今日有諗過沽, 最終隻手無行動過. 我想我對佢係有d鍾愛.

    回覆刪除
  7. 我都有持有三大榴槤,而心態基本上同你一樣,所以呢一刻都冇諗住沽...

    "密密食雞糊再多都唔夠來一鋪清一色和味"
    呢個道理我一早知曉,所以現在都好少買買賣賣,你呢句說話絕對含大智慧呢...haha

    回覆刪除
  8. 米兄:等你call

    篤篤篤撐 :如果淨係要收息我就齋買11啦!起碼息都高啲吖嘛!5同388我係睇財息兼收!不過要有耐性咁解遮。

    係毫子股唔係仙股呀!

    小瓶子 :有信心唔上心係最好的辦法。

    校長:我幾好,有心。

    你咁都叫與錢無緣?穩穩陣陣好過三更窮五更富好多吖!

    行行:388我唔會沽住,政府入市价都150+啦!


    中產管數男 :我哋哩啲人本生睇公司大數已經夠累了,自己的私人投資最緊要係擺係度十日八日唔睇個市都安心,而哩三大榴槤股就可以做到哩個功效了。

    都要經過無數次實踐先得來少少心得。


    c.m哥哥:要唔要保劑丸?我總有二、三、四、五...未寫喎!

    回覆刪除
  9. 尋日quamnet吳家順有講 #082, 睇黎就黎飛升了 !!
    請~~~食~~~飯~~~ar, 唔該 !!

    回覆刪除
  10. 點只十日8日,幾個月甚至一兩年呢...

    回覆刪除
  11. Haha,
    誠意邀請到我Blog中,看看太陽.

    回覆刪除
  12. セレブラブでは心とカラダに癒しを求めるセレブ女性と会って頂ける男性を募集しています。セレブ女性が集まる当サイトではリッチな彼女たちからの謝礼を保証、安心して男性はお金、女性は体の欲求を満たしていただけます。興味がある方は当サイトトップページからぜひどうぞ

    回覆刪除
  13. 【緊急】突如として消えたスタービーチが復活!長い年月をかけて不死鳥の如く蘇ったスタビをお楽しみください【緊急】

    回覆刪除
  14. ヴィクトリアマイル 2010 予想、オッズ、厳選買い目は?今年の波乱をズバリ!確勝買い目公開中!大穴狙いのギャンブラー必見激アツ情報

    回覆刪除

淡极始知花更艷,愁多焉得玉無痕。

Related Posts with Thumbnails