2009年7月25日 星期六

投機、投資雜談(二)

【財經新聞和股評】
和為人处世一樣要明白兼聽則明,偏信則暗的道理,報紙不能只看一份,電台/視不能只聽/看一個,網上更要覽眾而留小。至於一众財演的股評有時間一看無妨,但千萬不能盡信,如果唔係好易成為大口爸爸係輸完又黎賭過 中講的最可悲(惡)的大輸家的點心。始終錢係自己格嘛!點可以聽人講两講就攞自己養老/血汗錢去鉸飛?!

其实凡人再叻都係凡人,點可能一世英明永不出錯呢?那啲財演日日要搵罧巴講股,錯一半(已經好勁了)都好合理,但錯咗唔認又或者左兜右兜就唔應該囉!因為佢哋係收錢寫稿/講股,又因為佢受薪而令到一眾聽信專业高手投資意見的散戶損手。當然投資风险係自負的,輸咗錢唔應該怨人,但你點錯路認个錯啲人条氣咪會順啲囉!鏟哂些舊文就當冇事發生?真係好幼稚。

我幾中意睇黃国英啲股評,一來唔會好似陸叔咁唔係模稜兩可冇罧巴,就係推啲龍頭股大藍籌,二來識得認錯得來總要係夠快够直接。

【孖展】
我份人天生冇乜賭性,去拉斯維加斯和澳門入賭場都係斋行斋睇,連10蚊老虎機都唔會拉,所以炒股10年除咗抽新股从來都唔會掂衍生工具、借孖展。借孖展抽的新股總要係具备市況熱、龙頭股、行业好等等利好股价因素的,所以今次奮身入B組抽金隅(2009)對上果次應該係工行(1398)。

【基金和股票組合】
依加除咗指數基金,其他基金一律唔買。指數基金只收1%手續費,其他基金明的手續費由3%~6%,暗的總有各種行政費用同埋外幣兌換差价(有好多基金用美金和歐元為單位),未見官先打三十大板,太冇癮了。

當我手持指數基金時就會將个股票組合的股份數目減持至10隻以下,如果冇指數基金在手,基於金牛座對安全感的強烈需要會擴大持股范圍,务求做到穩中求胜,不求急富,但願不窮;唔輸間厂,總贏盒糖。

目前并無持有任何指數基金,所以連埋月供的股票共持有十幾廿隻股票
(多咗啲),如果個市調整得幅度夠大會考慮買恆生標普500指數基金、2800、2823,所以依加諗緊減持相關股票。

11 則留言:

  1. 大姐真厲害,小弟都唔掂孖展,不過原因係試過輸到仆直,大姐唔駛交學費就識,掂你發成咁! XD

    回覆刪除
  2. 唔知點解男人掂親股票的都一定會掂埋輪架喎!而掂親一定係先羸後輸突然後話从戒輪喎!+个中十个都係,一點也不夸張。

    回覆刪除
  3. 男人睹性普遍重啲,喜歡大上(買牛)大落(買熊),但鍛羽居多,因為大户操盤,舞上舞落,根本難足手影。

    回覆刪除
  4. 我係第十一個, 只買股, 唔warrant...

    同你睇法/做法一樣. 唯一唔同係冇買金隅, 買左其它影子股, 貪可以買多d, (當然, 最正確係買金隅之外再加碼買曬影子股...)

    回覆刪除
  5. 校長:我都係咁諗。

    老麥 :所以李嘉誠發過四叔?

    篤篤篤撐 :係吖?從來冇買過?一次都冇?

    好即改:+个中九个都係,一點也不夸張。
    你係第10。

    八哥老豆 :知道但冇細摸過佢,唔止一次啲friend叫我炒佢...

    回覆刪除
  6. 冇買, 係因為懶,唔識點買
    你係第10>>>>變左十下十下, 嗚~~~

    回覆刪除
  7. 弊!! 我之前玩過一次輪, 仲要係成班同事一齊炒, 結局唔駛問...梗係一鑊熟!
    之後一次都無玩過,只買股.

    回覆刪除
  8. 依家都吾知入吾入市好,因為又話8.9月可能轉差

    回覆刪除
  9. 投資的依加梗係唔入啦!

    我今日4:00入咗8136投機。

    回覆刪除

淡极始知花更艷,愁多焉得玉無痕。

Related Posts with Thumbnails