2009年7月27日 星期一

投機、投資雜談(三)

【人壽和儲蓄保險】
人壽保险險的現金價值可以在不取消保單的情況下以抵押方式借貸,利息略平過私人貸款,是個人融資的辦法之一,手續簡單。而人壽保險的保額也是个人遺產的一部分,所以人壽保險絕對是投資的一部分,而且比重還不輕。

人壽保險通常都附帶不少額外保险,附帶的種類越多保費越高,而附帶保險的保費通常都不會有助保單現金价值的增長,簡單來說就如同意外、家居、旅游保險般,付了錢沒事发生不索嘗錢就完全沒有了,是一次性消費的保費。所以一般來說買人壽保險應該盡量不要附帶其他保險,但如果是家庭經濟支柱的話,失去工作能力自動續保/免交保費的附帶條款是一定要有的。

很久以前曾經做過某美資大保險公司的保險經紀,因為可以免去頭一年保費高達40%的經紀佣金,陸續買下了好幾份人壽和子女教育儲蓄人寿保險。前幾年銀行大力推廣什麼理想目標人壽保險計划、子女成才儲蓄保險計划、五年智選儲蓄保險計划...看着'送'的首月保費、9999金12生肖/財神/福祿壽...鬼使神差又買了好几份,結果每年單是保費就要交6位數。

我的保費都以年繳方式付費,如果負擔得到年繳相比起月供而言,可以省下不少利息而且可以變相收緊自己的銀根不令自己糊亂消費。每年收到保單年結的時候總是很氣結的,因為保單的現金价值加紅利的總額一直是低過已繳保費的。几乎每一份人壽保險的實質紅利都沒有當初投保時出的計划書上的多,几乎每個人都小看了那一行:「紅利可升可跌」小字的殺傷力,一旦上了'賊'船看着貨不對辦的保單年結通常都是啞忍繼續供款的居多,我也不例外,只想着本都沒保怎麼能走呢?其實人壽保险險既是投資的一種,勢頭不對止蝕也是很應該的。

年初AIG執笠,引发AIA保單的贖回潮,我是其中的一份子。有兩份子女教育人壽保險到期繳費,計算回報,總算還有些盈余,再計算續供之後的回報之後,實在太不吸引了,馬上終止保單取回現金。基於此事的起心肝仔細研究其他保單,決定只留下兩份保額大,保費相對少(年紀越小越便宜)的人壽保單,因為這兩份保單再交多三、四年保費之後已經可以以紅利自動繳付保費了。

銀行的保單也根据保單到期日陸續贖回,只留下一份已經繳清保費只等到期的什麼5年智選儲蓄的保險。雖然這些保單贖回價值只有微利,卻也總算是賺了一份經驗,也真的儲蓄到一筆錢,因為如果這些錢當初沒用來供保險很大機會是亂花掉了從此無踪了,又或者在股市裏交了更多的學費,初涉股市的人誰不交學費呢?只是多有多交少有少交罷了。


PS:已經有不投資/投机的讀友來信投訴說,我最近老寫這些很無癮,也沒什麼興趣看下去了,能不能多寫些兩性關系的文。我想說沒興趣就別來了,我寫博客又不是為了你的興趣的,這個條目還有很多車西要寫呢!認真說我不知道以後自己究竟會不會回看這些博文,但我刻下在寫這个系例的同時不斷地在思考、整合自己的理財路向,這是一個很好的思維方式,也歡迎志同道合的博友們亙相交流。

人生不只是吃、喝、玩、樂,男情女愛什麼的,還有很多其他的东西呢!更何況吃、喝、玩、樂也得有錢有閑才行啊!

13 則留言:

  1. 型得你吖..

    兩年前單嘢, 其實個offer幾好, 供十年, 五年後保單價值可以回本, 幾穩陣, 幾啱我呢種穩守派. 可惜當時我又唔係留响HK, 第二日就要走, 又唔知填邊個受益人好(唔通真係填阿琪咩!), 所以最後都係不辭而別, 咁囉..

    回覆刪除
  2. >已經有不投資/投机的讀友來信投訴說

    你都會有人投訴?!

    不過咁,我個人睇法,係兩性關係,其實跟投資,息息相關。

    人是一個多面體;而投資(或曰,處理金錢的態度),其實會影響著一個人的想法;同時亦是一個人價值觀的一部份。

    一對戀人能走在一起,其價值觀或多或少會相似,對金錢的態度,亦要能融洽(未必是一樣,但起碼不能一個視錢為一切,另一個則視如糞土)才能維持較長久的關係。

    花妹你寫多啲啦

    我都好想知有錢人既諗嘢方法;知道分別先可以知道我自己點解咁窮!

    回覆刪除
  3. HANA教大家搵錢心法都唔要, 邊個o甘大膽 ? 拖出黎狗頭斬侍候 !!

    回覆刪除
  4. btw, 我喜歡睇, 因為可以刺激思考...

    回覆刪除
  5. 娜姐:

    個blog 係你既, 鍾意寫乜咪寫乜, 又唔係有錢收、睇收視!! 睇完你個人理財分析/觀感/意見, 都有d得著! 自己都會反思下,點解自己成日"財來財去".
    支持你呀!! 繼續寫多d好野分享呀!

    回覆刪除
  6. 我蒙到死,甚麼現金價值、基金單位、紅利...一舊雲。

    希望個經紀冇呃我喇!

    回覆刪除
  7. 火鶴 :咁都型?

    簡介果陣時就計到話五年後保單價值可以回本,到正式出咗單就係7年8年,到你買咗就唔知幾多年了。

    總之以我經驗就係買人寿就唔好要帶儲蓄的,因為保障係會隨住保單到期而終止,但人寿保险喎,當然年紀越大越需要啦!要儲蓄做零存整取的回報總高。

    總之要分析利敝就一匹布咁長,有需要我免費幫你睇下又點話?!

    米兄:其實佢都冇惡意嘅,話好中意睇我寫的文,不過唔中意睇哩啲囉!但我唔會俾人捧一捧就輕飄飄咁轉方向嘛!咪唯有請佢迴避下囉!

    我係中產/慘,唔係有錢人。有錢人係唔用銀包的,隨身帶住一、兩萬現金,唔會有銀仔係身,而我有用銀包,總要係附帶散紙包的沉甸甸銀包。

    回覆刪除
  8. 篤篤篤撐 :刺激咗會唔係hxxx?

    行行:謝謝!

    老麥 :游龍在野遮...嘿嘿!

    校长:靚唔靚先?靚的呃咗都抵啦!

    回覆刪除
  9. 理財咁重要,我鍾意睇架,多多指教...而且除了吃,喝,玩,樂...買相機都要錢架...-.-!

    回覆刪除
  10. Denzel Leung ,車,你用咩相機都掂啦!總使買新機嘅?

    回覆刪除
  11. 有人話AIA幾好,我12年前响國衛買人寿保险.意外保险,在早幾年買醫療保險(住醫院)及同時取消意外保险(一次性消費無乜用),但有人話國衛保費又貴賠得又小,我雖然無去深究,也是騎虎難下

    ps:現階段,小股民的我比較關心股市動向,haha

    回覆刪除
  12. 12年前?買945的发死你吖!

    我反覺得意外值得買,雖然係潑出去的水但小小保費保額高高其實係幾抵!(恆生買5年唔索嘗的話會退返30%)

    醫療保险公司有就算,事關保費實在太貴,注意飲食多啲运動年年body check總實際。講真如果几廿萬都醫唔好嘅都無謂醫,如果醫得好嘅分分鐘同咁多年交的保費差唔多。如果住過醫院得過下病啲保費更加係離譜的貴。

    回覆刪除

淡极始知花更艷,愁多焉得玉無痕。

Related Posts with Thumbnails