2009年9月29日 星期二

學會向現實低頭

女兒:媽媽,我該怎麼辦呢?

媽媽:有時候我們必須學會向現實低頭。

女兒:嚇?但是...

媽媽:凡事要成功必須具備天時、地理、人和三大因素,單單靠人自身的堅持和努力并不足夠,很多時候還要看環境,也就是形勢,順勢而行的話,自身準備得不充分也可以行得通。反而時不與我的話,個人再如何堅持都是徒勞。

女兒:嚇?你是我的媽媽嗎?

媽媽:親愛的,我當然是你的媽媽,但我更是你最好的朋友。

女兒:你教我毋須為理想而堅持奮斗?

媽媽:不是不是,我的意思是要學會順勢而行才能事半功倍,以便儲存更多的能量迎接下一輪的挑戰。你要記住暫時的妥協不等於放棄,任何時候都要裝備好自身的條件,蓄勢待發以便趁勢而起、一擊即中。

女兒:不想我去就直說嘛!講得好復雜喲!

媽媽:嚇?

20 則留言:

  1. 同你寶貝女講: 有智慧不如趁勢嘛!

    回覆刪除
  2. 簡就幾簡話,但又唔可以講得咁直接嘅,始終佢總細吖嘛!

    回覆刪除
  3. 仲係細路女, 事事有媽媽安排妥當, 未試過梗係覺得好複雜.

    >>記住暫時的妥協不等於放棄,任何時候都要裝備好自身的條件,蓄勢待發以便趁勢而起、一擊即中。
    我時常同自己都係咁講!

    回覆刪除
  4. 有智慧不如趁勢?老曹講股??

    回覆刪除
  5. 體會,一切了悟都要經過體會。

    叫女兒不要忘記今天母親所說,將來印證所想,感悟就會更深刻!

    回覆刪除
  6. 很渴望有個這樣的媽媽!

    回覆刪除
  7. 你要記住暫時的妥協不等於放棄,任何時候都要裝備好自身的條件,蓄勢待發以便趁勢而起、一擊即中。

    這句我最欣賞, 可以用在泛民身上.

    回覆刪除
  8. 哈哈, 由『不想我去就直說嘛!講得好復雜喲!』, 表明女子當時去意已決. 不過, 我估佢事後會再細味你O既說話, 話唔定會接納你O既意見. 所以你O既好言未必無用.
    年青人(WELL, 成年人亦然, 女人尤其...)口不對心係常有事情.

    回覆刪除
  9. 聰明的媽媽遇上更聰明的女兒!呵呵!

    你果然邪邪地....記得之暑假前不少學校因豬流感而取消畢業禮,家長說孩子好失望,因準備了表演卻派不上用場....我當時想,為何家長不趁機教導子女,這世界不是你準備好就順著走的,世事還有許多意料之外....
    但願有更多像你這樣邪邪地的好媽媽!

    回覆刪除
  10. 好多年之前就曾經有依句:

    背棄了理想
    誰人都可以
    那會怕有一天只你共我

    的確,任何人要學會在這個殘酷的現實中生存,就需要妥協/低頭...所謂的理想,也不過是用來騙騙小孩子的一塊遮醜布,根本掩飾不了現實的可怖面容...

    要做到依句,真係談何容易...

    仍然自由自我
    永遠高唱我歌
    走遍千里

    結果,成長的過程成為了一個妥協/低頭的過程,習慣妥協/低頭之後,我們對於自己的扭曲就開始習以為常,畢竟,都係果句,「搵食jer,我想架?犯法呀?」

    結果和我們自小所認識得所謂「正確」,偏離得愈來愈遠...

    教養孩子,就是一個讓他學習離開自己的過程...

    回覆刪除
  11. Ebenezer ,教緊個女點比較舒服的做人。

    行行:唉...我哩個女想幫佢安排妥當都冇門路,佢自我管理意慾好強,8、9歲已經跟住球隊周圍去訓練營/打比賽了。人仔細細自己執定三、四的行李揹住球包拖住行李掛住証件/錢袋穿洲過省。

    老人:佢想就好lur...

    篤篤篤撐 :嗯...下回分解

    八哥老豆 :應該係天時、地理、人和缺一不可。

    老麥 :有d人就跌到傷痕累累都唔夠聽人一句經驗之談咁有領悟。亦都有啲人需要雙管齊下。即係煮咩餸落咩調味料。

    回覆刪除
  12. 校長:講一次一定入唔哂腦,我的策略是密集式廣告洗腦。哈哈!

    花迷 :不瞞你說,個女作文有話幸庆有我哩個阿媽!


    Lotto ,其實哩句說活應用好廣泛!可惜哩句反而俾個女利用咗...

    哩次真係捉蟲。

    火鶴 :中庸囉!俾佢玩死:(


    川:都算有用嘅...


    荒木茂 :太多想當然的阿媽就自不然多當想然的女。

    不過有時我都會諗需唔需要咁快揭開現實的面紗咁早讓她看清現實的殘酷呢?諗諗下都係早好過遲...

    ak,不對不對,暫時的妥協/低頭并不等於對於自己的扭曲。
    舉个例子:滑浪風帆好手訓練咗好耐,自己体能最佳又約好哂班发燒友去西貢pk,但天公不作美打風落雨,唔向現實/大環境低头?夾硬來結果如果可想而知。...

    >結果和我們自小所認識得所謂「正確」,偏離得愈來愈遠...

    很多時侯我們長大了甚至老了才會发現原來自小所認識得所謂「正確」,卻正是不正确。

    回覆刪除
  13. >邪邪地

    我覺得係呢"種"咁既情況,話佢"邪邪地"係會令人有誤解。事實上,"無成法"先係大道,無分正邪!

    回覆刪除

淡极始知花更艷,愁多焉得玉無痕。

Related Posts with Thumbnails