2010年1月12日 星期二

豆苗

想不到豆苗的種子是如此香艷的粉紅色。
埋在泥土裡約7、8天後,開始冒芽。

只要有陽光就長得很快。
樣子好美的,翠綠色蝴蝶形的葉子連細細的触須都有呢!
自家種的,小小的時候已經可以收割了,吃的就是嫩嘛!
齊根處剪下葉子來,留著根的話過多15天左右又可以收割了。
聽說新鮮收割的蔬菜40分鐘以內吃掉的話最多營養了,趕緊做好熱辣辣的上湯蒜子浸豆苗。
以前我是出了名的食肉獸,不怎麼吃綠葉菜,現在不知道是因為年紀大了還是自己種菜的緣故,吃多了很多綠葉菜,再加上喜歡到可以拿來當飯吃的玉米和蕃薯,要養我花費真的不多啊!

17 則留言:

  1. 香艷如頂盛時期的蘇菲亞蘿蘭...(流口水中)

    出面賣的豆胚好貴咖...四襾賣成廿蚊...自己種真係幾時都有得食!

    回覆刪除
  2. 最愛吃豆苗,唔知有冇機會在四十分鐘內吃你種的上湯蒜子浸豆苗呢?

    回覆刪除
  3. 小弟年紀大左都係鍾意食肉,只係健康唔容許食太多。

    回覆刪除
  4. 其實你邊度有地方時間種野?四海為家架喎你
    我都想試下啲收割40分鐘以內既豆苗啊....

    回覆刪除
  5. 將來#82系统就好似菜苗咁一早預装响联發科嘅MTK芯片入面, 勁啊!大部份國產機如联想等都係用MTK(其实MTK系统好好用,價錢相宜,又省电, 双卡双待, 又稳定,只係俾部份唔負責既山寨廠搞cheap左) 呵呵...市場咁大, 你既小菜苗園好快就長成森林咁大. 谢推介!....可惜胆小嘅我己食左糊.

    回覆刪除
  6. Hana︰妳一雙彈琴的手,還愛種植!

    回覆刪除
  7. 火鶴 :有啲總香艷嘅...睇唔睇?

    小瓶子 、小C、鎚 :梗有機會試我啲手式嘅,揾日得閑啲又打下佢,好冇?

    the8 ,咁我慳咗好多?

    老人:我都總中意食肉!可惜依加啲肉越來越冇肉味:(

    鎚 :執住,我又唔係雲游的和尚,最多都係狡兔三窟遮。

    花迷 :2萬股食咗糊你都賺唔少啦!(請食飯請食飯)

    Coffee n Tea,我係三腳貓咋。

    回覆刪除
  8. 食親飯都袋錢落我袋,恨不得照顧你一日三餐添喇!呵呵...

    回覆刪除
  9. 好野好野!!! 快d約啦!!!!

    回覆刪除
  10. 羨慕死囉,請問邊度買種子呢?小C會好想食 :)

    回覆刪除
  11. 粉紅色好靚, 我都係第一次見豆苗種子.

    回覆刪除
  12. 媽媽阿四 :哩啲種子係朋友送嘅,不過我知粉嶺聯和墟市政街市1樓有檔專賣種子嘅鋪個檔主阿伯係種菜蔬的專家,佢有幾十種種子賣而且講解得好詳細,一包都係十蚊八塊。

    行行:係囉!靚到令我怀疑種唔種得出豆苗來。

    回覆刪除
  13. 我都好鍾意食豆苗.

    我種d豆苗好大棵既, 大到要搭竹棚承住, 而且會開花, d花仲好靚添, 佢地結既果實就係菏蘭豆喇.我諗hana你d豆苗唔會開花啩.

    回覆刪除
  14. 咁你種嗰啲唔係豆苗係荷蘭豆囉!唔食苗嘅又點叫豆苗呢?(你真逗!)

    荷蘭豆種子是白色的。

    回覆刪除

淡极始知花更艷,愁多焉得玉無痕。

Related Posts with Thumbnails