掛八號風球，打工仔們又多了一天有薪假期，老闆們恨不得和台風隻揪。
作為鋼琴老師，掛八號波好多行家會開心到飛起，事關唔使教學費就照收，就好似無拉拉中咗獎。我呢，當然也喜歡無端端多咗嘅一日半日假期，但其實又唔中意打風唔中意掛八號風球，因為會攪亂哂啲時間表。將心比心，企係俾錢果個即係學生家長嘅立場諗，打下風無端唔見咗幾百蚊而個仔女學習的進度又保持唔到，心入邊一定唔多舒服架了，所以就算掛八號風球，路面情況唔太惡劣的話我都一樣會上門教琴嘅，如果真係出唔到門，果堂課都會搵時間補返俾個學生。
作為老闆當然想催眠咗個天文台台長，幾大風都唔好掛八號啦！停一日工一來金錢有損失，ニ來影響個流程，好鬼麻煩架！
每個人立場唔同，取舍自不然都唔同，我唔會話求神拜佛一定要掛八號風球的打工仔唔啱，亦都唔會認為搵哂班宗教班主祈望佢哋唔好俾個八號波掛上去嘅自己有咩唔妥囉！
發表文章
雖然八點前會掛八號波, 細佬一早已經返左公司喇, 皆因大把野做, 趁靜靜地搞埋d 粗重野先...
回覆刪除咦? 咁我點解仲黎睇夕陽西下呢???
罪過罪過... 開工先... ^^
乜你識果啲行家咁架，我識果啲老師會補番堂固喎。
回覆刪除係囉..我都以為會補返堂!
回覆刪除不過如果我冇任何立場黎講,打風都幾令人興奮..只有呢D時候先聽到風嘯聲,海面也不能平靜,大自然的力量!!
渣兄：你同我都神咁早起身，老闆難做吖！
回覆刪除陰功！陰功！哈哈！
小豬：行規來架！琴行果啲一定唔會補堂架！私人會好啲，一半一半啦！但始終去琴行學嘅占多數，所以係琴行教果啲咪開心囉！因為冇得怨個老師，係制度來架！
mona,係吖！大自然的聲音最美妙。
我都唔鍾意打風，因為要重整流程，好似今日應該返學校開會，又要諗吓喺邊日補番，好煩！
回覆刪除晏啲會掛十號喇，打風，好多人會好煩惱，驚水浸，驚塌泥。風，都係唔打好過打！
作为你的学生一定会很祸心...
回覆刪除我雖然只係打工仔一名，但都開始覺得打八號放假開始有檢討既餘地．．．因為好多服務行業既人其實都開始連八號都要返工，二兩跟本好多人就係趁八號去出街玩！咁樣反而令個情況更加危險！有違設立八號唔返工既原意。
回覆刪除唔講唔知, 做酒店業同飲食業的人士, 好多時即使掛10號風球, 都要返工。
回覆刪除就連"x康"原來係要去到九號風球先至關舖。
不過, 成個八月同十一月都無public holidays(唔計星期日), 今個月都係咁意都放o左兩日啦!
EvilaqiEr,你點嗎？低潮過咗未吖？係咪窩心吖？
回覆刪除米兄：係吖，見到果啲友仔明知危險都走去遂浪，跟住又勞動消防員去救真係把幾火！
話時話米。點。火。花，真係俾隻鸚鵡吹脹。
Karen (Sze),你啲預測真係準到呢...