2008年8月29日 星期五

不看。不買。不賣

最近很忙,忙得覺也睡少了(我是隻天生的懶瞓豬,每天要睡足十小時才夠呢),股市在奧運後稍有起色,但我認為恆指并未見底。

終於搞清手續,很戲劇性地賣了持有一年的觀觀蘭湖高爾夫球會會藉獲利不菲,手裡有充裕的現金在遍地屍骸的熊市裡是很容易行差踏錯的。在檢閱了手頭的股票後,現階段决定除了月供股票外,對股市釆取不看、不買、不賣的策略,因為看得多容易心痕、手痒,心痕手痒又容易做錯事,現在要靜靜地耐心地-守株待兔。


********************************************************
巴菲特想用5億美金入股的股票大概是建行(939)和工行(1398)吧?确定不了呢,要不然兩隻都買?


*********************************************************
年初的時候曾經短炒過一次思捷環球(330),這幾天思捷被基金大洗倉股價低殘至$65.50元,還好至那次短炒後沒再留意此股,所以手上一股也沒有。多謝細心的程音語 關心。



延伸閱讀:
另類投資一會籍

女人總有情義結

14 則留言:

  1. 即係點呢?任總前排先話香港樓市都要 4-5 年先服蘇啦,曹仁超琴日又話打死都唔信美國樓市見底前股市會熊完,全界都話個市未見底啦,跟住成個禮拜係咁升、升、升、升、升~~~

    回覆刪除
  2. 美金又強、強、強、強、強~~
    痴晒線!
    我想殺人囉!

    回覆刪除
  3. 美金對人仔都唔係好强遮...

    你總咁後生,睇野睇長遠啲嘛!

    冇變質嘅質優股怕咩喎!

    雖則我自己間孤婆屋都唔見咗個廚房,廁所都冇咗浴缸...

    但希望在明天吖嘛!

    回覆刪除
  4. 現在、現價我不會買。

    我的組合裡5仔占三成半,一直以以股代息的方式增持。

    如果我組合中沒有或比例少於兩成,現階段我會分段買入至占三成。

    回覆刪除
  5. 我間屋仲係平地一塊囉.........
    唔係, 係連地都未有...

    回覆刪除
  6. 俾你講中,
    我e+有50% cash
    結果手痕忍唔住,
    今日 $66.1入左 #330
    同埋 $88.5入左 #941

    都唔知入黎做乜, 唉~~~

    股神入股的
    應該不外是有壟斷能力
    又或是pe特別低的
    從電訊業的經驗來看
    國家的主導思想
    是不希望在戰略行業有獨大的公司
    以免出現難以控制的獨立王國
    情形一如晚清的湘軍/淮軍
    以防動搖國本

    所以應該連中銀、建行都買埋~~~

    回覆刪除
  7. 005买不买得过呢?
    >>>雖然唔係問我
    我都面皮厚答埋一份

    買唔買, 睇你用咩心態
    如果只睇2-3年,你應該等一等
    睇定d先決定

    如果諗住長渣, 其實係唔驚
    幾時都入得,
    反正冇人知幾時最低價。
    不過hana姐講得arm,
    唔好佔太重比例。

    利益申報:我月供緊 #005

    至於樓上鎚兄,
    近期升升升, 應該反彈
    所有利淡因素仍然未搞掂
    相反, 利好因素一樣都冇
    遲早跌番落去

    忍多幾個月先再出手
    反正
    呢個經濟困局仲有排
    來日方長.....

    回覆刪除
  8. > 但希望在明天吖嘛!

    明天俾番個官你做.

    當熊仔走咗兔仔出沒時,
    你係咪會瞓身?

    回覆刪除
  9. 我忍到,冇咩買過嘢,都只係用一萬幾千咁買左隻「小飛俠」(585)搏佢下年會升番十倍八倍...係咪好貪心呢?

    回覆刪除
  10. 靚鎚:你係男人嘛!唔着上衣係午睡都得啦!女人冇瓦遮頭,點搞呢?(忽然好羨慕男生啊)


    篤篤篤撐:唉,941九死一生,我個廁所又冇緊忽


    阿仔:無官一身輕!有得做都唔做啦!

    總使問嘅?守咗咁耐咁訓身架!

    米兄:唔貪心唔貪心,好正常係人之常情,預祝你如願以償。

    回覆刪除
  11. 來過,插唔到嘴。自87年鍛羽,已少有涉足股市。

    回覆刪除
  12. 家下都係除左月供乜都唔好掂住.

    回覆刪除
  13. 校長:你瀟洒架嘛!點同我哋哩啲俗世小女子呢?哈哈!

    音語:多謝!多謝!

    回覆刪除

淡极始知花更艷,愁多焉得玉無痕。

Related Posts with Thumbnails