高爾夫球在中國

女兒酷愛高爾夫球運動，曾經有段時間立志要做高球教練，她的球齡和球技都要比我高，皆因不斷地南征北戰競技比賽的緣故。家長們雖然嘴上說着志在參與，但到真的得了獎項，掏錢付學費、旅費還是會快很多的，女兒的得獎速度和我掏錢的速度成正比。幸好她還懂得安慰我說："媽咪，如果你想的話，我現在已經可以去教更小的孩子打球攢學費了！放心吧！我保証你的投資不會變成落花流水的。"好了，言歸正傳，這篇文不是要說我有個多像韋小寶的女兒。

最近女兒參加了在海南島舉行的一個高公爾夫球邀請賽，特別的地方是這個比賽不設年齡分組賽，只以差點計分組，所以女兒的頭場賽事另外的三個組員，一個是來自新加坡的大姐姐，還有兩個是分別來自北京和上海的auntie。

(普通人)在美加打球從來都沒有什麼球僮跟身的，揹球袋、開高爾夫球車都是球手自己來的，但不知怎的(有一部分原因是人工便宜)，高爾夫球運動一來到亞洲就開始變奏，打球一定有個球僮跟身。女兒的這次比賽不用付費參加，所以不設球僮，但球手可以私人付款CNY200請球僮。女兒的那一組4個人都沒有請球僮。

高爾夫球場裡茂盛整齊而又綠悠悠的草地保養起來所費不屝，第一道把關的其實是球手，因為球桿每鏟起一塊草都要靠球手自發性的趕緊填平，有球僮的時候就由球僮去做，球僮身上還揹了個裝泥土的小布袋呢！球打落沙坑裡，球手打完自己的球之後，必須鏟平沙坑，方便下一位球手。這些都是打高爾夫球的基本禮儀。

見到那位大大聲告訴隊友自己的球桿值好幾萬的北京auntie連續鏟起幾塊泥也不填平之後，女兒終於忍不住上前對她說："auntie你不記得填泥撥沙呢！"北京auntie瞪起杏眼答："去去去，小屁孩你懂什麼？這種事是我做的嗎？那麼喜歡撥沙你給我撥去。"女兒也生氣了，說："對不起，我是你的對手，不是你的球僮！"

引伸閱讀：高爾夫差點制度-

走自己的路。發新年財

旁人的意見不妨參考，卻不必盡信，自己的路還是要自己走。

23號年廿八臨收市前幾分鐘才拿拿聲小注入市搏新年開紅盤，翻兜3377，又買咗啲857、991、992，今日果然開紅盤，雖然係高開低收，但我今日放咗都叫做係發咗筆新年財，攞咗個好意頭。可惜俾啲blogger、朋友、報紙、財經演員洗腦洗得太多個心有啲怯，揸住大把現金＄55蚊時都唔夠膽再入多啲匯豐，如果唔係今日放都有肉食了。

有人話人棄我取越跌越買，今時今日可能行唔通了，因為會越跌越低，但今日嘅市再次証明俾我哋睇，眾人恐慌你就要貪婪還是一條黄金定律。

年廿八話俾人聽我入咗市，個個都話趁住香港休市哩幾日，歐美果邊嘅市一定會做野執低匯豐至四拾幾甚至三十幾，個個都話唯有祝我好運了，果然好運嘅只有极少數人。

還記得恆指三萬點時，個個走出來預測個市會上到去三萬五、三萬八，陸東嘅預測係四萬，結果呢？依加個市向下，個個又走出來預測八仟、九仟，會唔會到？幾時到？真係信不信由你了。


PS:我係誤會。自製正能量 的留言度答篤篤篤撐話 ：「最叻係你了，我今日又小注入市吖！(唔識死吖我)」時間係2009年1月23日 下午 11:28 。所以我講咩都唔啱聽但又成日來哩度留言嘅果位仁姐/兄，唔使哂時間抽稱我了。

舞伴難尋之不能亂跳的探戈

她天生有點小聰明學什麼上手都很快，要學懂皮毛甚至做業餘者中的精英，對她來說都不是太難的事情。

她是一個一旦愛上就投入整個身心的人，她的男人的嗜好，很快地也會變成她的嗜好，她會很大方地花錢學習，很努力地花時間練習，務求在最短的時間裡成為他的旗鼓相當的對手或水平相當的拍檔。

很久以前她曾經有過一個熱愛跳社交舞的男友，所以她是個過氣的業餘組的舞林高手，高手的意思是曾經差一點做了富豪們的單對單跳舞老師。原來這個世界除了富豪太太們喜歡跳社交舞之外，還有好些不喜歡爆光的隱形富豪們喜歡在私人會所裡大跳其老舞，一節課的學費比教一個八級鋼琴學生還要高。

可惜跳社交舞對她來說舞伴絕對不能不是她愛的那個男人。拉丁舞的舞衣短小而性感，不論是嫵媚的倫巴還是嬈繞的恰恰，男女間上肢的肌膚接触很多，如果那個男人對女人有點意思的話，對她來說那個男人就是拿了免死金牌的非禮了。雖然對着她心愛的男人連瑜伽也是增進性趣的工具，在共赴巫山的途中小澤圓、飯島愛上身也是很樂意的事，但是如果不愛，一下輕撫也是一種侵犯，所以那一年雖然她社交舞跳得很出色，教有錢人跳舞的錢比教鋼琴的好攢，她還是做不了跳舞老師。

探戈是國際標準舞中腿部舞步花式最多的舞蹈，女舞者的大腿經常和男舞者的下肢触碰或摩娑，雖然男舞者的西褲胯部蠻鬆身的，但是練習的時候(正式比賽或表演的時候因為緊張？專業？當然不會)，小弟弟的不安份卻總是會被女舞者的大腿率先撞破。所以對於她來說探戈絕對是不能亂跳的舞。

跳社交舞的拍檔要想站出來有台型，跳起來合拍好看，外形很重要，不管高矮肥瘦，男舞者比女舞者高出半個頭是最好的身高距離，當然瘦比胖好看，高比矮美妙。

要找一個鼓相當的舞伴不難，但是要找一個比自己高半個頭的愛人做舞伴很難，所以她已經很久沒有跳舞了。

學社交舞和高爾夫球一樣，講究的是基本功，初學者不要趕着去學舞步，她記得她初初學的是走路(walk)，雙腿交叉走直線，然後是扭臀，上身不動僅胯骨開始作360度扭動，這樣都花了十多個小時……

恭賀新禧

其實我討厭所有的東西方節日，只不過身為炎皇子孫和半個神婆，新春佳節一樣要傳統地、熱鬧地過。將這首熱鬧、傳統的賀年歌送給大家，祝各位牛年好運隨身！身體健康！


這首黃品源的"新年快樂"是賀年歌中的清泉，將這首溫婉的賀年歌送給感性的自己。

世上真有不是的父母

在 空姐的行李篋 ling中有一個叫"最幸福的女人"的條目，莫太 的博客是其中一個。去年無意中看到原本幸福快樂的莫太寫下的一連串關於她父母怎樣影響危害她一生的心底最陰暗的片段我的舊屎 第一督 錢，我留下了這段留言鼓勵她勇敢面對：

「我倒覺得你給的家用不是雪中送炭必需的話，如果只是錦上添花的話，刻下大可不給，這樣反而更能令你加速復原。他們要吵的話，別害怕，迎上去面對他、解決他然後放下他，這樣才能真正解開心結，對仔仔才最好。最重要的是要和莫生團結一致。

世界上沒有不是的父母，這一句話多少年來令不少受到傷害的子女隱忍成疾，為了仔仔不應該再被這句話左右你了。

(第一次留言就寫這麼多，還真怕嚇壞你呢。哈哈，笑一下看看世界多美好，不好看的就該別轉頭去。)」

雖然我對孝順的人极有好感，雖然我認為我的父母是世界上最好的父母，但我卻最討厭"世上沒有不是的父母。"這句老話。活了三十多年卻像活了一輩子的我，看盡人生百態，個世界不是的父母何其多，因為首先這些人連人都不是。七十多歲拿綜援的老人找個三十歲的大陸女人生生生，生下 五、六個一至十歲的孩子，你說這樣的父母能算人嗎？

這張相片是我幾個月前在快餐店拍的，這兩姐弟買了兩份連飲品的套餐，買完之後姐姐左右手各提一份，弟弟幫姐姐拿袋子，排在他們後面的我最後沒買食物，幫忙送這對小姐弟回步行十分鐘要過馬路的家。姐姐說媽媽在家打麻將走不開，所以叫同學的媽媽帶了他們出校門後就自己去買外賣帶回家吃。

還有那些姦淫自己親生女兒的父親，叫子女去偷竊的父母……這個世界有太多不是人的人躲在陰暗處，這些人當中當然也有已為人父母的。

都說家家有本難念的經，我說家裡面人人也有本難念的經。每個人的成長經歷都不同，天生的性格，後天形成的脾氣、生活態度、人生觀，乃至世界觀都不同，沒有誰全對，也沒有誰全錯，各自生活各自顧就是了。

人是互動的感性動物，不能因為你是生我的那個人就要不分是非、不分青紅皂白一味的卡住喉嚨做人，為人父母的可以有不善待子女的權力，那麼子女為什麼不可以有不愚孝的權力呢？

誤會。自製正能量

白天和黑夜篇文 一出即刻引來諸多博友回響，其中有讚有彈有惡意功擊，無論讚或彈我發覺博友們可能都誤會咗我貼相出哩篇文的原意。

今晚和一年先見一次的老朋友飯聚，八個人有七個都有買匯豐，一個二個面口都好難睇下，個個呻緊5仔累佢哋唔見咗幾多幾多錢。見我笑笑口咁個個以為我冇揸5仔所以輕鬆自在，話俾佢哋聽我揸住嘅匯豐絕不少過佢哋任何一個，個個都唔信咁嘅表情。到咗點菜果陣時，個個都話要慳啲食平啲，我咪問佢哋囉："匯豐依加90、100你哋係咪會沽先？你哋係咪等住賣匯豐嘅錢開飯先？哩餐飯開心啲食，或者愁眉苦臉咁食都係一餐飯，睇你點撿格遮。如果你對匯豐冇信心認為佢冇前途，咁咪斬立決止蝕囉！如果有信心嘅就唔好再質疑佢。就好似女人撿男人咁，一係信一係唔信，信啲又唔信啲，斬纜又唔舍得，攬住又成日呻下怨下咁，唔變黃面婆至奇。"

匯豐由100樓上跌到依加50幾，有幾多個揸住佢股票的小股民可以笑得出？睇住自己辛辛苦苦搵返來嘅身家係咁縮水有幾多個人真係可以無動於衷？係哩個謠言、道理、分析滿天飛嘅時候邊個都唔好信，只要信自己，然後就需要自製正能量自我催眠。我相信就好似財不入急門的道理一樣，喜不入愁門係另一個道理。

篇文貼相唔係因為我要証明自己個樣比真實年齡後生，係要証明正能量的功效，我又唔係公眾人物，又唔係幫護膚品公司賣廣告，要証明俾啲網上世界的朋友睇我比真實年齡後生，把鬼咩！

另外我總想講，我從來都唔會去連根拔買衫，果啲衫就算三折我都嫌貴。相片中白色果件上衣價值二百蚊新台幣，黑色果件都係百多元港幣而已。所以你話了，匯豐跌成咁如果唔自製正能量，點頂吖我。

不誠者勿擾

咿，咁睇來校長都啱入行喎！喐，使乜驚吖！做一個月都夠買手5仔了。哈哈哈！

權力

我摯愛的友打電話來說："有沒有看白天和黑夜 的留言？怎麼好像現在Blogger有很多人不喜歡你？"然後我記得對着電話我心平氣和地說了一大通話，現在想起來也覺得挺有道理，所以記錄下來，留待以後反思、反省。

我是這樣說的：

「不友善的留言也不是很多啦！我倒是完全沒有不開心的，這些留言的人只敢匿名，又不吐不快似的，其實還蠻可憐的。就算是非常出色的大明星、作家等等，還有人不喜歡呢，何況是我這個小小小博客？一個公開的博客每一個讀者都有不喜歡的權力，有不喜歡的自由。就像我不贊成普選，卻沒有反對別人追求普選的權力一樣，自由選擇的權力對任何一個有思想有要求的人來說都是很重要的。別人有沒有最基本的禮貌，怎麼為人處世是別人的家教問題，我就不會去替人家的父母操心了。

現在我更懂了，為什麼那麼多的女博客要設留言審查，我的自我調解心態能力還不錯，所以還是會開放留言。匿名留言者不喜歡我？I don't care. 我只在乎我喜歡的人喜不喜歡我。」

最後請尊重可以選擇的權力，畢竟在Blogger這樣的地盤越來越少了，批評也可以是很理性的交流。

白天和黑夜

從小就有點破藝術家的脾氣，穿衣只喜歡黑白兩色，人到中女的年紀了還一如既往地鐘情於黑白。
昨天白天穿白色去工作，覺得自己神彩飛揚蠻精神的，於是我這個超級中女忝不知恥地用手機玩自拍還自貼。要知道人家ニ十多歲年輕貌美的女博客都沒有玩自貼呢！反正我一向不按常理出牌，自娛嘛，自己開心就好。三十多歲的女人，女兒都比我還高了，能有這個樣子說不自豪是騙人的。 昨天晚上穿黑色去吃團年飯，同一天同一個人同一種髮型和彩妝，配不同顏色的衣服感覺似乎竭然不同。有些人說我穿白色較好看，有的就認為黑色有神秘感較適合我。

小瓶子 問用什產品可減淡眼紋，其實眼紋一旦形成不用醫學方法是沒有任何辦法可以消除甚至減淡的。坊間好些護膚品牌標榜可以消除眼紋，那是騙人的，就算看似減淡了的幼紋其實也只不過是暫時性的掩眼法。

我的護膚品從不固定用某一個牌子，會買各大中小牌子的滋潤和精華系例護膚產品，前提只有一個～贈品或折扣夠吸引。

相由心生，最好的護膚品是心情開朗，正面積极地面對人生中的每一個挑戰，無論你開心或憂愁每一天都還是要過下去，在匯豐跌到55元的時候我還是選擇快樂的生活。你又如何？記住快樂與否全部由你自己決定。

邊防警察的溫馨提示

陪一位長者過關回大陸，沒用e通道，經長者特殊通道過大陸關，邊防哥哥非常友善，對話如下：

邊：叫咩名？

我：呀？XXX (記得未有e道前人手過關係极少會問名的。)

邊：靚女，過期喎！

我：呀？應該未過期格喎！(即時標汗)

邊：我係話就來過期啊！你張証5月到期啦！我提下你4月好記得去換証啦！第一批十年証1月15號到期，好多人都唔記得換証要返轉頭啊！

我：噢，多謝哂！

邊：返大陸玩啊？

我：唔係，做野吖！(撓哂頭)

邊：近年關治安差，小心啲，我叫XX你有咩事可以打哩個電話俾我。

我：呀？噢！唔該唔該(無耐哋接過張名片，原來係個小官)。


各位，本小姐延續邊防哥哥的熱情，溫馨地提示大家留意通行証的到期日，及早更換。

黄金與匯豐

今早一開市＄57.15入咗匯豐。人人都話匯豐總會跌，點解我一意孤行總要買呢？哩排都聽唔少朋友和博友話入市買匯豐的put輪，基於我只買正股和基金的原則，所以我只有祝各位好運的份。雖然5仔跌得好殘，因為自己已持有唔少，所以又不敢輕舉妄動入市，但今早出停車場閘口時，循例和門口個阿叔嗲兩句，令我決定和市場背道而馳入市買匯豐正股。

我：早晨，堅叔。

堅叔：早晨，X小姐，乜今日咁遲吖？係吖，你買咗未吖？

我：係吖，今日遲咗啲。買咩吖？

堅叔：買匯豐囉！

我：未吖，聽講唔宣布集資總有排跌喎！

堅叔：咁咪啱囉，我係話買佢跌果隻咩輪，街市個燕姐、陳伯...都買咗吖！

我：……

係咪好有牛頭角順嫂都論市的味道啊？當人人都認為擺低十蚊就有廿蚊收嘅時候，要諗下大戶係咪會咁順攤派糖？當匯豐的沽空額占大市的4份ｌ時，要諗下啲錢係咪真係咁好賺，究竟有冇咁大隻XX(好明顯才疏學淺唔識寫，人又懶唔想為兩個字哂時間就用XX代替，哈哈！)周街跳先？

幾年前，9999飾金跌到港幣3000幾蚊一兩，報紙唱、電視講、電臺說，人人都話十年黄金變爛銅，買金冇鬼用。幾年之後，事實証明了黃金就係黄金，絕不會變爛銅。

我認為匯豐是股票中的黄金，所以我會買，一如當年買金。

當然奉行中庸之道的我唔會瞓身，依家現金和股票總係6/4分，(４成其實係因為啲股票跌得太勁，所以看下無傷大雅，跟就大牙都無，哈哈哈！)

魔鬼就在細節中

1)
>所有我認識的高手, 投資了得不在話下, 最值得我學習的, 其實是他們的內斂.他們無論投資得多成功, 賺得再多的錢, 他們都甚少表露出來.他們的低調, 就算是身邊的人(例如子女, 鄰舍, 朋友)都不大知道他們是出色的投資者.

我話：
非常自相矛盾喎！子女, 鄰舍, 朋友都不大知道他們是出色的投資者.但又係佢認識的高手？？？

2)
>我所認識的高手們(無論男女), 他們都只有一個伴侶, 有些有兒女, 有些則沒有.無論家庭的結構怎樣, 他們都能愛護家人, 從一而終.

我話：
唔講婚姻輔導果筆，淨係講公認嘅已婚好男人，追我追到痴哂線嘅已經唔少，佢仍然總係對伴侶專一, 愛護家庭係因為我唔受溝，佢哋又冇再遇上一個自己認為值得為她拋棄家庭從頭來過的女人罷了。

東窗未事發之前，對伴侶專一, 愛護家庭的好男人一地都係。有時連人哋自己伴侶都唔知嘅內情，旁人又點可以從表面得知？

3)
>認識一些隱世高手。曾在去年的狂熱中提醒我要清醒一下。

我話：
舊年恆指三萬點時，我叫哂親朋戚友、姨媽姑姐好走哂啲貨了，但自己長揸果啲(當然包括匯豐啦！)冇走到，講係一回事，做又係另一回事。海嘯之後先至來話你一早沽哂啲貨，又或者話你完全冇買過股票嘅(依加越來越多人咁講)我會恭喜你，但信唔信又係另一回事。

直至目前為止，我認識的隱世高手只有大大老闆一人，因為係恆指ニ萬八果陣時我睇住佢沽哂啲貨，之後個市繼續升，佢俾人笑到面黃

4)
> 有好多人追我，不過冇個啱遮嘛！

我話：
如果你唔係越級挑戰(你撿人時人撿你，以外型、身世、學歷、收入、內涵...來講，每個人都身處唔同的層次。)，好多人追而冇個啱即係等於冇人追。即係樓梯道閘開咗，唔好話樓下果啲，連地下室果啲都湧埋上來啦！

女廁。投資。人生

舊年火鶴寫 壞習慣‧排隊 ，我貪玩將佢寫麥當勞段文改成女公廁。回應咁寫：

「一個商場女廁有五個廁格，如果要排隊，有兩種方法。第一種係分五行嚟排，每行係特定某一格干淨企理廁格俾你方便。第二種係全部人排一行，邊格空咗就俾下一位方便。全部人排一行，係較為有效率及公正。

譬如有100個人，邊個先到就邊個方便先，邊個廁格空咗就俾下一個人用，就算有一兩個人方便好耐，但對排緊隊嘅人嘅輪候時間都無乜好大嘅影響，因為其餘果三個廁格依然運作緊。但問題係，一入到女廁，睇見要排100個人之後，你可能會嘩一聲，然後講句「搞 Q錯呀」，跟住就認為商場女廁安排失當，要等100個人先輪到你云云… 你嘅怨氣，全部落晒商場。

如果排五行呢？譬如有三行排廿五人、一行排十五人、一行排十人，一樣係一百人。想去廁所嘅你，你會排邊行呢？依照無蝕底又急住去嘅心態，人通常會揀最短，即係十人果行嚟排，因為望落會快啲輪到你。但事實係咪咁，就要睇運氣。

如果十人果行，有條女屙完又屙，屙极都有，胸墊走位整完又整...嘅話，咁你就有可能排得耐過排廿五人果行，甚至一百人排一行。不過呢種方法，要排邊行，係你自己揀嘅，快人一步理想達到嘅話，你可以話你自己醒目或者好彩。但如果你慢人好多嘅話，你就只可以怨自己，半點不由人。

其實世事嘅野冥冥中自有注定，就算唔想怨自己，阿Q啲諗都可以怨下個天嘅。」

**************************************************************


點解搵返段留言來貼？事關最近親眼目睹了在文明社會發生的不文明事件。

廿幾個亙不相識的老、中、青女人，在狹窄污穢的空間打哂蛇餅咁排隊，個個一臉忍樣。一個四十多歲的中年婦人沖咗入來，更加忍樣地大大聲話："唔好意思，我好急吖！俾我去先啊！" 老、中青女人即時同聲回應："入得來公廁排隊嘅有邊個唔急啊？排隊啦！"

雖然我睇得出佢急過我，而我又願意俾佢去先，但係望下排係我前面果七、八位仁姐，我唯有唔出聲，低頭忍。點知唔够三秒，就聽到有人話：啊呀！真係瀨喎！！！"個瀨尿係身嘅女人淺藍色牛仔褲濕哂！不過佢記得用粗口問候排緊隊嘅所有女人。我聽到有人細細聲話："咁大個人自己唔知自己事咩！你瀨好過我瀨。" 哩件事發生係九龍區。

果一刻，我覺得做女人都幾無癮，係公廁排隊去方便是一件總難頂過生仔的女人難事，因為今時今日任你幾富貴幾好生養，就算係李嘉誠個新抱都係生四個啫，但去公廁了喎，係纏繞正常女人一世的問題。

由女廁瀨尿事件聯想到投資和人生，每個人都應該自己知自己事，凡事預鬆啲，總有唔好聽人點，始終人人都是抱住"你瀨好過我瀨"的心態做人嘅，有起事上來，真正幫到你嘅只有你自己。總有就係旁人的安慰或贊賞不是錦上添花就是過眼雲煙，尿係瀨係你身，錢係蝕你嘅。

本人金句中的金句：講多無謂，行動最實際！

(即係……)

點解話靚仔唾手可得之青春少艾篇

如果肚餓或饞嘴想去開餐，走在一例餐廳/大排檔前，沒有推介沒有經驗，你會選哪一間？金碧輝煌的？干淨企理的？人頭湧湧的？泠泠清清的？笑聲連連的？醉漢喧嘩的還是歪檯殘椅的？

就像一篇小說再怎麼簡單都好，必須具備時間、地點、人物一樣，做一個可以話靚仔唾手可得的女生，必須具備外形靚、性格好、有內涵，缺一不可。隨着年齡的轉變，這些特質的所占比重會變，唯一不變的是秩序(大概要撇除日落西山的年齡)，就是說即使徐娘半老，你也得是漂亮的徐娘，人都很現實(包括男人和女人)，都先看皮相再嗅內因。

都說ニ八無丑女，那是廢話，丑就是丑，不是每個十幾ニ十的女生都皮光肉滑的，都說女大十八變，通常都是由可愛得意變得滿面油光和暗瘡，丑小鴨變天鵝那是讀完書交了很多學費，學會了化妝之後的事了。

童年的我一點也不漂亮，七歲以後整天躲在屋子裡練琴，認識的都是古人，和太陽先生很少見面，也不怎麼長暗瘡，所以皮膚白晰，青春少艾的我不怎麼懂化妝索性不施脂粉，幸好眼睛夠大，留一頭長直髮，因為有八份一的荷蘭血統種不太純，所以腿長身短又有點鬼鬼的，被友人們說成有點不一樣。那個年紀涉世未深，不太懂得和人溝通所以很少說話，只是靜靜地聆聽。父母從小就身教，人都是平等的，沒有誰比我們高也沒有誰比我們低，對着誰都應該禮貌周周和不亢不卑，所以我的臉上總是掛着友善的微笑，交朋友的衷指是有朋無類。

一個十八廿ニ的長直髮、大眼睛會勤練鋼琴和古箏的友善女生，多人追應該是必然吧？這些人裡面當然也包括不少靚仔。

*喜歡青春少艾的靚仔(佬？)多半是同齡人或者年紀介乎於不惑和知天命的男人，面對新鮮水嫩的青春少艾靚仔們對外形的要求高於一切，這個時候性格和內涵的重要性相對較低，所以一個青春少艾當街捶打男友叫嬌嗲，人物轉換成中女就叫難頂了。*

金碧輝煌的餐廳就像冷若冰霜的美女，看的人不少，敢碰的人卻不多。

人們大多會選干淨企理、人頭湧湧的吧！


相關舊文：

有朋無類
金字塔真的很美

2009投資策略

敬告：以下內容純粹個人存檔，千其咪跟，人各有命，敬請留手/守。

$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

2009年個人投資策略侵向建立長期(2～3年)貨底，港股三萬二高峰未沽的蟹貨繼續持有并盡量以以股代息方式收取股息。會動用10～20％的買股資金短炒，口訣係：心狠手辣、當機立斷！無論長短，買入的股票會以人壽、銀行、有車有樓三大版塊做大前題，H股會係首選。

人壽：
有人就必定會需要人壽保險，個人偏愛中人壽(2628)，但雞蛋唔可以只放係一隻籃度，所以除咗繼續持有舊倉底的宏利外，會吼位再入。

銀行：
首選內銀股，學阿陸東話齋，要細唔要大，市值太大(例如中銀3988)爬起來太慢，而且做起野上來漏洞太大太多，所以上星期只以一個名牌包包價買入作為長線睇跡。個人睇好招行(3968)。

有車有樓：
人向高處走，要改善生活質素就要有車有樓，有車就要石油，就需要路俾車行，所睇好石油股和基建股；有樓指嘅唔係地產股而係建筑材料類股份。

另外，今朝老死打電話來話，Hana你舊年年頭就話過澳門有6、7個賭牌，而香港一個(港交所388)所以一定要買港交所，今日睇報紙陸東都咁話喎！人哋係陸東點同呢？所以我咪會有200幾蚊供嘅388囉！依加388係70幾蚊呀！

會繼續每月以ニ萬蚊月供388、2628和3968。


$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$$

一命、ニ運、三風水，用係投資上總要加埋當機立斷、心狠手辣。位於深圳羅湖區的一個出租自置物業，租客因經濟不景搬返娘家住而退租(即係減租都冇用)。經紀話就來過年，啲屋好難租出去，可唔可以平番些少屋租呢？咁嘅時勢，平些都未必租得出，當下即刻話唔好平些少了平15％啦！最緊要快啲租出，當然總要記得同個經紀講下價，平咗咁多我好傷，佣要收平啲，結果今個月8號租期到，14號已有新租客開始起租，經紀收4份1月租嘅佣，間屋唔使我自己搵人執拾又慳返一筆。

有個朋友租屋俾人，2％、3％咁遂啲減，間屋丟空咗幾個月都未租出去。市道好就可以吊高來賣，市道唔好梗要靈活應變啦！最緊要係唔好諗咁耐。


相關舊文：
在大陸出租物業

我想說的

在黑人篇文轉載別人的良知 中留言，寫着寫着就變成了一堆九唔搭八嘅野，卻想讓我的朋友們了解我的所思所想，雖然我想的東西通常都比較不入流，我也并非想獲得誰人的認同，只不過一件事情可以從不同角度去看總比片面的好。

Hana 提到...

黑人你講得好啱，如果我係可以自己揸旗嘅記者，我會寫出來，教人萬一遇上相同事件應該點處理。

死者個仔經歷過嘅事情我都親身經歷過，我揸住駕車，坐係我隔離心臟病發果個係我老豆。我識得call白車唔係因為我IQ131(唔係130)而係因為之前聽過醫生朋友話如果遇上咁嘅事情應該點點點。

另外想講，依加啲記者都唔知咩事！成日都話俾人車死果啲人點慈母好父、好仔好女，個司機點無良殘忍，雖然死者是不幸的，但卻絕口不提或輕描淡寫個死者點樣唔尊守交通規則，亂過馬路......

一個司機曾經車死人，無論係唔係自己錯，無論會否坐監，哩一生一定唔會安樂，但啲記者從來或者好少會去提點叫人唔好亂過馬路尊守交通規則。

做為一個日日揸車出入嘅人，唔好話車死人，車傷人我都絕對絕對唔想。人死咗一了百了，唔死果個好多一世都唔敢再揸車，一世都會發惡夢。我咁講絕對係有感而發，前幾日係個有野擋任的轉角位，紅燈轉綠燈，我轉彎，一個阿伯就咁沖出來當個行人紅燈冇到，當我駕車係虛無，我總有少少青春的尾巴，眼明腳快剎車，係佢條褲俾我車頭擦臟的距離停低，佢總指住我講咗一大串佢父親母親的性器宮名詞，然後施施然走咗去。

喜歡電影 [澳大利亞]的理由

喜歡什麼電影和音樂就像喜歡某個人一樣都是很主觀的事情，有些人看完電影[澳大利亞]認為太長太沉悶，我卻認為這是我近兩年進電影院 看的最好看和最值得看的電影。

1)單是看景己值回票價。

2)故事浪漫又正氣。

3)男女主角絕對地賞心悅目。妮可基嫚的身材近乎完美，苗條修長、蜂腰盛臀、長長的腿和恰到好處的豐乳，環顧一眾亞裔的所謂國際女明星，有蜂腰的沒有盛臀；有豐乳的沒有蜂腰……還想說，香港的娛樂從業者真該看看什麼叫素顏，還記得李亞男賣的那個什麼"素顏？我敢！"的廣告嗎？弄虛作假得也太過份了，雖然配合劇情的妮可素顏也未必真的完全沒有上妝，但真實得很。

再來說說男主角休傑克曼，雖然我不可以代表所有女人，但卻敢說這個男人是大部份女人的夢想，英俊得令人沉醉，這個男人大概是當今世上最俊美的鬍鬚佬。

4)個人偏愛口琴的音韻，在蒼涼遼闊的農場和沙漠飄起的口琴聲不悅耳卻動聽是打動人心的聲音。

5)聽完若有所思的對白

I金錢、行李、人都會離開，只有故事屬於你的故事不會離開你(大意)。

II是這樣，但不應該是這樣。

6)做為女人不能免俗，喜歡從此王子和公主快樂地生活的結局。



$$$$$$$$$$$$$$$$$$$$$$$$$$$$$$$

小女人精明小貼士：用東亞銀行信用卡購票，早場(其實也不早了11:40am或11:50am)優惠價才港幣30多元，這部電影片長165分鐘。

偉大的散戶

散戶真係唔講得笑，阿李生掟貨，散戶卻排住隊來接。我係散戶中的散戶當然不能免俗，今早以＄1.98買入1萬股中國銀行(3988)，當係買咗隻仙奴2.55包包俾自己做新年禮物，所以諗住攞實物股票放入夾萬，擺個十年八栽先算。

點解話靚仔唾手可得之空頭支票預告篇

點解話靚仔唾手可得？諗諗下可以寫幾篇，事關有幾個唔同嘅階段，情況亦都迥異，

青春少艾篇

初級中女篇

成熟韻味篇

徐娘半老篇

日落西山篇

好明顯前幾篇已經發生過或發生緊，而後果兩篇係預計，參考埋之前果幾個階段的經歷和閱歷，哩個預計應該、大概都幾準下。


敬告：博主思想行為有異於正常中女，認為男人做足安全措施去叫雞係正常心理、身理行為，完全和不忠無關。所以不喜勿看，又或者又唔認同又心痕難忍，走來睇睇，下又頂唔順想爆粗或反駁，咁就敬請留下貴博的連接，我會好好同你交流意見。而匿名而唔友善的博友，嘿嘿，冤有頭債有主，咪怪我錢多身痕，搵你出來應該唔會使我好多。(呀吖！好似好串咁，人哋斯文高貴大方嘛！)

當然如果冇人想睇，我梗會自動收嗲啦！咁，其實有冇人想睇遮？

新年財。即時鮮

對於遠洋地產(3377)有啲情義結，事關曾經係佢身度蝕過錢，但見過鬼未必一世都要怕黑，時機到就算摸黑上路都冇由怕。

花旗唱好遠洋地產，尋日升咗7.2％，今早睇報紙至知(哩排事忙冇乜留意個市)，一開市果10分鐘3377一路係＄3.9徘徊，靈感到當即立斷大手買入10萬股，點知唔夠10分鐘，即刻飈到上＄4.12，諗都唔使諗＄4.10馬上放哂，冇時間實，即日鮮都係好危險嘅事，十分鐘即時鮮賺少少，發咗個新年小財，哩筆新年第一次買賣零舍好意頭。

祝大家新年都順風順水。