新年財。即時鮮

對於遠洋地產(3377)有啲情義結，事關曾經係佢身度蝕過錢，但見過鬼未必一世都要怕黑，時機到就算摸黑上路都冇由怕。

花旗唱好遠洋地產，尋日升咗7.2％，今早睇報紙至知(哩排事忙冇乜留意個市)，一開市果10分鐘3377一路係＄3.9徘徊，靈感到當即立斷大手買入10萬股，點知唔夠10分鐘，即刻飈到上＄4.12，諗都唔使諗＄4.10馬上放哂，冇時間實，即日鮮都係好危險嘅事，十分鐘即時鮮賺少少，發咗個新年小財，哩筆新年第一次買賣零舍好意頭。

祝大家新年都順風順水。