今早一開市＄57.15入咗匯豐。人人都話匯豐總會跌，點解我一意孤行總要買呢？哩排都聽唔少朋友和博友話入市買匯豐的put輪，基於我只買正股和基金的原則，所以我只有祝各位好運的份。雖然5仔跌得好殘，因為自己已持有唔少，所以又不敢輕舉妄動入市，但今早出停車場閘口時，循例和門口個阿叔嗲兩句，令我決定和市場背道而馳入市買匯豐正股。
我：早晨，堅叔。
堅叔：早晨，X小姐，乜今日咁遲吖？係吖，你買咗未吖？
我：係吖，今日遲咗啲。買咩吖？
堅叔：買匯豐囉！
我：未吖，聽講唔宣布集資總有排跌喎！
堅叔：咁咪啱囉，我係話買佢跌果隻咩輪，街市個燕姐、陳伯...都買咗吖！
我：……
係咪好有牛頭角順嫂都論市的味道啊？當人人都認為擺低十蚊就有廿蚊收嘅時候，要諗下大戶係咪會咁順攤派糖？當匯豐的沽空額占大市的4份ｌ時，要諗下啲錢係咪真係咁好賺，究竟有冇咁大隻XX(好明顯才疏學淺唔識寫，人又懶唔想為兩個字哂時間就用XX代替，哈哈！)周街跳先？
幾年前，9999飾金跌到港幣3000幾蚊一兩，報紙唱、電視講、電臺說，人人都話十年黄金變爛銅，買金冇鬼用。幾年之後，事實証明了黃金就係黄金，絕不會變爛銅。
我認為匯豐是股票中的黄金，所以我會買，一如當年買金。
當然奉行中庸之道的我唔會瞓身，依家現金和股票總係6/4分，(４成其實係因為啲股票跌得太勁，所以看下無傷大雅，跟就大牙都無，哈哈哈！)
發表文章
咁快手?! 頭先你仲諗緊果喎..
回覆刪除唔怕今日又跌到七個一皮嗎？
回覆刪除祝你好運
回覆刪除＝．＝大家無睇hana 幾手買入賺錢嗎？
回覆刪除我想跟……
（但係奈何未夠錢）
儲多d先！
下午如果有時間我都湊熱鬧寫篇笨象先!
回覆刪除價錢真係好吸引!!
回覆刪除我呢個唔喺點買嘅人都想入！睇吓英國呢邊情況點先。
回覆刪除蛤蚧！
回覆刪除大戶往往咪就係咁樣玩死ｄ 散戶囉．．．
回覆刪除哈哈哈
個個話跌，大戶就黎個相反
我比較大貪, 我set左 $53, 入唔到。
回覆刪除同埋呢, 有諗過買put輪, 但以52作為目標, 得果幾蚊下趺空間, 買輪既風險計埋就唔值了。
又岩喎
回覆刪除唔記得邊個外國勁人曾經講過:當大家都望升的時候,連唔識市的人都買升就應該沽;當大家都驚跌唔入市既時候,就係好機會啦~
等我又睇睇先
反向思維,好呀.
回覆刪除依家個價真係幾吸引,長線值得買. 不過三月初宣佈業績前睇怕唔會點升,所以其實又唔急買住, 大把機會.
當然好似hana咁實力雄厚就算真係買貴些少都無所謂啦!
我吾會買put輪
回覆刪除會買股票set $55-$58.
HSBC 我HK$62入, 入早左添, 惨!!!
回覆刪除题外话,请问眼纹应该用什么product 减淡, 甚至令它消失呢? (我不打XX针架.)
5號仔今天大成交向下！有錢都要等等先，長假在即，市況更淡。
回覆刪除bottle搭句咀,
回覆刪除係未初起的幼紋? Estee Lauder的Advanced Night Repair Eye Recovery Complex or Ulitma 的 collegen product都吾錯.
打針後遺証好多...看看 Do Do 姐就是科學美容的結果.
眼紋出左無得攪. 只可以唔好再惡化.
回覆刪除記得..洗面落化妝要溫柔d呀!!
搽eye gel 用第4隻手指輕力搽!
乜纹都有!!! 灰爆!!!
回覆刪除同意!我也在57.5買入5號仔, 祝大家好運!!
回覆刪除留力呀老友！
回覆刪除