要嫁人了

匯豐跌到88蚊，中人壽20蚊都失守，我間孤婆屋繼廚房和廁所之後，衣帽間都冇埋。

再咁落去，為免露宿街頭，唯有嫁人去也，好彩嫁得落手嘅唔炒股票，想娶我嘅又唔投機/投資，諗諗下做女人真係好過做男人，最後都叫有個安全网吖！

有人包底做人都狼啲，人棄我取此其時，決定依加開始每個交易日換二萬蚊人仔來入貨，跌超過500點就買，升就唔買第二日暫停換錢，一於放長雙眼睇佢跌到去邊。人民幣只升不跌的神話已經破滅，今日二萬蚊換到＄22,548元。

如果美股跌到去7000點，我會將存係大陸銀行收緊4厘幾息的人仔運返香港分三注買入標普500指數基金，認購費為1％(如果冇記錯應該係最少買貳萬港紙或5000蚊美金)。

好明顯我唔識死癲癲哋啦！千其咪跟我癲吖！