有食唔食罪大惡极

連續幾日的大跌市我都有細細注入市，美其名曰分段吸納，但今早見到本細細回報都有成兩三成，敵唔過貪婪，走為上着。

午飯時間，得十來張檯嘅餐廳個個都係度講股票，埋單時同Tom講話，我賺咗錢我請客，同佢講起戰績，佢眼都突埋，話：「你入果時就話長揸擺床下底，等個十年八栽實賺幾個開。依加升得幾成又即刻放，咁邊算長線投資吖？」我答佢話：「有賺唔賺，罪大惡极！」

依加個市上落咁大，啲優質股票銀碼又細，係十年難逢嘅好機會，大跌入市揸啲優質股，例如中銀、工行等，幾萬銀都可以買一、二萬股，再跌嘅可以安心收入床下底，升了喎，幾毫子都有幾仟蚊執，點解唔賺咗先呢？

至於立場堅定只買唔放嘅真正嘅長線建倉，，我認為因該係個市橫行，上落幅度极細，成交少，証券行、銀行大利是機前人影都冇隻，人人只風化雪藥唔講股票嘅時侯，就係真正建倉之時了。入咗股票之後，不會大上引誘你賺錢走人，又唔會大落搞到你想揼自己落井，慢慢咁，你再冇興趣住個市，漸漸將佢淡忘，咁就開始圓功德了。