信用卡

火鶴係 零和遊戲 中提到信用卡，我留言寫咗一大段，唔好哂，貼係自己度同大家分享。


「凡事總有例外，雖然我知我係火星人，我有成十張卡，張張可以碌唔少野返來，但全部係永久免年費既，又設定咗全數找清的自動轉帳。

有唔同的信用卡的好處係買野、消費時邊張有着數就用邊張，而加好多公用事業都可以用信用卡交費，利用信用卡的積分或現金回贈，年中都慳唔少！

對於理性有自制力的人來講，信用卡係蜜物來！

今年頭恆生出咗張enjoy card，好似八達通咁嘟，比八達通優勝的地方是次次嘟都有交易單據，唔使怕被扣多咗錢，因為唔使簽名，去惠康買袋香口膠幾蚊我都會嘟卡，唔經唔覺可以儲返唔少enjoy cash返來當現金用。」