2008年12月6日 星期六

身痕。魔咒

現代人生活在一大堆數字中,出粮、收租、收股息、收家用/零用錢等等,全部自動轉帳,玩的是數字游戲,一堆泠冰冰的數字,而平面化的數字令我們對掙的錢感覺不強烈。這就是為什麼清朝人多喜歡一錠錠白銀而不好銀票的原因了。

做私人鋼琴老師除了有不用打稅的好處之外,每個月收到的那一撥花花綠綠的現鈔學費令我感受掙錢的真實性,也是一種樂趣。以前我也收支票的,自從被一個富太走過數之後,學精咗唔再收支票,任誰也不會想到住幾仟萬大屋的有錢阿太會為咗三幾仟學費不斷咁換個仔嘅鋼琴老師,簡直係人間极品。

收到cash,儲儲埋埋有一小疊,女人有錢了喎,就會-身痕,一身痕就梗係出血啦!菏包出血!

果日一次過買咗3對boot,但我其實得一對腳,鞋同手袋絕對係女人的魔咒,男人的惡夢。(要你找數先係。)好彩我是個冇大折扣唔買鞋嘅人,三對原價7000銀嘅鞋使咗我ニ仟幾蚊。哩對黑色麂皮boot係同行女友一眼睇中嘅,有啲似男女間一見鐘情,可惜神女有心襄王無夢,因為女友係小鳥依人型的嬌小玲瓏女仔,對boot着咗頂到膝頭唯有放棄。雖然我唔太喜歡麂皮質地,但三折喎,有我碼喎,高踭喎,着得好舒服又型喎!點可以唔買啊???(暫時失憶,唔記得自己有成百對鞋,其中十幾對係boot)

哩啲高筒boot好蝦人着,見到有個女仔夠高腳又夠長,但小腿肥咗少少,硬係套唔到落去,總猛係度話人哋啲靴設計有問題。

哩對個色好特別,羊仔皮好輕身好軟熟好舒服,跌咗落消費黑洞中(買第ニ對三折之外再九折),但仍然死不悔改覺得好抵,我有件差唔多色嘅阿曼尼皮中褸四折價係叁萬大元,而哩對boot只需幾百蚊。
一向唔中意短boot,但哩對個色同設計都好特別,第三對三折再八五折喎!情意結哩樣野好奇妙,我會覺得淨係買佢對蝴蝶結都抵啦!咁囉!
哩對短boot襯條短裙深色絲袜再加件短皮褸應該會好好睇。
上個月心血來潮走去買咗對平底鞋,着咗兩日搞到腰痠腿痛,終於都係放棄,鞋冇踭原來着咗係咁辛苦嘅。你有冇見過80歲嘅阿婆着高踭鞋吖?睇來不許人間見白頭,都係早死早着哩。(哈哈哈!!!)

18 則留言:

  1. 很漂亮的BOOTS 啊﹐ 那裡買的?

    回覆刪除
  2. 睇到對boot(s)都暖埋一份

    回覆刪除
  3. 我今日都出左血,我死穴唔係鞋同手袋,唔係死都唔掂。

    回覆刪除
  4. 我中意黑色麂皮boot.

    我都无着平底鞋好耐啦, 主要都系觉得高跟鞋靓D ~~

    回覆刪除
  5. 羊仔皮这boot很型啊!
    之前来香港旅游时,朋友也买了两对boots。
    我也很想买,但想到不适合这里天气就没买了。

    回覆刪除
  6. 千祈唔好咁早死,留番一兩對Boot又好,高跟鞋也好,到80 歲大壽時著出來,咁咪有人見到囉。

    最緊要係靚,話知佢死!呵呵呵!!!

    回覆刪除
  7. 羊仔皮boot....靚!
    唉...咁平, 唔買對唔住自己呀!

    回覆刪除
  8. GAL ,又一城買!

    卡臣 :>都暖埋一份

    ?咁...你咪要俾埋份錢?哈哈哈!

    火鶴 :加多個靚字得唔得吖?

    Morca ,係吖!啲皮同色都好靚,半截拉鏈令到對boot冇咁重穿上腳好舒服。

    回覆刪除
  9. 三點:我知你死穴係邊,女人一定有死穴!係了,幾時得閑"拾下拾下"?

    小瓶子 :黑色麂皮boot最貴吖!$898

    你咁高總着高碀?係HK好難搵男仔的襯喎!

    EvilaqiEr ,馬來西亞咁熱梗係唔好買boot啦!

    回覆刪除
  10. 筆路 :舒服對我來講都好緊要!如果唔舒服幾靚都冇用啦!

    行行:我對自己好好!

    niko ,我都想要吖!如果你搵到分啲俾我吖!

    篤篤篤撐 :有人話短boot總難着得好睇吖!話時話男人都話哩對好睇喎!

    回覆刪除
  11. >鞋冇踭原來着咗係咁辛苦嘅

    ?!願聞其詳...
    我以為有踭而且越高越辛苦
    乜掉轉架?

    回覆刪除
  12. 我覺得女仔著boot好好睇, 好型o架喎. 而且咁平, 幾對加o埋都未必夠一個包包貴, 抵買啦~

    回覆刪除
  13. 易:車,你新來?乜你唔知我冇踭不歡格咩?我特別啲,着唔慣平底鞋(波鞋同高爾夫鞋例外)

    川:嘿嘿,我買包包都好平,隔離廠做開名牌袋來料加工,一、兩隻貨版會留俾我。

    回覆刪除
  14. >有人話短boot總難着得好睇吖!

    你又靚又型, 難唔到你吖.

    回覆刪除

淡极始知花更艷,愁多焉得玉無痕。

Related Posts with Thumbnails