保心安油

點滴在心頭！

唉...真係蘇風風都冇咁準，批自己「自知非大富大貴之命，也非艱辛賺錢之格。」一而再再而三咁捉到鹿，敗在唔識脫角，求其摸一把就放生佢，無耐到吖！好彩總識得話俾好友聽，"都唔錯吖！好過人哋連鹿係咩味都冇聞過。"講完亦都開解咗自己，話完全冇心呃就呃你格遮，大佬，人來！

************************************** 係馬會食飯，見到哩樣野，以前唔會咁整格喎！金融海嘯先至來整啲咁嘅野，真係幾無謂。半隻檸檬包成咁要使多過平時兩、三倍嘅氣力先至可以逼啲汁出來，層紗密度使唔使咁高啊？！

哩啲澳洲蠔細細隻海水味重幾好食，好似咁嘅份量，食咗三份做頭盤，又唔係男人食咁多生蠔來做咩呢？哩個係一個迷。餐廳來，使唔使暗成咁呢？又係一個迷。

進食期間靜雞雞嘅餐廳入咗三位貌似'成功人士'，帶頭果位問侍應：

"會員哩個月生日係咪八折？"

"係啊！不過要四位先有。"

"呀？四位？三位冇？"

"係啊！四位先有。"

三位'成功男士'商量咗幾句，竟然掉頭即走，走得咁快追都追唔切，橫定我都食飽咗總諗住獻身幫下佢湊人頭，坐係度齋飲水，點知佢都唔俾個機會自己。

*************************************

xiao zhu同我都中意睇靚女多過睇靚仔，火鶴 中意睇靚女更加中意靚女對美腿，BEAUTYLEG 哩個網啲美腿姐姐靚到我又想講--我恨我不是男人，靚鎚 話總有排等，不如睇下美女靚腿睇住等，哩條link長期擺係右手邊"花蹤"度，中意嘅就多啲來睇啦！Happy Blogging！