2008年12月12日 星期五

八卦。小市民

篇聲明應該係倪震起草,然後由周小姐發佈。如果周有咁嘅文筆一早寫扑寫到出書,又或者開咗好多個專欄了,哩篇聲明一定係好中意寫野的人寫嘅,而中意寫野嘅人又點會唔寫出來俾人睇呢?

一個女人寫篇咁嘅分手聲明,分得成先至奇,好明顯哩段情將會轉入地下。

周的聲明中這一句~"某種程度上,周慧敏早已是一位不同面貌的倪震。"可圈可點,倪震的面貌現在全香港人都知了,咁周小姐呢?……

哩份聲明反而令我更加同情周小姐,要被逼做'分手'哩個自己完全唔想嘅決定,真正應驗了劉曉慶當年的一句名言:做女人難!做名女人更難!

友人話廿年前嘅周都唔及依加嘅張茆靚女,八卦的我睇番啲相,果然係張茆索啲,但兩個都似維修過。


周慧敏分手聲明原文- 娛樂- www.Digtech.cn!

19 則留言:

  1. 張茆=WET妹
    周=玉女
    兩種口味...但中坑必愛!

    回覆刪除
  2. 好明顯全部似偽震寫啦,大 V 邊會寫文吖...

    嗱其實我都好反對中坑呢類年齡組別分類,今時今日男人 40 something 仲好睇得喎....中坑最鍾意 wet wet 地姣姣地又淫淫地又有陽光笑容果種 fusion o既....

    淨係對腳都有排....欣賞啦。

    老實講吖,玉女...唔及 慾女 正囉 ~

    回覆刪除
  3. 不過咁,張茆同以前o既大 V ,都屬於兩種好唔同o既類型。

    大 V 屬於比較作狀o既 「玉....女」beauty forever。

    張茆就屬於陽光氣息愛笑開朗好玩顛顛地果類,好唔同。

    回覆刪除
  4. 作者已經移除這則留言。

    回覆刪除
  5. 我喺小瓶子到留言都係咁話:

    "哩條友信唔過,今次直頭可以由地下浦變為地上滾。

    反而倪周變咗地下情!

    爛滾倪哩鋪贏晒咯,玉女輸人輸錢輸面,通輸!"

    回覆刪除
  6. 其實哩場戲好拙劣!

    玉女周咁多年都知個佬花心喇,條友自命風流,毫無禁忌咁拋個身出嚟,啲女實黐埋去架。

    今次已經係 N 鑊,玉女周忍忍吓都慣咗,發唔出火喇!

    玉女周雖然 keep 得好,但個人純品內守,過四十歲人都冇心去飛嘞。你叫佢幾年後去黐過另一個男人?我諗佢做唔出,咁咪同條友嚟個地下廝守咯!

    唉,真係應驗咗靚仔冇本心!

    回覆刪除
  7. 過路人 都覺得兩編文章風格一至寸寸地!玉女就算後生時應該吾夠現在的慾女咁靚女咁精靈鬼馬咁會打扮,佢條蛇腰,美腿...yummy.

    回覆刪除
  8. 哇匿名你講得好 yeah 呀!

    啲口水好似見得到!

    回覆刪除
  9. 卡臣 :老咗嘅玉女除非情義結好深啦!都唔係個個中坑受!反而對廿來歲仔吸引力大啲。

    城...大:嗯,玉女用來做伴侶,慾女用來泄慾,啱啱好。

    回覆刪除
  10. 匿名 :梗係唔同啦!男人係貪心啲啦!

    校長:其實,周肯忍肯發咁嘅聲明,未必係我哋小市民睇到嘅咁囉!陰謀論啲講或者可能她有性障礙又或者生唔出又或者都曾經'衰'過,乜野都有可能吖嘛!兩個人相處成點正如人飲水~泠暖自知,又點到旁人去抽稱呢?

    寫哩篇係因為睇到有女扑架咁寫:「今晚閱讀了倪震和周慧敏的聲明, 周小姐的文字令人動容, 看得我禁不住哭起來! 看得出她的無奈和依依不捨... 我覺得, 女人愛到如此, 很美麗!……將心比己, 作為女人, 到了此時此刻要寫出這些東西, 絕不容易. 沒有一份很豐富很踏實的愛, 萬萬不能吐出這份令人動容的感情來!」

    嘩嘩嘩!哩啲就係香港女仔哩,天真到吖!!!總有好多女仔留言回應喎!!!

    回覆刪除
  11. 匿名 :我後生果時都冇佢咁識打扮啦!

    小瓶子 :嗱嗱嗱,你擺明踩場,好在你知我玩得遮。

    咁係張茆索啦!總要索好多添吖!人哋十八、廿二我就老危危;人哋青春少女我就女都少女,總有面同胸都有得整身高就點都冇得搞,佢高過我4cm行出來有型好多...

    不過咁,香水夠香索要索幾耐先夠,幾耐會厭呢?一日廿四個鐘係咪除咗瞓就索呢?今日夠索十年後咪又俾依加十歲果啲替代。如果不想索到厭索到暈,想搵個伴嘅話我就絕對好過佢了,天文地理、琴棋書畫、時事財經、精明消費、住家料理、優質生活我范范都識啲,最緊要嘅係有靚女我唔介意俾我個男人去索,咁你話了,通街都係索女與我又何干呢?

    靚女、索女我會用男人嘅眼光去欣賞而唔係妒嫉囉!

    回覆刪除
  12. 哈哈哈哈

    ---[「今晚閱讀了倪震和周慧敏的聲明, 周小姐的文字令人動容, 看得我禁不住哭起來...]

    哈哈哈哈,而家好多所謂文藝青年,「動容」呢個詞用得好濫,乜都動容,買件衫又動容,好好食又動容,say hello 又動容,咩都動容.....見部 Notebook 好靚又動容...

    我好奇,乜啲人覺得「娛樂版名人」一言一行一隻字,真係咁權威嘅咩???

    咁如果唔係偽震而係大 V 去搞仔(或佬),咁係咪又「動容」而且美化成時代女性動容典範呢又 ?

    好天真好傻好動容啊 ~~

    回覆刪除
  13. >张索D 定Hana 索D 吖?

    我話係Hana 個女遲多幾年索啲~

    (擺明玩嘢啦我~)

    回覆刪除
  14. 張茆
    >>>青春無敵熱力四射長腿大胸戰鬥格, 倪震竟然同佢冇下文, 簡值千古奇案!!!

    回覆刪除
  15. 张索D 定Hana 索D 吖?
    >>>
    hana !!!!!!

    回覆刪除
  16. 動容???太易被感動了吧,還是我巳化作頑石?成件事比我感覺係周早知倪生係乜人,大家關係處於乜位置,祇是今次攪大左,或是倪早巳想閃人...呢編野吾會係出自女仔手筆,,他絕對犯得起這個錯,女的自括3大巴掌,男的,吹咩!干卿底事.
    ps,其實玉女真係吾多捨得/識打扮,看她時常牛記笠記...靚又如何!

    回覆刪除
  17. 啲人又會咁天真,信篇嘢係周小姐手筆,真是,唉………

    回覆刪除

淡极始知花更艷,愁多焉得玉無痕。

Related Posts with Thumbnails