2009年1月15日 星期四

女廁。投資。人生

舊年火鶴寫 壞習慣‧排隊 ,我貪玩將佢寫麥當勞段文改成女公廁。回應咁寫:

「一個商場女廁有五個廁格,如果要排隊,有兩種方法。第一種係分五行嚟排,每行係特定某一格干淨企理廁格俾你方便。第二種係全部人排一行,邊格空咗就俾下一位方便。全部人排一行,係較為有效率及公正。

譬如有100個人,邊個先到就邊個方便先,邊個廁格空咗就俾下一個人用,就算有一兩個人方便好耐,但對排緊隊嘅人嘅輪候時間都無乜好大嘅影響,因為其餘果三個廁格依然運作緊。但問題係,一入到女廁,睇見要排100個人之後,你可能會嘩一聲,然後講句「搞 Q錯呀」,跟住就認為商場女廁安排失當,要等100個人先輪到你云云… 你嘅怨氣,全部落晒商場。

如果排五行呢?譬如有三行排廿五人、一行排十五人、一行排十人,一樣係一百人。想去廁所嘅你,你會排邊行呢?依照無蝕底又急住去嘅心態,人通常會揀最短,即係十人果行嚟排,因為望落會快啲輪到你。但事實係咪咁,就要睇運氣。

如果十人果行,有條女屙完又屙,屙极都有,胸墊走位整完又整...嘅話,咁你就有可能排得耐過排廿五人果行,甚至一百人排一行。不過呢種方法,要排邊行,係你自己揀嘅,快人一步理想達到嘅話,你可以話你自己醒目或者好彩。但如果你慢人好多嘅話,你就只可以怨自己,半點不由人。

其實世事嘅野冥冥中自有注定,就算唔想怨自己,阿Q啲諗都可以怨下個天嘅。」

**************************************************************


點解搵返段留言來貼?事關最近親眼目睹了在文明社會發生的不文明事件。

廿幾個亙不相識的老、中、青女人,在狹窄污穢的空間打哂蛇餅咁排隊,個個一臉忍樣。一個四十多歲的中年婦人沖咗入來,更加忍樣地大大聲話:"唔好意思,我好急吖!俾我去先啊!" 老、中青女人即時同聲回應:"入得來公廁排隊嘅有邊個唔急啊?排隊啦!"

雖然我睇得出佢急過我,而我又願意俾佢去先,但係望下排係我前面果七、八位仁姐,我唯有唔出聲,低頭忍。點知唔够三秒,就聽到有人話:啊呀!真係瀨喎!!!"個瀨尿係身嘅女人淺藍色牛仔褲濕哂!不過佢記得用粗口問候排緊隊嘅所有女人。我聽到有人細細聲話:"咁大個人自己唔知自己事咩!你瀨好過我瀨。" 哩件事發生係九龍區。

果一刻,我覺得做女人都幾無癮,係公廁排隊去方便是一件總難頂過生仔的女人難事,因為今時今日任你幾富貴幾好生養,就算係李嘉誠個新抱都係生四個啫,但去公廁了喎,係纏繞正常女人一世的問題。

由女廁瀨尿事件聯想到投資和人生,每個人都應該自己知自己事,凡事預鬆啲,總有唔好聽人點,始終人人都是抱住"你瀨好過我瀨"的心態做人嘅,有起事上來,真正幫到你嘅只有你自己。總有就係旁人的安慰或贊賞不是錦上添花就是過眼雲煙,尿係瀨係你身,錢係蝕你嘅。

本人金句中的金句:講多無謂,行動最實際!

(即係……)

15 則留言:

  1. 其实科学D , 就应该女洗手间大过男洗手间, 次次都见一棚男人企响门口等女友, 大家都惨.

    回覆刪除
  2. My wife spends less time in toilet than me -_-|||

    回覆刪除
  3. 可能個中女飲左減肥茶所以失襟...比我都會讓下佢,人地開到聲,借廁所者又吾係借錢!

    回覆刪除
  4. 我同意啦,所以我大部份既事都會預鬆D,又或者諗如果衰左,我究竟可以承受幾多,就如我剛寫既一編BLOG,我好早已預留一畢錢應付今次個金融海嘯,所以我都唔怕被炒,又股票輸錢都唔太覺。

    回覆刪除
  5. >講多無謂,行動最實際!
    自己承受得到咪去馬!!

    回覆刪除
  6. 即係凡事唔好去到咁盡。瀨尿已經醜怪,爆缸(膀胱)就更事大!

    量力而為,

    知限而止(哩句我作嘅)!

    回覆刪除
  7. Desertfox:

    其实如果不用排队, 我都快过男人. 但嗰问题系呢D 是非常exceptional 的case, 平均来讲D女人系慢过男人嘛.

    又点解我会甘快? 因为我去之前系会想清楚整套动作, 令整套动作非常连贯流畅咯. 你知D 女仔又皮带又乜又乜, 好多条条fing 的东西要 handle.

    种有, 我是永远不坐的, 所以不用bother 去抹个坐厕,只需要揭起嗰厕板就得. 有D 女仔脚骨无力, 所以浪费好多时间抹干净嗰坐厕, 甘当然有排啦.

    回覆刪除
  8. 唔係大部份既女人都唔坐架咩?咁dirty...

    回覆刪除
  9. 甘我真系唔明点解可以去甘耐...我所有朋友都系慢过我的.

    回覆刪除
  10. 男廁除左廁格仲有尿兜,同時間運作既人數可以多好多 !

    回覆刪除
  11. o下? 原來女仔好多時唔坐o架? 真係唔講唔知

    回覆刪除
  12. 其實我諗個中女出到聲都應該好急下,平時又幾可會聽到有人入黎會叫人讓佢去先?!

    好急既時候冇得去真係會慘到想死~~


    P.S.很久沒上來啦,還好嗎??

    回覆刪除
  13. 呢樣係女人之苦,多年前有人提議過搞獨立廁格﹙好似啲臨時廁所咁﹚,不分男女,但班廁博士後來又無晒影

    回覆刪除
  14. 講排隊﹐梗係要出動queueing theory去解釋啦。
    要計數可以用M/M/n去計﹐計出來係一條隊的mean wait time最短。

    若果你見到有三行﹐而三行的人數又極不平均﹐肯定最短那一行有問題。排隊的人可以轉隊嘛。

    回覆刪除

淡极始知花更艷,愁多焉得玉無痕。

Related Posts with Thumbnails