2009年1月18日 星期日

魔鬼就在細節中

1)
>所有我認識的高手, 投資了得不在話下, 最值得我學習的, 其實是他們的內斂.他們無論投資得多成功, 賺得再多的錢, 他們都甚少表露出來.他們的低調, 就算是身邊的人(例如子女, 鄰舍, 朋友)都不大知道他們是出色的投資者.

我話:
非常自相矛盾喎!子女, 鄰舍, 朋友都不大知道他們是出色的投資者.但又係佢認識的高手???

2)
>我所認識的高手們(無論男女), 他們都只有一個伴侶, 有些有兒女, 有些則沒有.無論家庭的結構怎樣, 他們都能愛護家人, 從一而終.

我話:
唔講婚姻輔導果筆,淨係講公認嘅已婚好男人,追我追到痴哂線嘅已經唔少,佢仍然總係對伴侶專一, 愛護家庭係因為我唔受溝,佢哋又冇再遇上一個自己認為值得為她拋棄家庭從頭來過的女人罷了。

東窗未事發之前,對伴侶專一, 愛護家庭的好男人一地都係。有時連人哋自己伴侶都唔知嘅內情,旁人又點可以從表面得知?

3)
>認識一些隱世高手。曾在去年的狂熱中提醒我要清醒一下。

我話:
舊年恆指三萬點時,我叫哂親朋戚友、姨媽姑姐好走哂啲貨了,但自己長揸果啲(當然包括匯豐啦!)冇走到,講係一回事,做又係另一回事。海嘯之後先至來話你一早沽哂啲貨,又或者話你完全冇買過股票嘅(依加越來越多人咁講)我會恭喜你,但信唔信又係另一回事。

直至目前為止,我認識的隱世高手只有大大老闆一人,因為係恆指ニ萬八果陣時我睇住佢沽哂啲貨,之後個市繼續升,佢俾人笑到面黃

4)
> 有好多人追我,不過冇個啱遮嘛!

我話:
如果你唔係越級挑戰(你撿人時人撿你,以外型、身世、學歷、收入、內涵...來講,每個人都身處唔同的層次。),好多人追而冇個啱即係等於冇人追。即係樓梯道閘開咗,唔好話樓下果啲,連地下室果啲都湧埋上來啦!

22 則留言:

  1. 好过我系地牢, 人影都无隻....

    回覆刪除
  2. 花花
    即係點?咁玄ge又地牢又盛...
    巳婚男好悉浪漫約會...但係毒藥來...!

    回覆刪除
  3. >>淨係講公認嘅已婚好男人,追我追到痴哂線嘅已經唔少,
    ==>青山醫院多得妳唔少!嘻嘻

    回覆刪除
  4. 好过我系地牢, 人影都无隻.... x 2
    連腳步聲都聽唔到!!

    回覆刪除
  5. 讀呢篇文時, 我o既反應係

    咪咪咀笑/回心微笑/無奈苦笑再o吉一聲大笑

    娜姐果然係娜姐!

    回覆刪除
  6. 好多人堆埋一齊睇o既,未必一定好o野.
    地牢o既,哼哼,好多時至堅.

    臥虎藏龍,好o野盡在其中.

    回覆刪除
  7. 原來「>」符號的是指其他人說,不是文章作者所說,開頭看上去有點搞不清。現在清楚了前文後理,我也覺得這文令人會心微笑。

    PS : 並非上面的匿名。無關系。

    回覆刪除
  8. 有好多人追我,不過冇個啱遮嘛!<- 我係相反:冇人吼!

    回覆刪除
  9. "好过我系地牢, 人影都无隻...."

    都好過我喺深淵,樓梯都冇。

    回覆刪除
  10. 小瓶子 :你快啲落來我果層啦!(地下室都廿幾三十層,我係你樓下)

    呵呵

    聶秀康 :係吖?唔好意思唔記得話你知我係毒藥中的毒藥。

    嘿嘿

    卡臣 :你錯了,佢哋係半山多啲。(即係未到山頂跳落去死唔去,唔係山腳走唔到。)

    嘻嘻

    C+ ,耶!耶!耶!耶!

    回覆刪除
  11. 11:46 匿名 :臥虎藏龍?多謝!(我係咁嘅啦!千其咪揼腳)

    回覆刪除
  12. 好物沉歸底呀,Hana, 你喺 LG30 呀!

    回覆刪除
  13. 唔好话人影, 鬼影都无...哈哈哈!!!

    回覆刪除
  14. 12:02匿名 :笑一笑,世界多美妙。

    不完美紳士 :呀?噢,好簡單就係:我愛!

    若缺齋老人/陳潢 :冇人吼?大閘蟹係冇人食過之前都冇人吼!

    eric ,天使來你身邊係唔需要樓梯!

    校長:LG30?至敗低處未算低吖!

    小瓶子 :有男版天使咪得囉!

    回覆刪除
  15. 我識得個投資高手1, 真係好低調, 佢穿既鞋從來唔過100蚊, 同佢落bar, 佢真係會著件底衫出黎。佢住緊近千萬既大屋, 但只渣韓國7人車。

    而佢既hosehold income, 只係我一半咋, 仲日日好勤力返工做野tim....

    回覆刪除
  16. 篤篤篤撐 :你講嘅我都識得個,但佢係咪投資高手我就真係唔知,事關佢使/洗果啲好似係黑錢、阿公錢,所以...嘿嘿...

    回覆刪除
  17. 魔鬼果然在細節之中...
    冰雪聰明既hana 果然精明
    以後請多多提點小弟
    嘿嘿

    回覆刪除
  18. 你串我個friend?!!!!!我有個完美嘅男人坐喺我對面!

    回覆刪除
  19. 係呀, 我追你追到痴左線啦, 索女.

    >東窗未事發之前,對伴侶專一, 愛護家庭的好男人一地都係。有時連人哋自己伴侶都唔知嘅內情,旁人又點可以從表面得知?

    Trial before conviction. 有無睇 Minority report?

    回覆刪除
  20. 億利 :haha你冇嬲証明你有內涵識得分邊啲係善意(好開心我冇睇錯人)

    bayleung ,點完美法先?蓋咗棺都未可定論何況淨係坐係你對面?

    公認嘅已婚好男人 :如果玩野令到你開心嘅,繼續啦!

    回覆刪除
  21. 傻既,有錯要認,
    要打就要企定!
    最緊要既係, 
    當你犯錯而掩蓋唔到你錯處既時候,
    最好的方法就是認錯
    golden rule

    回覆刪除

淡极始知花更艷,愁多焉得玉無痕。

Related Posts with Thumbnails