2009年1月23日 星期五

誤會。自製正能量

白天和黑夜篇文 一出即刻引來諸多博友回響,其中有讚有彈有惡意功擊,無論讚或彈我發覺博友們可能都誤會咗我貼相出哩篇文的原意。

今晚和一年先見一次的老朋友飯聚,八個人有七個都有買匯豐,一個二個面口都好難睇下,個個呻緊5仔累佢哋唔見咗幾多幾多錢。見我笑笑口咁個個以為我冇揸5仔所以輕鬆自在,話俾佢哋聽我揸住嘅匯豐絕不少過佢哋任何一個,個個都唔信咁嘅表情。到咗點菜果陣時,個個都話要慳啲食平啲,我咪問佢哋囉:"匯豐依加90、100你哋係咪會沽先?你哋係咪等住賣匯豐嘅錢開飯先?哩餐飯開心啲食,或者愁眉苦臉咁食都係一餐飯,睇你點撿格遮。如果你對匯豐冇信心認為佢冇前途,咁咪斬立決止蝕囉!如果有信心嘅就唔好再質疑佢。就好似女人撿男人咁,一係信一係唔信,信啲又唔信啲,斬纜又唔舍得,攬住又成日呻下怨下咁,唔變黃面婆至奇。"

匯豐由100樓上跌到依加50幾,有幾多個揸住佢股票的小股民可以笑得出?睇住自己辛辛苦苦搵返來嘅身家係咁縮水有幾多個人真係可以無動於衷?係哩個謠言、道理、分析滿天飛嘅時候邊個都唔好信,只要信自己,然後就需要自製正能量自我催眠。我相信就好似財不入急門的道理一樣,喜不入愁門係另一個道理。

篇文貼相唔係因為我要証明自己個樣比真實年齡後生,係要証明正能量的功效,我又唔係公眾人物,又唔係幫護膚品公司賣廣告,要証明俾啲網上世界的朋友睇我比真實年齡後生,把鬼咩!

另外我總想講,我從來都唔會去連根拔買衫,果啲衫就算三折我都嫌貴。相片中白色果件上衣價值二百蚊新台幣,黑色果件都係百多元港幣而已。所以你話了,匯豐跌成咁如果唔自製正能量,點頂吖我。

20 則留言:

  1. 兩萬蚊鬆 D 就有一手匯控又真係好難忍手唔入市買佢。不過我都係鐘意 Standard Chartered 多 D。

    回覆刪除
  2. 溫馨提示:
    自製正能量和自制正能量意思是不同的

    我4x元買入的ADBE宜家得返一半,日子都係咁過,好彩買得少。

    匯豐平都唔敢買,因為唔知三五年後佢會係咩景況

    回覆刪除
  3. 市場維京人 :我已經好忍得格了,入得唔多,哩個時勢要留力。

    黑人 :多謝!立即改正。(幾時畫個公仔送俾我?嘻嘻)

    回覆刪除
  4. 即問下嗟,無咩嘅...

    橫惦都新春啦下話,新年喜慶...係咪先..

    咁吖,不如 hana 就趁個金融海嘯,為左更有效咁啟動和進一步激發正能量,就貼張泳裝照.....當新年賀一賀囉...


    應該貼嘅,應該貼喇,應該要應該要。

    回覆刪除
  5. 要關注o下呢個小組先得lu~

    回覆刪除
  6. 多謝娜姐發放正能量!!

    回覆刪除
  7. Hana 泳裝照關注小組 :哩個小組可以趁年關前啦啦聲執咗佢了。肯定冇做功課,我裸睡嘛!又點會着住泳衣游水呢?唔好話泳照泳衣我都冇。哈哈哈!

    川:關住下你個電視機總好啦!

    行行:嘿嘿

    10:37匿名:萬歲?唔好了掛咁異相。^.^

    回覆刪除
  8. 我都无哭喪着脸吖, 就算输左钱都未试过失眠, 点解都种系起晒纹, 唔靓架~~~~

    回覆刪除
  9. 正能量正能量
    要手有有股, 心中無股

    回覆刪除
  10. 小瓶子 :你係咪打側瞓吖?試下用真絲或綢緞的枕頭套。

    tabo大口仔 :歡迎光臨!努力中吖我,好多野都係講就容易做就難。

    回覆刪除
  11. 哈哈﹗呢排啲文的正能量好強勁呀。(呢排咳到我死咁滯)

    回覆刪除
  12. 正cheap精
    幾廿蚊件衫都著

    回覆刪除
  13. 嘩, 過客真係睇唔過眼至出聲啦...
    樓上嘅 3:04 匿名小姐或男扮女的妖人,

    >>...正cheap精
    >...幾廿蚊件衫都著

    妳一定很 q high 啦, 件衫要幾皮野先著得 ??
    咁我凳妳老公頭痕囉, 如果妳有嘅話及他不是含條...金鎖匙出世 !!
    我見得人少, 但差不多全是大富大貴嘅, 我都未聽過這類言行的。
    本來純來 Hana 處看看而已, 無想過留言的, 但實在頂唔住要嗲兩句, 唔好意思, 呀美人又借用妳地方發囉嗦 !!

    ps : 若那位匿名小姐另有高見歡迎衣貓我, 讓這目不識丁嘅過客開開眼界, 多謝多謝 !!

    回覆刪除
  14. Hana姐,

    有時都真係架,睇左身家縮水,仲要維持正面思考並唔容易...在下的港交所,一早就斬立決費事再諗...匯豐都係之前斬左,留番d錢等多等之後再諗過...

    快樂,簡簡單單,可能就係一頓美食,一杯美酒,同埋一個美人...

    回覆刪除
  15. 呢次我就唔同意hana了, 有乜理由冇泳裝 ?
    我唔要裸睡暸, 我要泳裝 !!!!!!!!

    講番5號仔, 前幾日大摩一話佢52, 我即刻set$53, 點知佢當日只去到 $57, 第二日, 又set $51, 又入唔到...
    仲比人話我運桔tim~~

    跟住任總就講野了, 好彩ge~~

    回覆刪除
  16. > 幾廿蚊件衫都著

    都無嘅, 著衫嘅嘢都係只穿喜歡的, 件衫襯得個人靚就無分cheap唔cheap啦. 著件名牌但就暴露出腰長腳短嘅弱點咪仲衰. 時装嘅嘢, 唔係話你著乜, 而係睇你點著嘅啫.

    回覆刪除
  17. 都係花花baby夠大方,素素那邊也有攻擊留言啊!
    平貴都著看場合和見乜人吧!重要是自己喜歡便可以.也佩服妳的正能量,有時好過做飛蘇.人最緊要開朗.

    回覆刪除
  18. 讀食姐:保重吖!

    過客:多謝!

    AK兄:>一頓美食,一杯美酒,同埋一個美人...
    俊男得唔得吖?

    篤篤篤撐 :最叻係你了,我今日又小注入市吖!(唔識死吖我)

    火鶴 :記唔記得偏門術語:隻手伸一伸貴過你全身吖?哈哈哈!

    3耳:自我催眠都不失為一個可行的好辦法吖!

    回覆刪除
  19. 哈哈哈, 隻手真係唔講得笑.

    回覆刪除

淡极始知花更艷,愁多焉得玉無痕。

Related Posts with Thumbnails