2009年1月10日 星期六

我想說的

在黑人篇文轉載別人的良知 中留言,寫着寫着就變成了一堆九唔搭八嘅野,卻想讓我的朋友們了解我的所思所想,雖然我想的東西通常都比較不入流,我也并非想獲得誰人的認同,只不過一件事情可以從不同角度去看總比片面的好。

Hana 提到...

黑人你講得好啱,如果我係可以自己揸旗嘅記者,我會寫出來,教人萬一遇上相同事件應該點處理。

死者個仔經歷過嘅事情我都親身經歷過,我揸住駕車,坐係我隔離心臟病發果個係我老豆。我識得call白車唔係因為我IQ131(唔係130)而係因為之前聽過醫生朋友話如果遇上咁嘅事情應該點點點。

另外想講,依加啲記者都唔知咩事!成日都話俾人車死果啲人點慈母好父、好仔好女,個司機點無良殘忍,雖然死者是不幸的,但卻絕口不提或輕描淡寫個死者點樣唔尊守交通規則,亂過馬路......

一個司機曾經車死人,無論係唔係自己錯,無論會否坐監,哩一生一定唔會安樂,但啲記者從來或者好少會去提點叫人唔好亂過馬路尊守交通規則。

做為一個日日揸車出入嘅人,唔好話車死人,車傷人我都絕對絕對唔想。人死咗一了百了,唔死果個好多一世都唔敢再揸車,一世都會發惡夢。我咁講絕對係有感而發,前幾日係個有野擋任的轉角位,紅燈轉綠燈,我轉彎,一個阿伯就咁沖出來當個行人紅燈冇到,當我駕車係虛無,我總有少少青春的尾巴,眼明腳快剎車,係佢條褲俾我車頭擦臟的距離停低,佢總指住我講咗一大串佢父親母親的性器宮名詞,然後施施然走咗去。

10 則留言:

  1. 我祇想說說現在的港聞標題太多未審先判.仁醫,慈父,孝女,儉母通通未攪清楚別冠上這等專稱,看得我好謎惑好肉麻...新聞不是中立的嗎!頭版每下月況...真沒勁!

    回覆刪除
  2. 在香港這個政治卦帥的地方。如果有人被車死了然後報紙卻說是那人不遵守交通規則,肯定被插死。

    如果(Knock On Wood)Hana姐不辛撞到那老頭的話,報紙就會說甚麼好爺爺好公公了。

    以前在美國的時候也時常聽到三藩市那些被撞死的人。但我們得出的結論是不要亂闖。"You can't claim your right of way when you are dead"

    回覆刪除
  3. 新聞記者過份主觀報導已經係好平常既現象,目的係要吸引讀者,其實造成呢個現象,可能係我地讀者自己本身。

    回覆刪除
  4. 很多人說記者好唔惦,但事實上不全是記者問題,記者只是最前線的人,並非什麼高職,其上司才是主導報導手法的話事人。


    但外界是不太清楚媒體運作,這不是觀眾不對,因為不是行內人,自然不會很清楚行業運作。記者就是觀眾最容易接觸和見到的人,於是會順理成章地認為所有報導手法都是基於記者手筆。


    我這個解說,可能未必合人心意,但這個解說是善意的,沒有任何惡意,說的都是事實。


    因為觀眾其實是長期在媒體真真假假和半誇大半迷糊的引導下看報導,至於為何會出現報導偏差及欠中立問題,基本上是讀者和媒體間的互動結果,已很難再清晰計算誰是根源。


    報導欠中立,但有銷量;很中立,讀者嫌沒趣,媒體畢竟是商業機構,沒銷路最終會結業,這就是讀者和媒體,雞與雞蛋的關系,也是難分善惡的互生關系。

    回覆刪除
  5. 駕車,其實都幾大壓力。

    回覆刪除
  6. >眼明腳快剎車,係佢條褲俾我車頭擦臟的距離停低
    ==>果然反應快兼駕車技術好!

    回覆刪除
  7. D 阿伯好似荷尔蒙失调, 成日当自己是铁甲金刚.

    回覆刪除
  8. 只能說那是毫無原則的泛仁!

    除了很少部份(像三點),我對記者的印象都不好,他們大都水平低下!

    回覆刪除
  9. 聶秀康 :真沒勁!x2

    Desertfox ,其實遵守交通規則嘅人成日都遇到,不過冇哩次咁近囉!總之車大過個人,有咩事都係車唔好咁囉!

    Audi 計數佬 :>我想的東西通常都比較不入流

    所以你講嘅'我地'可能係冇我份嘅,但我認同你的因果論。

    12:33,這個我理解,所以我寫咗
    >如果我係可以自己揸旗嘅記者,我會寫出來,

    另:多謝留言。

    c.m,都係!好彩我識得保障同保護自己,所以差佬和爛佬都恰我唔到。

    回覆刪除
  10. 卡臣 :因為啱啱起步所以較慢先剎到車jar,我試過要係馬路中間避開爬中間欄杆沖出馬路的'英雄/雌吖!

    小瓶子 :總有阿婆、阿哥、阿姐、阿弟、阿妹吖!

    校長:hehe,三點咁係好啦!

    回覆刪除

淡极始知花更艷,愁多焉得玉無痕。

Related Posts with Thumbnails