2008年8月1日 星期五

化與不化之間-答眾人(一)

水裡游的魚兒羨慕天上飛的鳥兒,沒有腳的鳥兒對魚說:你看不見我不能停的痛苦;陸上走的羊兒羨慕水裡游的魚兒,流着淚的魚兒對羊說:你看不見我不能飛的悲哀。

雄辯的最終目的,不在真理而是說服。我不準備說服任何人,所以也不想辯論。

********************************************************************

較早前香港某大銀行做了一個中產投資傾向的調查,原來月入$12,000元的人已經叫中產(!!!),如果我每年只需交個壹萬、八仟的稅,我也不會交得如以地不甘心了。付出越多要求越高也是人之常情,正如買一部幾百元的手機,人們不會要求它有iphone的功效一樣。

在量子兄那裡看到這篇综援3 - Eugune 和Idiocnycrasy的留言 ,寫得實在太好了,眼晴只懂得圍着香港轉的人是絕對寫不出來的。最喜歡這句:至于作为纳税人,钱作了综援,也就算行善积德吧。

七十妹:

唉唉...我呢就嘿唔起來了,你幸福過我啊,交咗稅就乜都唔使再交。你提到:"3।香港政府還負責例如本港的治安、基建(如道路)、出入境管制(過關回大陸不用每次付稅,不是因為免費而是經費早已透過稅項收取)、教育、公共環境管理、法治(除了刑事,別忘記合約法此一商業之本)......等"

我呢,揸住駕小破車周圍搵食(屬於搵食工具之一),交咗稅總要交隧道費、每年幾仟元的牌簿費等等;東鐵由上水至羅湖站收費係十八個八,上水至九龍塘都係十蚊左右,據講係因為車費已包含離境稅,當年十蚊的人頭稅先收唔成架;最衰我買咗樓,差餉(係專門俾差人來管理制安架)每季都交唔少,咁我咪又唔幸福多一次囉!

另外你講咗:"綜援是社會保障服務的其中一項支出;社會保障服務是社署的其中一項支出;社署是政府財政預算160多項的支出總目的其中一項;"但你冇提到現時社會福利支出已佔政府整體開支的第二位!"相信你唔係特登唔提嘅。

哈哈!我對眼夠大,有少少火絕對遮唔哂,只能夠令我眼睛更明亮!

5 則留言:

  1. hk 薪俸稅同埋利得率唔算高, 算吧la,總有人濫用,我估, 濫用既人比率亦唔算高。

    我既工作有時都會接觸到d 綜援人士, 真係試過搞埋足球隊, 免費請埋教練, 但有d細路真係冇錢搭車黎唔到參加。

    亦試過,免費安排外國人幫綜援子女補課, 竟然冇人參加~~~因為太多免費班扶貧了。

    如果可以交少少稅可以幫到有需要既人, 有人濫用, 我當睇唔到lor~~~

    行善積德呢個諗法夠積極 。

    回覆刪除
  2. 最叻係你啦!^.^

    回覆刪除
  3. 網誌管理員已經移除這則留言。

    回覆刪除
  4. 兵姐一雙妙目,金晴火眼,那流動的寶光雷同無形壓力,敦促我好好用功了一番,不要止於是但嗡。

    回覆刪除

淡极始知花更艷,愁多焉得玉無痕。

Related Posts with Thumbnails