2008年10月14日 星期二

再談價值投資法的迷思

Blog友 篤篤篤撐避開 一文留言:「兜小路返家, 唔單止可以唔駛在大跌市中塞死, 仲可以有成功快感, 話時話, 幾日賺左成皮野wor, 發死妳~~~」

覆覆下寫咗一大篇謬論,姑且貼係哩度等事過境遷後的自已反思。

價值投資法唔應該一味死守,就算個股基本因素冇變但大環境唔同咗就應該識走位囉!

大市升到上三萬人人都知情況不妙,價值投資法令我們信俸長揸不沽越跌越買,結果咪依加咁囉!

其實我嘅永久組合係冇蝕到本金嘅,包括宏到送嘅原始股(之後有分拆)平均價80幾蚊嘅匯豐,平均價6個零嘅地鐵,5蚊嘅中人壽,2個幾嘅中石油...

但點解大海嘯又會触及到我嘅臨界點呢?人係群居動物,所有嘅情緒包括快樂和悲傷都緣自於比較,我的永久組合價值相比起股市高峰期唔見咗一大截,所以我唔開心(或者係冇咁高興囉!)。

我的大大老闆也是價值投資法的信徒,不過佢係迷你果隻,所以佢冇做足,係大市三萬點時放盡哂所有股票包括由沙士時期儲返來的所謂'永久組合'大藍籌。揸佢一大筆錢泠眼旁觀,直至萬六點先再開始重新建立'永久組合'。一來一回唔使忍唔使捱就可以隨時到家,我認為咁先至係股神,真正的大贏家啊!

11 則留言:

  1. wow, 你入市果個價無敵la,
    心神不定, 係因為日日睇住個市ge
    如果唔睇唔理, 就冇事la

    國內有年青人, 驚d老人家睇住個遇做錯野
    於是夾錢請老人家去旅行
    呢個方法幾好ar~~~
    可以試wor !

    (我e+都只係做到唔睇股評, 但日日睇cable 8號台, 其中一個原因, 係個女主持幾小靚女~~~)

    回覆刪除
  2. 娜姐:

    娜~姐~你~好~野~!拍手拍手

    回覆刪除
  3. 我的大大老闆也是價值投資法的信徒,不過佢係迷你果隻,所以佢冇做足,係大市三萬點時放盡哂所有股票包括由沙士時期儲返來的所謂'永久組合'大藍籌。揸佢一大筆錢泠眼旁觀,直至萬六點先再開始重新建立'永久組合'。一來一回唔使忍唔使捱就可以隨時到家,我認為咁先至係股神,真正的大贏家啊! <------WAH, 呢嗰人真系好劲哦.....

    回覆刪除
  4. 篤篤篤撐 :係吖,我提早做哂年尾先做嘅野所以最近開始空閑少少多咗時間睇市。

    獎品係自家公司出品私人珍藏絕版吊飾,自己去我個msn扑度撿款啦!

    回覆刪除
  5. 米兄:勁乜鬼野吖!我交學費你唔知咋,十ニ蚊(未五合一)買既8號仔總有啲啲係夾萬,諗住留佢一世警惕自己!總有100蚊對上買嘅941添吖,雖則聽量子兄話(佢話唔好買,有都要沽)買得一手,但都蝕入肉啊!鬼叫我又聽得入青姐話:120蚊嘅中移動真係好抵買...

    回覆刪除
  6. 行姐:我跳舞你先拍手啦!

    小瓶子:佢真係好勁,好少動作但彈無虛發、一擊即中。

    回覆刪除
  7. 文中講那位大大老闆,確是勁,勁之處,是冷靜,和果斷。說上口好像很簡單,但金股匯當中,尤其股市,冷靜是很重要,說就人人會說,但又幾乎沒多少個做得到。做得到者已經發了達。

    一般人買股票是怎樣呢,開頭買少少還有多少錢賺,但漸漸會聽很多所謂的「高人」一人說一句,很多理論,很多心水,說起來頭頭是道,又好像很有道理,但究竟是必勝貼士還是一人一故事? 看那麼多人贏粒糖輸間廠,相信已顯示了些原因。

    何謂高處未算高? 無限高就是未算高。
    何謂低處未算低,幾時入貨才是賺到盡?

    隻股唔駛錢咪最平囉,低到唔駛錢,仲唔平?

    所謂「永久組合」,何謂永久,Sorry, 雷曼也可以執笠,無得永久的.....

    回覆刪除
  8. >我跳舞你先拍手啦!
    咁你幾時跳呀?? 我要擔"鄧"仔霸頭位! hehe

    回覆刪除
  9. 你msn個blog ? 邊度 ?
    我都冇你msn ...

    回覆刪除

淡极始知花更艷,愁多焉得玉無痕。

Related Posts with Thumbnails