2008年10月18日 星期六

骨牌效應

合俊(2700)清盤骨牌效應牽連甚廣,又點止6500民工失業呢?

行內有不成文的規矩,各大小供應商的數期是三個月,有不少中小型原料供應商是以合俊的訂單生存的,其絕大部分是港資。我估計淨係我認識的供應商至少有四、五間會執笠,將會失業的香港員工約五至六拾人。

各位打工仔和老板,係時候勒緊褲帶、未雨綢繆渡嚴冬了。

************************************************************

好彩大大老板唔中意將公司上市,又似我(又或者係我似佢)唔中意借貸,所以銀行收緊銀根對我哋冇乜影響,又因為係私人公司,大大老板話佢私人果九位數資金好樂意隨時調動過來,係哩個時候,我先至完全體會到保守的作風有幾咁好。

10 則留言:

  1. 前兩日同成班同事出黎打波仲嘻嘻哈哈,好似金融海嘯完全唔關我地咁。不過現時只係覺得,影響最大既係最有錢個班。股市狂瀉通張減少左,對基層市民反而係好消息,當然講緊如果唔會連工都冇埋哩。呢次危機,會唔會無心插柳咁增加返中產既比例呢?

    回覆刪除
  2. 慢慢長大好過快得滯生cancer!!

    好野!

    回覆刪除
  3. 穩紮穩打幾時都好!

    你唔急,哩個世界幾時都係你嘅!

    回覆刪除
  4. 其實係部分上市公司自己問題, 如 : 合俊, 它每年為 Mattel 做 OEM 幾個億。水災雖然破壞了他們六、七千萬原料及幾千萬成品; 喂, 乜之前唔識買保險嘅咩, 同原料無數期/要馬上找數嘅咩 ?? 哩 d 都只不過是藉口而已, Mattel 的確再無批出新 oem 合約, 但他們合俊有現行未到期的供應合約個噃 !!
    咁問題就係, 他們原來的已收帳去了那 ?? 及為何再無現金流呢 ?? 是否有人私自投資去了他處(如股票、房地產)或高層像金至尊般呢 ??
    這些原因/風險在每種公司, 包括私人或公眾公司, 不一定只在上市公司。

    ps : 其實上了市, 除直接能底成本融資外, 還有很多周邊好處的 (不在這裡說啦)...

    回覆刪除
  5. hana:
    扒王之王都有幾會清盤wow
    只收cash,不收cheque
    有7拆!!

    回覆刪除
  6. 靚鎚:我今晚有去咗打桌球吖總入埋是柴添,開心得我吖!

    你有所不知了,最有錢果班人其實影響唔到肉,反而中產果批最慘,中產收入高支出亦都勁,我識好多啲中產都已經開始勒緊褲頭,節衣縮食啦!
    上個月我哋公司已經炒咗批人,全部係人工高的中層,佢哋出去再搵工係三份二人工都搵唔到格囉!我預期出年可以以一半人工到請返啲做佢份工的人啊!

    回覆刪除
  7. 老麥:其實係各有利敝,因應大環境而凸顯優劣。

    小瓶子:嗯,你同我一樣有'明主'

    校長:係吖!做人最忌急,男人最忌急色,女人最忌急財。

    匿名:你完全曲誤解咗我嘅意思,我唔係要講合俊的死因。事實上合俊舊年開始投資礦業的确係不務正業,但我講嘅骨牌效應唔係想講哩樣,而係因為合俊的倒斃因為三個數期令到中小型原材料供應商收唔返錢經營唔到落去而跟住執笠,再推落去物流、運輸等等都會難經營引發執笠潮...咁囉!

    ps:我冇話過上市公司唔好,亦都無話私營公司叻哂,還請萬勿斷章取義,多謝!

    回覆刪除
  8. 佚名 :應該好快會,收到風話林老板爭落某大行一大筆數俾人追到氣咳。

    回覆刪除
  9. 真唔真呀?他本身又是凍肉入口供應商,以前間間鋪都賺大錢,平貨貴賣,後來愈來愈少水魚上當。但我只記得扒王個女幾靚,D扒就鬼咁硬,好似食拖鞋。

    話時話,菜志明又係做玩具...個女間康健又配股兼跌到得2仙,跟體檢一齊死吓死吓咁。

    回覆刪除

淡极始知花更艷,愁多焉得玉無痕。

Related Posts with Thumbnails