2008年10月22日 星期三

偷泥(二)

來自火星的我異想天開,突然心血來潮地想做業餘農婦,花了兩仟塊找人在天台砌了一條花基,想着在那一小片土地中種青瓜、苦瓜、絲瓜或矮瓜。一來試試有機耕種的樂趣,二來也好和農藥稍微對抗一下。

地方弄好了,首先當然是要買泥來填滿它。興匆匆地跑去相孰花蒲買泥,一包重25kg的塘泥,平日笑意盈盈的老闆娘開口要收$一百伍十塊,而且還是優惠價了。我以為老闆娘不是讓中移動移動了她的左腦,就是向港交所交出了良心,心裏不快面上帶笑的我聳聳肩退出門外。

發動精明消費者的格價功能,開着車左兜右轉地查問了好幾家花蒲,原來老闆娘給我價錢真的是最便宜的。急着種青瓜的我唯有花三百塊買了兩大包泥回來。理想和現實相距很遠,辛辛苦苦地把兩包泥放入花槽中,才發只是杯水車薪,要填滿花槽那慾望的身體,粗略估計最少要花三仟塊!!!

買東西,有時侯講的不是買不買得起的問題,而是值不值得的問題,花幾仟塊港幣去買爛泥,我認為肯定是不值得的。泥而已,新界地方到處都是呀,去挖、去偷就好了嘛!沒錯當時我就是這麼想的,而且還聯絡了外表高貴骨子裹偷慾強烈的閨中蜜友,準備選好吉日就行動。

壞的基因遺傳性果然強勁,我還沒展開行動,熱衷行山的威猛哥已先行一步,某天清晨和幾個行山老友在山腳邊幫我挖泥(偷)了,結果......


待續

16 則留言:

  1. 十月尾種蔬果好似唔喺幾啱時噃。

    我都有種啲嘢嚟食。香草效益最大,因為次次係超市買一大紮都用唔晒好鬼死嘥。自己種,佔地少,易打理,搣搣下又會長番。蕃茄矮瓜都OK,不過每次都食唔切要周圍送人。其他工程太浩大,一個人,就費鬼事囉。

    去挖泥,愚公移山式逐啲逐啲,咪唔使驚囉。

    回覆刪除
  2. 山邊嘅泥, 又實又唔夠肥沃, 好難種到肥美嘅瓜菜架.

    回覆刪除
  3. 偷泥俾人誤會發掘古蹟?

    回覆刪除
  4. Perhaps you can also try brewed coffee beans/powder~ It's a good fertilizer

    回覆刪除
  5. eric ,其實我已經種咗好多植物,有白玉蘭、桂花、檸檬、杜鵑、羅勒、薄荷、迷迭香、幾種蘭花、葱和庫拉索蘆薈。寫咁多瓜係貪玩遮。:)

    火鶴::(

    tt,睇落去咪知囉!

    Cryrus ,首先要有泥吖嘛!洗米水都唔錯!

    回覆刪除
  6. 哈哈,Hana, 你真有趣!

    回覆刪除
  7. 哎吔~ 心癢癢, 快o的快o的~

    回覆刪除
  8. D泥仲貴個花基?? 既然你洗濕左個頭, 唯有...變身"盜墓者羅拉"

    會唔會o係報紙頭版見到你?? "偷泥黨"入侵香港

    回覆刪除
  9. 你實在太可愛了~ ^^
    amm....你不會是真的惹了 "一堆蟻" 回家吧~~:P

    回覆刪除
  10. 窩收到嘟嘟嘟撐爆警,話有人do野。即刻簡黎睇下。

    o拿!根句商講髮例-盜妾罪條例:任何賢不情實地挪佔他人財產,意圖勇狗地剝奪他人的財產,之熟乾飯盜妾罪。

    依渣唔係樹必拗李港,李所港既野漿糊被誌低作圍情床證供....

    >山邊嘅泥, 又實又唔夠肥沃
    係囉!李咁聰明卯奶油唔豬嫁

    >變身"盜墓者羅拉"
    簡正?簡窩唔拉佢住喇
    等佢變呻換左d剪身勁裝先嘟胃遲
    渣賊要拿贓呀嘛

    回覆刪除
  11. >十月尾種蔬果好似唔喺幾啱時噃。

    唔係喎eric,十月响香港既環境先係最好,唔會有大雨大風整死,又唔會太潮濕有太多虫害;啲菜通常生得最好

    又,如果係睇住efficiency泥種...都係買好過,種嘢响香港只可以完全為興趣;香草其實都買得到,我反而種過啲香港買唔到既品種,都幾有滿足感(例如日本蘿蔔,新鮮食係好好食)

    回覆刪除
  12. >山邊嘅泥, 又實又唔夠肥沃, 好難種到肥美嘅瓜菜架.

    師弟睇泥你都真係有種嘢喎~

    係呀,我係買泥,之後再自己去挖泥番泥加落去...之後再加花生枯、牛骨粉,等番兩個月就會有營養...

    回覆刪除
  13. 香港冬天唔再會低過十度?低過十度好多野唔會點長個喎。

    回覆刪除
  14. 咩嘢生果唔識打字?
    .
    .
    .
    .
    .
    .




    因為「不打自招」
    「不打字蕉」

    回覆刪除

淡极始知花更艷,愁多焉得玉無痕。

Related Posts with Thumbnails