2008年12月31日 星期三

靈車。快樂

一近年尾不期然地會回看和展望,然後免不了的會衡量年中的得失,思考人生的意義。我們的眼晴會很自然地隨着我們的心搜尋自己想看到的事物,就像孕婦總是會感覺周圍都有很多的同類,旁人卻不察覺,最近開着車在公路上,總是看到很多靈車。

靈車總是行駛在我的前方或左或右的,獨特的外形不經意地吸引着我的視線,有些裝飾得非常漂亮,鋪滿各式各樣清雅的花草,有些什麼裝飾也沒有,簡單得清靜,靜的其實是躺在靈車裡的人。再看看靈車周遭的私家車,或名貴或簡樸,坐在裡面的人感受各有不同的吧!因為他們還是會思考的活生生的人。

看着遂漸遠去的靈車,終於有了這一年最大的得著~快樂原來是自找的!

友人說一個人快不快樂和有沒有錢沒什麼關係,因為沒錢的人也會快樂,富人也有富人的煩惱。我卻不以為然,既為人無論貧富在精神上皆有喜憂,富有些的人至少在物質上會過得舒適些,所以我常常說:人生最大嘅遺憾是到死的那日錢還未用完;人生最大嘅悲衰是未死已經把錢花光了。

有人趕在女友例假前連續幾天瘋狂做愛,覺得很快樂;有人趁着假期拖兒帶女跑去人山人海的商場和旁人爭路走,覺得很快樂,快樂其實都是自找的,只要不好高騖遠,每個人都很容易快樂的。認識一個女生月入港幣捌仟,日思夜想的不是十萬塊的愛瑪仕包包就是八萬元的華衣,所以她總是快樂不起來。

*************************************

最近事忙,留言容後再回,先多謝各方友好的祝福和問候。新的一年即將來臨,祝各位新年都快樂!新的一年要快樂喔!

36 則留言:

  1. 古語話人「小心過唔到年!」係千真萬確! 多位牧師同我私下講過,據非正式統計,每年呢兩過月係長者升天高峰期....

    回覆刪除
  2. 在我角度, "快樂"與"不快樂", 玄o的講就話在乎你點睇, 實在o的講就係個人知足與否. 好明顯, 我係『知足常樂』派o既教徒~

    唔...原本想講多o的, 都係算, 今日寫咁多已經『足』了, 睇blog 就未『足』, 都係去睇o野先 (怒refresh 燦兄blog...)

    btw, Happy New Year ar~

    回覆刪除
  3. 2008年最後的一天,
    祝您新一年快樂如意^^

    回覆刪除
  4. 祝Hana,

    新年快乐
    身体健康
    荷包满满

    最重要是:笑口常开

    回覆刪除
  5. 最近越來越忙
    可能會少d上黎玩嚕…
    anyway 新年快樂!

    ^_^

    回覆刪除
  6. 娜姐,大家咁話! All the best :)

    回覆刪除
  7. 哇,Hana, 你去咗邊呀?

    祝新年快樂,得心應手!

    回覆刪除
  8. hana姐,

    德合一君,乃治一國...做事合乎於自身狀況的行為,無所強求,是快樂的一個基本法則...

    新年快樂!!

    回覆刪除
  9. 娜姐:

    好認同你友人講法, 快樂不快樂, 在乎自己點睇! 好似我和同事係零交流, 有朋友問我: 你工作開心咩? 我答: 我唔介意喎, 因為我目標係錢, 其他野我唔會理! 再者, 介意盞自己唔開心, 所以我唔會擺在心中! 外人眼中可能覺得我好怪, 但我知我快樂就得!

    祝新年快樂, 09股票win win win!

    回覆刪除
  10. 我都想試下有錢人既快樂...haha

    wish u a happy new year

    回覆刪除
  11. 馬沙:

    >>古語話人「小心過唔到年!」係千真萬確! 多位牧師同我私下講過,據非正式統計,每年呢兩過月係長者升天高峰期....

    我做過醫院的transportation的admin support(共五年多), 親自見證大時大節(尤其係做冬和臨近農歷新年)就係升天高峰期。

    唔係講笑呀!

    -----------------------

    又, 祝Hana姐姐新年愉快!

    回覆刪除
  12. "人生最大嘅遺憾是到死的那日錢還未用完;人生最大嘅悲衰是未死已經把錢花光了。"

    這有道理,但有時兩者的分界門檻在那兒,可能要衡量個中得失利害,賺得太多,要趕在死前花光不難,要花得聰明,也挺累的,不過,你是聰明人,不會讓自己太累的!

    喂! 新年快樂! 大家咁話!

    回覆刪除
  13. 有人趕在女友例假前連續幾天瘋狂做愛
    >>>一定係後生仔先O甘好氣力...

    新年快樂!

    回覆刪除
  14. Happy 2009!
    祝你來年更開心。

    回覆刪除
  15. 花花:

    祝妳新年快樂,身體健康。

    點點

    回覆刪除
  16. 遲嚟嘅 Happy New Year!
    Wish you have a prosperous 2009!
    Yup, happy 真係最重要!
    Cheers!

    回覆刪除
  17. 新年快樂
    越嚟越靚
    長揸長有
    X生活愉快

    回覆刪除
  18. 馬沙 :都係!越近年尾越多人往生。

    讀食姐:也祝你合家新年快樂!

    川:係吖!快樂由心嘛!

    卡臣 :祝你越練越大隻!

    小瓶子 :祝你身體健康!

    回覆刪除
  19. V ,祝你新的一年平安喜樂!

    EvilaqiEr ,祝你身體健康!步步高升!心想事成!

    佚名 :你也要快樂久久喔!

    易:唔上來都識call我啦!果段sms幾好野喎!祝你平安喜樂!

    C+ ,你冇事就好了,新年快樂!

    回覆刪除
  20. 校長:我去咗流浪囉!哈哈!

    巴黎旅客 :祝你旅途愉快!

    ak兄:係呀,不強求係快樂法則的第ニ條,第一條係不奢求。祝平安喜樂!

    xiao zhu ,你血肉模糊我點快樂吖?祝早日康復。

    行行:人飲水泠暖自知,理得人點睇點諗。祝平安喜樂!

    Audi 計數佬 :你呀,唔好咁貪心啦!祝平安喜樂!

    Karen (Sze) ,祝你新的一年平安喜樂!

    點點:祝你新年心身舒暢!(喂,鎮台之寶個色好艷下喎!幾時借來先?)



    樸老 :多謝!好彩依加都算嘆。祝新年平安喜樂!

    篤篤篤撐 :嗯,三十幾歲算唔算後生仔呢?祝合家快樂平安!

    Desertfox ,祝你合家幸福快樂!

    Morca ,祝新年平安喜樂!


    市場維京人:祝你年年happy!

    火鶴 :哈哈!多謝!承你貴言,X生活好愉快!祝你長飲長有!

    回覆刪除
  21. 作者已經移除這則留言。

    回覆刪除
  22. 花花baby,
    好開工...米掛住玩!
    祝妳開心又美麗,有銀又有屋...仲有靚仔伴身傍!

    回覆刪除
  23. Hana大姐:曹仁超說得對,有錢人煩乜煩物係多餘 - 有錢人自然有野煩,但冇錢既人煩惱更多!

    回覆刪除
  24. 聶秀康 :唔制,我要繼續玩!:)

    靚仔對我來講唾手可得(我講真)所以我唔稀罕!反而有內涵又靚仔嘅難搵啲...所以唔靚仔都冇所謂嘅。

    若缺齋老人/陳潢 :我唔敢講係就冇錢既人煩惱更多,但就知道有冇錢都會有煩惱。

    易:忙搵錢吖!大陸佬好有錢吖!買好多貴錶呀!

    回覆刪除
  25. hana姐既道行愈來愈高...
    新年快樂!09年搵多啲!

    回覆刪除
  26. > 靚仔對我來講唾手可得 <---- 點解靚女對我來講唔係唾手可得冒既???

    回覆刪除
  27. 若虛兄:總有排修練吖!新年快樂!

    Audi 計數佬 :好,睇係你份上,你有疑問,我就開文講你知點解:靚仔對我來講唾手可得 !

    回覆刪除
  28. 我真係想知wor, 你開文啦, haha

    回覆刪除

淡极始知花更艷,愁多焉得玉無痕。

Related Posts with Thumbnails