2009年11月30日 星期一

我遇到的一個香港Y世代

(友人特意在彼邦shop拍下清單上的產品寄給我,感覺很神奇,世界很大也很小。--03-12-2009)
我:Young,唔該你去貨倉執套版出來俾陳總個司機帶走。(時值中午食飯時間倉冇人當值, Young啱啱食完飯。)

Young:哦。(接過我遞俾佢的清單)

我:Young你去邊吖?倉係哩邊喎!

Young:我去寫字樓將份清單轉做繁體字先囉!(皺下眉頭,扁扁嘴)

我:嚇?!你到依加都唔識睇簡體字?

Young :識啲唔識啲囉!得啦!X總我好快搞掂俾你。

我:得了,唔使你了,我搵第二個去。(一把攞過張清單)


自己都曾經年輕過,得到過唔少前輩提攜,所以我從來唔介意俾機會年輕人學野。哩個仔來咗3幾個月了,本來都幾欣賞佢直話直說,一見到公司大部份文件都係簡體字就好老實咁坦承自己唔識,但係來咗幾個月都總係唔識,總要覺得用翻譯軟件係理所當然,我就好唔理所當然了。

25 則留言:

  1. 突然諗:小弟左校出身對慣簡體字、刨冬瓜唔通都係件好事?

    回覆刪除
  2. 好多朋友都同我讲睇唔明简体字. 其实识繁体字再睇返简体, 根本唔驶学, 呢D 只系习惯既问题. 睇多两本书就乜都识晒啦.

    回覆刪除
  3. 小瓶子 :係囉!估多幾估都識啦!係有冇心的問題。

    老人:絕對有著數。

    回覆刪除
  4. 圖中的簡體字又不算難嗟...

    望多兩眼就ok

    回覆刪除
  5. 二十年前我第一次睇簡體字(水滸傳),大部分唔係難在有分別,而係難在估都估唔到。

    睇番你份樣辦清單,最難估只有一個:《掃把雪人》,第二個難估可能係《書仔怪人》,但書字應該響你公司出現過唔少次,無理由無印象。

    Well,我意思係... 或者Young仔驚執錯辦呢...(咩唔係跟“產品編號”執既咩?)

    回覆刪除
  6. 一早出曬貨了,哩批個倉剩返少少版用來送人所以冇編號跟啦!

    回覆刪除
  7. 就如你所說:估多幾估都識啦!
    可能,係一個懶字,唔想用腦罷了。

    回覆刪除
  8. 佢唔識簡體字的原因是──佢跟本連繁體字都唔係好識!
    人地大陸學睇繁體字仲難啦!

    回覆刪除
  9. 佢老闆會唔會唔識過數俾佢就唔過??
    頭一兩次話唔識.去學啦....
    擺明唔想做...

    回覆刪除
  10. 我倒有啲奇怪,現今Y世代唔識煲東瓜簡體字,佢唔覺得醜嘅咩? 家吓d學校己經非常重視呢樣嘢囉播!

    我個仔七歲,已經俾學校train到可以改正我,妳嗰條細路唔係香港人?

    回覆刪除
  11. 这些我都看得懂, 应该不难嘛. 毕竟我的中文只有小四程度.

    回覆刪除
  12. 作為一個廠佬兼貿易公司老闆,我諗你個staff唔係唔識簡體字,而係驚做錯咗孭鑊,跟住無咗份工,呢個至係真正原因。

    作為第四代人,我呢個小老板對同代人有多少少理解。無錯,呢位友仔無乜可能唔識簡體字,亦唔應該到依家都未識呢堆基本簡體字,依家唔識簡體字,連BT都唔駛喇,問題係如果佢話佢識,但最後執錯咗貨,佢係要承擔責任。

    老闆要俾新一代一個容忍「可以接受錯誤」嘅態度,呢個好重要。有時新生代無咗上一代嘅can do精神,做老闆係要撫心自問一吓。

    回覆刪除
  13. 幅圖D簡體字我呢個Y仔識睇喎~~
    (寫就一定唔得了)
    不如請我丫~~~

    回覆刪除
  14. 娜姐睇怕好快要換過個人.
    出黎做野, 有d野絕對唔可以唔用腦.

    回覆刪除
  15. 現在的年輕人做事不願意行多一步. 凡事計較,怎能有進步!

    回覆刪除
  16. 學簡體字一啲唔難,尤其係佢咁既後生仔,對得幾個月應該好慣,頂多有三兩隻字睇唔明唔應該妨礙到工作。

    你可以話佢唔上進,亦顯示佢對自己真係無乜要求同信心。Y世代大多如此吧,唉。

    回覆刪除
  17. "活動泳裝男孩"

    有冇女孩?有?我要一個丫唔該。

    回覆刪除
  18. 呢長清單我都睇得明喎, 你知我中文幾渣架啦.

    我响度同你執番D貨仲好啦 :)

    回覆刪除
  19. eric ,等你下次返來送埋泳装女神俾你又點話吖!

    火鶴 :係囉!>睇小瓶子個blog睇到識啦!haha...

    詩白爾 :咪係。

    Quality Alchemist ,佢係博寫話自己當黑撞正我,要做埋倉管果份當咕哩,又話唔明解明明係港資公司要用簡體字...(依加寫扑v係咪亂來吖!)


    黃世澤 Martin Oei ,佢好老實!真係「識啲唔識啲」!

    >驚做錯咗孭鑊,跟住無咗份工,呢個至係真正原因。

    咁咪死得囉!船頭驚賊船尾驚鬼,擺佢去邊好?收入個船倉度供起來?佢可以保佑我咩先?我又唔係開善堂,條船大喇喇成萬人要開飯喎!個個都係咁條船唔好話行駛萬里,就算係原地都好快沉喎!

    >老闆要俾新一代一個容忍「可以接受錯誤」嘅態度,呢個好重要。有時新生代無咗上一代嘅can do精神,做老闆係要撫心自問一吓。

    我撫心自問俾咗佢成3個月機會,阿黃老闆你都識講「唔應該到依家都未識呢堆基本簡體字,」啦!咁我想請教下要再點容忍了啦?

    回覆刪除
  20. 余若虛 :但我接触到的大陸嗰啲Y世代又唔係咁喎!佢哋會主動學習繁體字為的是接收多啲唔同的資訊。

    Ebenezer ,係Local,總係馬料水人添。

    行行:我更怕唔用心。

    Desertfox ,你係咪簡體字小四程度吖?

    荒木茂 :你都咪話可能都係!

    港男大力 :應該係不屑於學啩!

    Joyce 桐 :但佢寫扑話公司冇人性封咗FB、Twitter...又唔懶喎!三日唔埋兩日就寫啦!

    回覆刪除
  21. eric ,等你下次返來送埋泳装女神俾你又點話吖!

    一言為定!



    我兩個星期後回來!

    回覆刪除
  22. 你email俾我啦!

    不過我驚個女神除唔切衫喎!你知啦香港加下冬天吖嘛!*.^

    回覆刪除
  23. 依賴電腦,大腦退化,係呢一代既最大問題。

    回覆刪除
  24. 简体我会,繁体我也会。其实蛮相似的嘛!
    反而“香港字”就比较难!可以明白意思,但是有一些字就不会读咯!就算我会说“广东话”。

    回覆刪除

淡极始知花更艷,愁多焉得玉無痕。

Related Posts with Thumbnails