2008年9月7日 星期日

直覺

不知道是因為學過點風水、命理、面相的皮毛知識,還是曾經輕叩過天堂的門,我總是憑直覺去區分好人和壞人,當然這是一種我自己定義的好壞。往往在見了第一面之後,就能決定這個人的分類,從事後發展的狀況來看,居然大多和普世的標準相去不遠。

都說相由心生,我是很認同的,而我的標準有時候還要附加衣着打扮和言行舉止。對於衣着打扮我的要求不在於名不名牌,只求整體感覺干淨整齊。基本上面圓眼大、肥頭肥腦的人都不會壞到哪裏去的,而雙眼皮(天生的那種)的人是好人的機會又大過單眼皮的人,和人說話時眼睛可以直視的人,大部分也是可靠的。我認為那些可以睜大眼睛講瞎話的人,其實一交無妨,因為就算是騙子他/她也是最高級的那種,任何行業可以做到最高級,必有他/她的可取之處。

我是新界東的選民,我很珍惜每一次的投票機會,所以今天專門預留了時間去投票,我投的是1號名單的田北俊和簡永輝,他們的政綱是什麽?其實我沒看過也沒想過要了解,投1號只因我喜歡田北俊有型有款的樣子,記得有一年的聖誕看到他站在上水火車站的天橋上,高瘦的身形穿一套貼身栽剪的西服加上一副金絲邊的眼鏡,迎着凜冽的寒風謙卑地向行色匆匆的路人派發禮物,就覺得這個男人太有型了。長相好看是人生的另一張通行証,用諸男女皆然。

至於簡永輝,說真的他太矮不好看也沒型,選他純粹因為他的父親簡炳墀,當年簡厩的一匹打吡冠軍"實業先峰"為家裏贏來不少鮑魚和魚翅。

希望我的一票不要令排在1號名單第3位的方國珊當選,為什麽?因為她的面相不討我喜歡呀,直覺告訴我這個不是好人。

**********************************************************

李司棋幫葉劉站臺拉票,卻又說自己不是選民,因為沒空去登記。登記做選民要很多時間的嗎?多得過站臺拉票嗎?我怎麽不覺得呢?

26 則留言:

  1. 觀人真的有術,但見過談過,會更準!

    這些年來,請人,我多負責面試,觀人也算是準罷。

    回覆刪除
  2. 唔好歧視單眼皮啦....我覺得我係偏好果方面ga

    回覆刪除
  3. niko,你唔留言都唔知有個廿歲的小妹睇我個扑添,多謝link我啊!希望唔會悶親你啦!嘻嘻!

    識得講"我們都有一張不完整的拼圖....."都唔差得去邊遮。

    我冇歧視單眼皮吖!世事冇絕對吖嘛!學阿蔡灡話齋,你係例外啊!

    回覆刪除
  4. 校長:hehe,我請人,到我負責面試只問三個問題,就即時話佢知請定唔請佢啦!費時要人等吖嘛!

    小瓶子:你張相咁細睇唔真喎!同埋睇相要睇埋氣色!校長話"見過談過,會更準"都好有道理。

    你咁孝順一定係好人啦!(你笑起上來都好甜吖)

    回覆刪除
  5. 阿蔡生本新書都幾好睇喎

    回覆刪除
  6. 係吖!

    如果我係男人,蔡生一定係我嘅終极偶像兼目標。

    回覆刪除
  7. 大口人都信面相之說....特別係見客決定借唔借錢出去那時。

    回覆刪除
  8. 我四眼皮又點計呢 ?

    靚仔田北俊, 真係好jetso
    你睇佢細佬田北辰就知天與地的分別了
    有理由相信, 田北辰由細到大都好憎佢大佬....

    回覆刪除
  9. 会计界我都投了靓仔 Ronald, 可惜落选.

    回覆刪除
  10. 大口仔:嗯,我諗你一定肯借錢俾我囉!哈哈!

    篤篤篤撐:四眼皮咪好到加ニ囉!呵呵!

    小瓶子:田北俊都落選吖!嗚嗚...

    回覆刪除
  11. 四眼皮咪好到加ニ囉!呵呵!
    >>>>
    會唔會有二奶ka ?

    回覆刪除
  12. Hana:齋睇你D珠寶首飾都足夠擔保你有能力還錢,多多都借!哈~

    回覆刪除
  13. hana:

    但係靚仔冇本心啊~

    (我地啲醜男一定會咁講~)

    回覆刪除
  14. 田大少如果選港島, 應該贏梗
    葉劉係o甘先

    回覆刪除
  15. hana:

    不要客氣,為你,我在所不辭!

    回覆刪除
  16. 篤篤篤撐:你見阿何生冇八層眼皮就知唔關事啦!

    大口仔:果啲朱義盛來jar,總以為我個相夠厚先借俾我添。嘻嘻!

    米兄:唔係喎!我覺得你好靚仔喎!同埋你個相夠哂厚吖!

    校長:其實我唔怕瘀!改錯字留言俾我都唔緊要!

    回覆刪除
  17. 你唔怕還唔怕,我鍾意呀!

    回覆刪除
  18. 田少玩完了。被「官商勾結」拖垮,可惜。反而周梁旅發局糊塗帳一大筆,死不足惜。

    回覆刪除
  19. 篤篤篤撐:你見阿何生冇八層眼皮就知唔關事啦!
    >>>>oh, 你打沉了我我夢想

    回覆刪除
  20. 校長:中意大哂吖!?

    音語:唉61歲總咁後生有型竟然話收山抱孫喎...

    若虛:激死我吖!我屋企總有三票投哂俾劉華啊!

    篤篤篤撐 :咩事遮,叫雞總好啦(閃)

    回覆刪除
  21. 三票投哂俾劉華 !!!!??????
    有冇月餅先 ?

    叫雞總好啦
    >>>我怕醜的, 同埋我驚對方俾老毛我AR

    XDDDDDDDDDDDDDD

    回覆刪除
  22. 哈哈,我係大....晒架!

    回覆刪除

淡极始知花更艷,愁多焉得玉無痕。

Related Posts with Thumbnails