係吖！我係好夠薑！
係吖！我都幾狼！
係吖！我對住中意嘅男人係好溫柔同埋好嗲！
係吖！我雖然唔係奸商，但做起生意上來我係-心狠手辣！
係吖！我寫哩個博比寫另外果個開心好多！因為哩個博我冇形像要建立吖嘛！中意點寫就點寫！
**************************************************** ******
某個男人今日隻腳一定好痛了，我着背心裙唔係佢想撞(非禮？)我嘅理由來！都冇解嘅，非禮都要睇人嘛！我對高踭鞋一腳踩落去唔野少！西裝都可能濕哂！
**************************************************** *******
明知係不情之請總要開聲？我駕車連公仔、護身符都冇，原廠出來淨係加多咗塊後視鏡，咁都好意思要我幫忙貼上競選海報？條友一定係俾夕陽燒壞腦定了。
**************************************************** *******
謝謝揚眉女子Venus送的禮物，那張手寫明信片比禮物珍貴噢！呵呵呵！
烏克蘭機械人兵團出擊 無人系統協同突襲俄軍陣地
2 小時前
.png)
.jpg)
發表文章
撞？真係買棺材唔知碇！
回覆刪除西裝都可能濕哂
回覆刪除>>>佢非禮你GE, 點解無LALA會濕曬 ?
做生意可以點樣心狠手辣又長做長有？我都想學兩招傍身。
回覆刪除嘩...吾係呀嘛...
回覆刪除你居然會被人非禮...
天冇眼囉...居然讓呢個世界出現有那樣無知的男人...
那個男人不知你是黑帶好打得, 一次過可以劈斷500塊紅磚頭, 平日愛好路見不平, 拔腿相助的嗎?
他一定沒看你的blog 啦...活該.
話時話, 你那天衣著有沒有相看? 不過記住打格, 我怕你索過頭, 令一眾男粉絲們流鼻血, lol.
講番正經, 你遇上這種事之後, 心情還ok 吧?
都過去了的, 可別放在心上啊.
校長：唉...如果佢有叫雞嘅習慣大概就唔使係街"撞'女人啦！
回覆刪除篤篤篤撐 ：大熱天時佢成套西裝總要打埋呔，俾我咁踩一腳總唔痛到標汗？咁西裝都好易濕遮。
李小龍：唔奸但心狠手辣咪可以長做長有囉！奸得來唔夠心狠手辣都冇用！等我有mood先詳細寫下囉。
enigma ,係企圖遮，佢未得逞！但就俾我隻高踭鞋踩咗腳囉！
咪黑色背心裙囉，少少低胸絕不夸張果種囉！
黑帶？講起來失禮死人，上兩個星期去睇人上堂，同個教練切蹉下，俾人塔到飛起十個慘不忍睹。同所有技能一樣，唔keep唔練乜帶都係過眼雲煙來！雖則想練返都唔難，但依加都係想keep女人味多啲囉！
痛到標汗？
回覆刪除>>>
OH, 原來係o甘,
諗歪左tim,
罪過罪過
kakaka
Hana：
回覆刪除叫雞同撞兩回事嚟架！叫雞都會撞，佔便宜嘛，抽水嘛！反而撞嗰啲又未必會叫雞喎！
凡是社會道德尺度越壓迫，就越多變態佬產生。不一定嚴重至劏人呀、食屍那類型。
回覆刪除我說的是偷影裙底、偷看女人走光 (有甚麼好看呢 ?)、hi hi 碰碰抽水‧‧‧嗰啲。
非正式鹹鹹濕濕又無吉屎的賤人榜：日本永享世界第一美譽。唉，真自豪啊！香港都應該穩穩地稱霸前五位。
其實任何男人都有 sex drive 的，但長居之地會對佢地產生無可估計的行為影響。很大部分真是地方道德文化抑壓他們太厲害了。
不客氣! 我記得妳信佛, 對吧?
回覆刪除校長咁你選擇撞呀定係....嘿嘿！
回覆刪除花花你齋踩一腳又唔連住用捨身技
難怪你俾人塔到飛起喇！
多謝吖揚眉。
回覆刪除我其實冇宗教信仰，不過好中意聽佛謁。
易亦：同男人較量太蝕底啦！hehe
邪王：
回覆刪除真係要揀，梗係....喇！
我最唔鍾意強人所難，唔鍾意令人唔安樂。唔識唔盛，做乜揩油，好無品啫。明買明賣好過，心安理得，助長經濟，又唔駛坐監！
果d情況之下完全係你殺佢一個措手不及
回覆刪除何來較量之有呢
又
冇得同你切初一下
我真係太蝕底啦！hehe
＞最唔鍾意強人所難
校長呢個世界上有d人犯賤係要你強佢所難佢先開心先覺得你man架
;)
又
依家有人話自己「係過眼雲煙來」
你一定係心花怒放喇
嘿嘿
吓？邪王，有啲咁嘅人？我無緣無幸得見，介紹下呀！
回覆刪除不過，我強佢...，佢好慘個喎！
咁邊個又話自己「係過眼雲煙來」哩？唔通我睇漏眼？