2008年9月4日 星期四

點滴

係吖!我係好夠薑!

係吖!我都幾狼!

係吖!我對住中意嘅男人係好溫柔同埋好嗲!

係吖!我雖然唔係奸商,但做起生意上來我係-心狠手辣!

係吖!我寫哩個博比寫另外果個開心好多!因為哩個博我冇形像要建立吖嘛!中意點寫就點寫!

**************************************************** ******

某個男人今日隻腳一定好痛了,我着背心裙唔係佢想撞(非禮?)我嘅理由來!都冇解嘅,非禮都要睇人嘛!我對高踭鞋一腳踩落去唔野少!西裝都可能濕哂!

**************************************************** *******

明知係不情之請總要開聲?我駕車連公仔、護身符都冇,原廠出來淨係加多咗塊後視鏡,咁都好意思要我幫忙貼上競選海報?條友一定係俾夕陽燒壞腦定了。

**************************************************** *******

謝謝揚眉女子Venus送的禮物,那張手寫明信片比禮物珍貴噢!呵呵呵!

14 則留言:

  1. 撞?真係買棺材唔知碇!

    回覆刪除
  2. 西裝都可能濕哂
    >>>佢非禮你GE, 點解無LALA會濕曬 ?

    回覆刪除
  3. 做生意可以點樣心狠手辣又長做長有?我都想學兩招傍身。

    回覆刪除
  4. 嘩...吾係呀嘛...

    你居然會被人非禮...

    天冇眼囉...居然讓呢個世界出現有那樣無知的男人...

    那個男人不知你是黑帶好打得, 一次過可以劈斷500塊紅磚頭, 平日愛好路見不平, 拔腿相助的嗎?

    他一定沒看你的blog 啦...活該.

    話時話, 你那天衣著有沒有相看? 不過記住打格, 我怕你索過頭, 令一眾男粉絲們流鼻血, lol.

    講番正經, 你遇上這種事之後, 心情還ok 吧?

    都過去了的, 可別放在心上啊.

    回覆刪除
  5. 校長:唉...如果佢有叫雞嘅習慣大概就唔使係街"撞'女人啦!

    篤篤篤撐 :大熱天時佢成套西裝總要打埋呔,俾我咁踩一腳總唔痛到標汗?咁西裝都好易濕遮。

    李小龍:唔奸但心狠手辣咪可以長做長有囉!奸得來唔夠心狠手辣都冇用!等我有mood先詳細寫下囉。

    enigma ,係企圖遮,佢未得逞!但就俾我隻高踭鞋踩咗腳囉!

    咪黑色背心裙囉,少少低胸絕不夸張果種囉!

    黑帶?講起來失禮死人,上兩個星期去睇人上堂,同個教練切蹉下,俾人塔到飛起十個慘不忍睹。同所有技能一樣,唔keep唔練乜帶都係過眼雲煙來!雖則想練返都唔難,但依加都係想keep女人味多啲囉!

    回覆刪除
  6. 痛到標汗?
    >>>
    OH, 原來係o甘,
    諗歪左tim,
    罪過罪過

    kakaka

    回覆刪除
  7. Hana:

    叫雞同撞兩回事嚟架!叫雞都會撞,佔便宜嘛,抽水嘛!反而撞嗰啲又未必會叫雞喎!

    回覆刪除
  8. 凡是社會道德尺度越壓迫,就越多變態佬產生。不一定嚴重至劏人呀、食屍那類型。
    我說的是偷影裙底、偷看女人走光 (有甚麼好看呢 ?)、hi hi 碰碰抽水‧‧‧嗰啲。
    非正式鹹鹹濕濕又無吉屎的賤人榜:日本永享世界第一美譽。唉,真自豪啊!香港都應該穩穩地稱霸前五位。
    其實任何男人都有 sex drive 的,但長居之地會對佢地產生無可估計的行為影響。很大部分真是地方道德文化抑壓他們太厲害了。

    回覆刪除
  9. 不客氣! 我記得妳信佛, 對吧?

    回覆刪除
  10. 校長咁你選擇撞呀定係....嘿嘿!

    花花你齋踩一腳又唔連住用捨身技
    難怪你俾人塔到飛起喇!

    回覆刪除
  11. 多謝吖揚眉。
    我其實冇宗教信仰,不過好中意聽佛謁。

    易亦:同男人較量太蝕底啦!hehe

    回覆刪除
  12. 邪王:

    真係要揀,梗係....喇!

    我最唔鍾意強人所難,唔鍾意令人唔安樂。唔識唔盛,做乜揩油,好無品啫。明買明賣好過,心安理得,助長經濟,又唔駛坐監!

    回覆刪除
  13. 果d情況之下完全係你殺佢一個措手不及
    何來較量之有呢


    冇得同你切初一下
    我真係太蝕底啦!hehe

    >最唔鍾意強人所難

    校長呢個世界上有d人犯賤係要你強佢所難佢先開心先覺得你man架
    ;)


    依家有人話自己「係過眼雲煙來」
    你一定係心花怒放喇
    嘿嘿

    回覆刪除
  14. 吓?邪王,有啲咁嘅人?我無緣無幸得見,介紹下呀!

    不過,我強佢...,佢好慘個喎!

    咁邊個又話自己「係過眼雲煙來」哩?唔通我睇漏眼?

    回覆刪除

淡极始知花更艷,愁多焉得玉無痕。

Related Posts with Thumbnails