2008年9月16日 星期二

五點到六點的距離

環球經濟市場就像一隻正在行走的鐘,最高點當然是12點鐘,最低就是6點鐘,只是這隻鐘會間歇性病發,雖然大方向始終是順時鐘而行,經過了一個又一個的圓圈,但時不時的就來個上下震動,心血不寕的朋友很容易被左一下右一下的震到東倒西歪甚至體無完膚。

現在已經5點鐘了,好不好殺進鱷魚潭呢?似乎不應該這麼急,等到6點再說吧!問題是5點到6點的距離究竟有多遠呢?誰也不知道,巴菲特也不會知道呀!5點的時候,沖進去分段買入踩到6點的機會無疑較大,但是寕買當頭起,是不是應該7點才買呢?

有唔等使的錢可以分三段買港鐵(66)先,港鐵唔會大上大落有大茶飯食,但勝在有穩定現金流和派息(雖然唔高平均得ニ厘幾),最緊要係有得以股代息,就算細細哋一手手入都可以唔經唔覺多幾股,複利增長從來不容小覷。

*******************************************************

大陸間廠又炒ニ仟個流水線工人,出年一月會再炒多三仟人,香港office都會炒三分一職員,多得新勞工法唔少。每次返廠,見到周圍啲廠執下又一間,放工時分成個工廠區就似旺角變咗大埔(少咗好多人),我知道哩次唔單止5點到6點的距離難以估計,連6點幾時去到7點都係未知數,12點了喎,更加係漫漫長路。

***********************************************************

六字頭阿叔講廢話的功力越見深厚,今日下届就係大氣波教小散戶:現階段可以用有限(閑?)錢利用平均買入法分段買入營利增長快、行業前景明朗、PE低、派息高、唔受經濟環境影響的質優股長線持有。

***********************************************************

上星期六鬼使神差賣咗層放咗盤成半年的新界600呎樓,賣價居然同我半年前叫價差唔多,中秋離開香港出咗去玩,今早揸車返工聽香sir講野先知個市咁大煲。

中午收到經紀call話細訂張票可唔可以聽日先入,因為個買家驚入唔切錢。買家是一對未婚夫婦(約27、8歲),申請九成半按歇。那對男女係香港來講都算幾好樣,但唔知點解會做出咁嘅決定,負債95%去買層樓來住,原本以為佢哋衰沖動,我呢冇咩多,最多就係求知欲,多口問多兩句,原來佢哋足足睇咗半年樓,大大話話有三十四間,由青衣到馬鞍山,由上水到大圍,最後鬼使神差就扑鎚買我哩間,貪我哩間冇按歇業權清晰(咁都得?!)。簽臨時買賣合約果陣時,我先發覺個Top經紀收佢0.8%佣金,我就收足1%。

但願哩對第一次置業的後生仔女唔係因為哩0.2%的佣金折扣而上車啦!祝佢哋身心健康。

至於個市,嘿嘿...容許我貪心啲、黑心啲...慢慢跌啊!事關樓價的95%要兩個月後先到手啊!(乜做九成半按歇要成兩個月咁耐咩?)

20 則留言:

  1. "港鐵唔會大上大落有大茶飯食,但勝在有穩定現金流和派息"

    港鐵的現金流是從可而來? 車資, 商場收租, 還是賣樓? 那一個是recurring 呢...

    就算細細哋一手手入都可以唔經唔覺多幾股,復利增長從來不容小竅

    複利, 小覷

    平均買入法, 這種方法的先決條件是你買的東西不是處於歷史高峰, 例如16元買蒙能...點平均都是蟹貨....像陳 X 聰咁既收場...

    六叔講既野是好岩呀, 我絕對同意佢講的揀股條件...之不過, 我吾知佢想講邊隻咁囉...


    我估都要過埋美國大選喇, 個巿先有轉機, 依家共和黨和民主黨, 冇個夠膽郁那些供吾起樓的選民...佢地一日吾找數, 次按都好難搞得掂囉...

    況且尋日又爆 CDO, 企業要輸幾多, 都要等幾個月季度業績先知...

    若 D人冇得玩 CDO, 跟住又要煩另一樣...

    唉...總之有排煩啦...

    回覆刪除
  2. 你竟然賣到樓 ?
    我賣極都賣唔到ar,
    冇天理 !!!!

    唔理了, e+等, 6點鐘可以揹足幾年
    一於等遲d
    樓價大趺,
    扑一層廣播道嘉皇臺
    整多價X5玩下

    照計, 過多年半有機會了
    KAKAKA~~~~~~

    回覆刪除
  3. 喂你係咪要整返段卸膊聲明先呢?

    回覆刪除
  4. 咁嘅時勢,
    賴氏宗親會嘅人特別活躍架嘛..

    回覆刪除
  5. enigma :嘿嘿...
    哩度係我嘅私家後花園,我亂呃一通遮,心理排洪嘛!66抽簽中嘅股票我總揸住唔少,咁要唱好!查實我自己未必會再增持!!!

    多謝糾正,已改。

    篤篤篤撐:都話放咗成半年盤囉!都話鬼使神差囉!不過呢個Top經紀居功至大,佢其貌不揚成卯豬八戒咁嘅款,但講野叻到吖,樹上的鳥都可以俾佢氹落來。佢係經理級有助手跟隨,自己唔使落手落腳做,齋講就掂。我問佢貴為經理咁細單生意都親力親為?佢話:對我來講生意無分大細,只係有同冇嘅遮。

    火鶴 :唉...你哋啲香港人做blogger都辛苦過人嘅,惊驚哩樣,避果樣,我行我素?唓,都係得把口!

    anyway謝謝先。

    回覆刪除
  6. 篤篤篤撐 :話時話我尋日先同火鶴傾開話想換車,有咩好介紹?

    X5買唔過吖,我有兩個friend買咗唔夠1年都先後壞電腦板吖!

    回覆刪除
  7. 咦,咁我可能會有好多私人嘢會同你講...

    回覆刪除
  8. 我要同米B女玩喎,點得閑同你講呢又?

    回覆刪除
  9. 換車?
    你o甘型, 買架skyline la, 或者audi tt都開心, 又可以諗下prado 或者lexus果隻四驅(唔記得型號tim), 可以得閒北上玩off road

    x5, 唔掂 ? 有乜野好玩呢 ?

    回覆刪除
  10. 哩家嘢我自認敞鄉,唔敢插嘴。只望各住網友隨心所欲,得嚐所願。

    回覆刪除
  11. 四眼Look是有名的「散戶黄大仙」,經常都有金句贈散戶,就好似你阿媽係女人,一定中。

    港鐵是地產股,年頭賣「首都」時抄上$34,今日得翻$24,咪話唔傷。做鐵路營運根本經錢落袋。

    Top經紀肯減佣,証明個樓市幾差。股市差,買車買樓的人自然少,財女即係財女,有無限子彈掃貨!

    回覆刪除
  12. My mom is going back to HK next month and I told her to put her money into either HSBC or MTR. The fact that she can only adjust her portfolio while she is in HK (going back once a year), I told her to put it into HSBC (relatively higher yield).

    As for me, I am riding the stock down all the way. Long live short selling!!! I was done riding LEH and AIG, next up, Wachovia.

    回覆刪除
  13. 篤篤篤撐:skyline十年前揸咗啦,我之前揸咗幾年SLK350了喎,掉返轉頭揸TT?唔會lur,依家要平實穩重吖!

    卡臣:冇你咁叻吖,層樓係我當年為咗幫爛賭表姐先買落來jar。

    校長:你就好啦,安坐岸上觀。

    李小龍:你冇跟開我之前啲文,你有所不知我間孤婆屋已經冇咗廁所、厨房加士多房啦!

    好彩有穩定現金流遮,至緊要係我買野從不借貸,唔做杠桿投資,唔會供樓、供車,金牛座需要絕對嘅安全感吖嘛。

    Desertfox :嘩,你好勁,悶聲發大財。:)

    回覆刪除
  14. 平實穩重.... how about Mercedes CLS?

    回覆刪除
  15. 我之前揸咗幾年SLK350了喎
    >>>>
    你, 深不見底wor,
    e, 有d野可以商量下,
    係o甘既
    我其實做生意好叻下ka
    e+有門路可以年賺幾倍
    只係爭少少錢
    拿, 見係你咋
    預你一份,
    唔多, 三兩百萬la
    ok ?
    見字, 即刻存入hk bank 123-123456-123

    wakakakakaak......

    回覆刪除
  16. Desertfox ,唔會揸返哩啲車囉,之前揸寶馬果陣時試過俾學生家長話:miss你駕車總靚過我駕,你都唔志在啦,不如收平啲學費啦!

    篤篤篤撐 :係咪搵錯人吖?我係女人喎!入乜鬼野喎!

    雪螢 :唉..哩個時勢邊個唔肉赤喎!

    回覆刪除
  17. 篤篤篤撐 :係咪搵錯人吖?我係女人喎!入乜鬼野喎!
    >>>>
    耶, 人地會面紅ka~~

    回覆刪除

淡极始知花更艷,愁多焉得玉無痕。

Related Posts with Thumbnails