2008年9月3日 星期三

浪漫紀/舊事(ニ)

引子

女:表姐說討論區裏有個貼子,一個做搬運工的男人月入七、八千元,卻每月給太太六千八做家用,沒有閑錢花所以男人一下班就往家裏跑。沒工作的太太也樂得在家相夫教子。

男:呀?七、八千俾六千八家用?

女:問題不是銀碼的大小,而是現如今願意養女人的男人幾乎絕跡了,當然如果我是那個太太至少會工作半天,幫補家用也好吖!畢竟貧賤夫妻百事哀呀!


某日中午

女:麦當勞和吉野家點撿呢?我食咩好吖?

男:……

女:頭先食咗吉野家嘅牛肉飯,係度諗:要養我都唔係好難遮,咁你願唔願意養我呢?err?我呢,成日都認住女人俾自己愛的男人養係件好幸福格事。我係咪好傻吖?

男:你真係傻傻哋!


第ニ日中午

男:頭先去買飯,撿緊食咩時係度諗:如果我有機會可以養你嘅話,其實你可以食好啲嘅,唔使捱麥當勞咁慘!因為我人工其實係唔止七、八千囉!我係咪好傻吖?我平時好型嘛!俾你搞到好似你咁傻。哈哈哈……

女自語:嘩!好浪漫啊!好感動啊!個傻佬諗咁耐又咁認真答我,其實好型。

男人就是不明白,對於感性的女人來說,浪漫其實不一定要金雕玉砌 、要觀日出看夕陽,也毋須刻意經營,不經意的對白,漫不經心的言語,隨時就令女人感動得淌淚了。

蔡琴 金聲演奏廳 海上花

http://hk.youtube.com/watch?v=26L9Zb3zlfY

13 則留言:

  1. 女人就是不明白,對於感性的女人來說...通常過多幾日,個女人就會轉mood,又會諗「咦,但係我今日好想去稻菊食喎~」

    回覆刪除
  2. 我女人對食物要求不高。
    同佢去過雲海及稻菊午飯及晚歺後,均说不要再來,很好味,但太貴了。
    所以耐唔耐都要去食歺,等佢開心吓。

    回覆刪除
  3. 米兄:男人就是不明白,對於自己隨時、隨便都可以去稻谷食大餐嘅感性女人來說,重要嘅唔係去邊度食野同埋食啲乜野,而係同邊個一齊食。

    匿名:我對食物要求幾高下!只不過我自己煮嘅野食都幾高水準嘅。

    回覆刪除
  4. 月入六七仟, 偶爾仲可以用把口浪漫一下
    過得一排, 女人就會話:
    "你只係得把口浪漫,花言巧語...."

    BTW,
    海上花, 係我唔睇候孝賢既開始
    海上花, 係我聽羅大佑既結束
    而蔡琴, 由85年一直聽佢聽到E+, ALL TIME FAVORITE ar, 至愛既係"最後一夜"同"油麻菜籽"

    回覆刪除
  5. 如果嗰男人月入七八千, 为了子女着想, 我觉得嗰女人都系要出去打工咯.

    浪漫都要生活架!!!!

    回覆刪除
  6. 米搞:

    所以話女人係好煩嘅動物嚟架。你一門兩個就知啦。哈。

    hana:

    海上花的原唱是否應是甄妮?那套電影是楊凡拍的,其中一位女主角是張艾嘉。

    回覆刪除
  7. 讀食:

    好彩米太都幾理性...

    回覆刪除
  8. 篤篤篤撐 :蔡琴,永遠的蔡琴!

    小瓶子:咁個女嘅出去打工都係得果幾千銀,都冇用架喎!BB要搵人凑,交通費呢?咪得個吉?不如自己凑返親子關係都好啲吖!

    又:唔知點解越係低收入男人越係中意娶妻生子,可能貪一舉幾得掛。

    讀食姐:係吖係甄妮原唱,不過個MV太老土,加上經蔡琴翻唱之後韻味完全唔同咗,所以用哩個版本。

    回覆刪除
  9. 篤篤篤撐 :唔記得話你知我嘅首本名曲就係"最後一夜"吖!果時係酒廊做節目部經理,啲歌手遲到我就唱哩首歌頂場啦!雖然同蔡琴相去十萬八千里,但都唱得唔錯!我有我韻味吖!

    回覆刪除
  10. readandat
    海上花, 龐該你侯孝賢拍KA, 有李嘉欣、粱朝偉, 大概10年前左右既出品。不過我在網上又搵到楊凡都拍過一套AR(竟然會唔知, 真係老人失憶TIM)

    回覆刪除
  11. 我嘅首本名曲就係"最後一夜"吖!果時係酒廊做節目部經理,啲歌手遲到我就唱哩首歌頂場啦!雖然同蔡琴相去十萬八千里,但都唱得唔錯!我有我韻味吖!
    >>>>>
    嘩, 瓣瓣都俾你開中?
    係酒廊唱"最後一夜", 情節O甘似 ?
    話時話, 幾時你唱黎聽下, 我最多帶定本"臺北人"扮金大班捧場

    KAKAK, 講笑咋, 唔準嬲KA !!

    回覆刪除
  12. 唓,我學音樂嘛!聲音都ok好聽咪得囉!有時上小組堂(教樂理)我會納氣講野,喉嚨冇咁易傷吖,講野都可以學!

    我係funny women吖嘛!係驚你講得唔夠好笑遮。

    KAKAK, 講笑咋, 唔準嬲KA !!

    回覆刪除
  13. 會納氣講野
    >>>
    係咪即係好似華英雄o甘, 講句野都納氣整野大海無量出黎呢 ?

    弊, 明明想話"帶定本"臺北人"扮野捧金大班場",
    結果寫到自己變左金大班tim, @@~~~

    回覆刪除

淡极始知花更艷,愁多焉得玉無痕。

Related Posts with Thumbnails