2008年9月9日 星期二

風度

今天駕車經過獅子山隧道,看見隧道口田北俊的靚佬相,大大字寫着"Thank you 多謝支持"。嘩!作為一個投票給他的支持者,能看到偶像有這樣一個落台轉身的背影,我覺得很自豪喔,這一票無論現在和以後都將是留給這樣風度翩翩的男人或女人的。

現在的選民很奇怪,好像個個都不懂區議會和立法會是兩個不同意義和層次的議事堂,怎可要求立法會的議員都要扎根在地區,在天橋上聽你訴苦呢?

下屆立法會還真夠市井的,衣冠不整的長毛、粗魯的陳偉業、聲大夾惡的黃毓民……唉,我只不過想在立法會找個儀表堂堂、斯文有禮的代表而已,原來在人人都有選舉權的香港是如此艱難的,因為人多欺人少啊!

9 則留言:

  1. 較為樣好的男議員是:梁家傑:)

    回覆刪除
  2. 我係唔會投票俾衣冠禽獸既。

    P.S.我唔係指田少係

    回覆刪除
  3. 山本一夫:人多嘅時候,殭屍就係怪物;殭屍多嘅時候,人就係怪物。

    回覆刪除
  4. 哈哈,殭屍多嘅時候,人就係獵物、食物...


    Hana:

    香港政冶生態亂晒、壞晒喇,那是肥彭(背後英美政府)惹的禍。議事堂水準日低,紛擾日多,香港無前途架喇,返上海罷,我諗住退休後都北上養老,或出洋揾老婆。

    係勒,今日見報嗰單粉嶺一家三口自殺案,事主你爸爸是否認識?

    回覆刪除
  5. tt,梁家傑ok啦

    薯麥 :哈哈!衣冠禽獸?我都唔會

    魔術師 :唉...怪物!

    校長:識!其實我哋有間屋係佢隔離jar(以前買好平)。佢另外有仔女係加拿大!都係專業人士,認真講佢其實未算差到貼地囉!

    深信風水命理嘅威猛哥話係佢老婆陀衰佢!入門之後諸事不順,而佢間屋問題都好大,坪洋村全部係標準型村屋,得佢間零舍特別、豪華,感覺就似成堆廢銅爛鐵之中有把金匕首......

    回覆刪除
  6. 自由黨,
    衰在想玩分區直選又唔依分區玩法部署
    諗住有知名度, 又再搵少少鄉事票夠入局
    結果人地一野扇起連根拔
    再多個龐愛蘭分票

    要玩, 佢地就應該俾多d資源搞好自己既鐵票。

    e+議事堂亂曬坑,
    係因為行政主導, 即係贏足30席都唔可能執政
    有權無責
    於是人人鬥大聲亂o甘鬧, 都唔會有後果
    學蕭若元話齋, 俾社民連贏曬
    佢地都冇可能執政
    使乜驚佢地既民粹政綱 ?
    好多人投毓民, 都係想佢入去鬧人
    一如長毛, 長毛過去四年, 真係兌現政綱KA..KAKAKA

    所以鬧唔鬧, 選乜人入去,
    其實係冇乜影響KA

    只不過靚仔落選, 總會戚戚然
    就如BAGGIO 贏唔到WORLD CUP 一樣

    回覆刪除
  7. 唉,真慘!都算係為錢而亡喇,太不值得!

    回覆刪除
  8. 咪住,令次我有啲唔同意校長既說話喎,因為環顧世界各地,有邊個政制冇俾人鬧?

    「議事堂水準日低」,我都同意希望多啲理性啲既議員可以入立會,做啲有建設性既討論;但問題係連政府本身都唔係咁理性,只要求立會的議員理性,唔多會work囉~

    回覆刪除
  9. 米兄:

    政府本身都唔係咁理性...

    這句話我一百個認同,由 day 1 開始我已經唔鍾然曾蔭權,也不睇好他領導的班子。但香港政治生態很大部分卻並非由政府打造,在選舉框架下跑出那些人來也非他們所能決定。

    政府不理性更需要理性的議會,否則只有對罵、對抗,而沒有良好建議及高質素議政,香港仲死!

    回覆刪除

淡极始知花更艷,愁多焉得玉無痕。

Related Posts with Thumbnails