2008年5月26日 星期一

每個人都有一個價

卡臣在留言裹戲問靚女素素:"如果真係有一筆快錢,妳要幾多錢先會考慮?注意:我話妳會考慮咋!唔係應承!"素素答:"來解釋一下我嘅價值觀先。我本身唔係戀慕名牌/貪慕虛榮嘅人。最愛是茶餐廳嘅美味ABCD常餐和檀島蛋塔奶茶。眞的,唔係話hotel/club嘅唔好食,有時D Cake都好好食。但係好多其他又抵又好食。環境我係唔太care嘅,地方乾淨,食物好吃我更滿足。我對生活要求不太高。如果賺得唔夠多$$咪遲幾年退休囉~ 有時D嘢,我冇咩呢D物質貪念。好難收買到我囉~ 因為就算佢比100億我,我都係照去茶餐廳照坐小巴,行行企企。咁大筆$$其實應該攞嚟開孤兒院,其他嘅invest咗佢。"

這段留言令我想起幾年前,卡米拉正式嫁給查理斯王子的時候,我們幾個年齡相妨、背景不同的女子在咖啡館裹的對話。有人問大家:"如果你是卡米拉,你會嫁給查理斯嗎?"我搶着答:"當然扑着就去啦!現在說的不僅僅是嫁個有錢人,還是個真正的王子呢,雖然是個又老又丑的王子。"所有人都雀躍地附合,除了A小姐,她斬釘截鐵地說:"我才不會呢,查理斯又老又丑,王子又怎樣?"當人人都面面相覷的時候,我說:"你呀將這件事看作永遠不可能發生的,離得遠遠的,就像你不會開車,問你要帶哪輛車回家一樣,因為不可能所以條件反射地不認同。現在你嘗試想像王子真的就在眼前,跪着請求你嫁給他,準備帶你回皇宮,你會嫁嗎?注意,現在嫁給王子要離婚的話也很容易的。""嫁!當然嫁!就算做一天王妃也夠過癮的了。"這是A小姐的答案。


相信每個人心裹都有一個令她/他心動的價,只是會因應他/她自身的財富、、年齡、性情、心情、迹遇、道德標準有所不同而己。不要當作發白日夢般去考慮,想像是真的,有這麼一個掙快錢的機會,多少錢或者機會(僻如和巴菲特單獨晚餐),你會考慮?然後你會發現面對不同的對像,你所要求的價碼也會不同,如果貌似李嘉欣/林嘉欣/鐘嘉欣,作為直男的你可能十元八塊(或者斗零都不要)就搶着去了。如果趙金馨銀碼當然馬上上漲,龔如心呢?總有一個令你心動的會考慮的價位。

年齡也是一個重要的因素,有些人在年輕的時候,鴻圖大志對於攢快錢的機會不屑一顧,年紀漸長如果一事無成,就會後悔莫及。有些人一輩子都在等這樣的機會,卻等到花兒也謝了。

如果這個價是Stephy的公司,可以神不知鬼不覺的讓自己的太太繼續上班,不同的是每個工作日都是開心天。人在中環的CK老板會考慮嗎?
如果這個價是一家大型出版社(當然不是紅出版社),渣老板會考慮嗎?
如果這個價是一家上市的報紙,陳大文會考慮嗎?
如果這個價是個話劇團,卡臣會考慮嗎?

不要和我爭論李嘉誠無價,在他還在做學徒的時候,你怎麽知道有沒有一個令他曾經心動的價呢?就算是李兆基,用他儿子的生命作價,也不會不動心吧?!

如果有人問我這樣的問題,我會很誠實地回答,會的,我一定會考慮的,只是我自己的物質財富和心靈財富都不太或缺的今時今日,什麼價位才能打動我呢?需要認真的思量。像我這種貪錢的膚淺女人,高尚離我很遠,所以如果100億不是益生菌,是人民幣(港幣也照殺)的話,哪管他是八兩金還是蕭亮,不用考慮了,先付定金給我吧!

34 則留言:

  1. 你呀仔我原來幾有先見之明, 寫咗篇骨氣值千金?嚟撐你..

    回覆刪除
  2. BTW, Pierre? 由06:30開始睇.

    http://www.youtube.com/watch?v=grfv__IN5cc&feature=related

    回覆刪除
  3. 呀有趣美人,

    妳講得好實在、好有代表性(女士角度)、好到肉; 可能男性角度有點不同吧, 我(只是我, 不是全男性喔)就有點分歧啦 !! 我可為一些個人嘅喜好, 曾放棄金刀俯馬一職 (有很多活在生活底層嘅男人不相信的, 預左俾人"噓/寸" 喇) !! 如不開心或不太稱心, 要坐在老屎來屎度去食鮑魚, 過客真係情願喺大排檔度食粥。
    女人就好難會咁, 女人追求嘅係心中 security, 男人追求嘅係快意人生 (當然個男人有養活自己的能力)。 噓...自古就存在的兩性矛盾...無得變 :)

    祝早日收到訂金 :))

    過客

    回覆刪除
  4. 阿仔:原來我哋氣場相似。hehe
    條片呢,哩個极品係電影需要啫,現實中俾得起嘅有錢佬或者會丑或老,但絕對會係企企理理嘅囉,冇咁惡啃嘅。ps:你話如果邢李源只係普通專業人士(已經唔話係打工仔了),林青霞會唔會嫁佢啦?

    回覆刪除
  5. 過客:我講野代表我自己jar邊有代表性啫。
    >金刀俯馬一職
    你好似離咗題喎!依加講緊快錢,一次過,over night都唔使喎!撓頭!

    回覆刪除
  6. 過客:>祝早日收到訂金 :))
    你當我傻格咩,100億喎,唔好講話冇鑲金、鑲銀,就算鑲鑽石都冇人肯俾了哇?我寫:﹙什麼價位才能打動我呢?需要認真的思量﹚
    100億只不過係信手係素素度拈來罷了。^.^

    回覆刪除
  7. 呢個問題,我絕對答到妳。

    會。就算唔駛成間上市報紙,淨係做集團總經理 ( 總經理在一家報業來講已經最高 ),都制。

    點解唔制呢?做總經理仲好過做老闆,一定有得分紅,萬人之上。當然,對於新入行既人來講,會講理想,但而家都無乜呢類人喇。

    ****

    香港女仔最弊既係,唔係港女問題 ( 我這樣說可能有人覺得很怪吧?), 而係唔知自己應該上下乜嘢價,最弊就係人人以為自己係上價,話之乜樣乜條件都認為自己人上人。結果呢,高條件之男士當然啋你有味,最後只有識撈但無 $$$ 的乖乖男願意捧你,但你乜都得唔到。


    只有沒條件遇到好價的人才一口硬說自己無價,遇不到不如說自己清高,我從來不信有情飲水飽,水也有分水喉水和 France 的 名牌水吧。


    我從來不信【女人都係要安全感嗟】,乜嘢叫安全感? 無 $$$ 但錫你有否? 無 $$$ 但好英雄 feel 兼同你拎手袋有否?無 $$$ 但有文化,買稿紙都要你出錢,有否?


    安全感? 吃飽了、有良好自置物業、安坐冷氣疏化看 42 Plasma HD ,之後才 feel 有安全感吧。 【我好錫你,今期卡數未清,pls help】,是很多港產 Kitty 的寫照。


    我只能說,說自己市儈的人,其實為人不會非常市儈,而很道德高地金字塔尖的人,其實白鴿眼得叫人吃驚。

    回覆刪除
  8. 作者已經移除這則留言。

    回覆刪除
  9. 大文:你提到水,想起06年寫的文:

    2 March 2006
    《礦泉水的價格》
    有沒有想過為什麼同一品牌、容量、包裝的
    礦泉水在不同的地方賣的價格是截然不同的。
    上下價格甚至相差十倍,這是因為環境。環
    境是一個市場。一件東西價格的高低直接與
    供需双方的購買力相關。即使是同一樣東西,
    買方的購買力越强,賣方的價格也就變得越
    高。人要學會不斷地改變自己的環境,把自
    已置于購買力强的環境去。要相信知識改變
    命運不是一句空話,准备好就去做吧,八十
    歲都不會太遲。

    回覆刪除
  10. 無錯無錯,就因為不同環境,不同場景,對不同人,自然不同價。可更高,或變成把鬼一文不值。


    知識真是力量,尤其在今時今日資訊納米時代,有氣有力不是主要賣點,就算苦力都有自動物流推貨車,不用落手鬥大力;而青春也不等如無敵,有青春但古縮,比老人更封閉。


    社會太多貧窮的人,也是因為太多蠢人,香港懶人是較少的,但蠢人多的是,把錢放在不合適的地方的人更多,也太多人愚蠢地崇拜一些人和事。

    回覆刪除
  11. Hana, 之前係講呀楊生D錢wo,Yeung獸性wor! 攞得佢D錢,好大鑊。

    依家"王子"又唔同。 仲要唔係玩,係好認眞咁求婚wo。咁我就conditional pass佢啦~ 我唔要查理斯王子,我要威廉王子! 唔要馬車, 要南瓜車!唔要玻璃鞋, 要鑽石鞋!!

    回覆刪除
  12. 威廉王子,南瓜車,鑽石鞋<---呢個簡直係夢幻組合。

    回覆刪除
  13. 鑽石鞋我唔要,驚腳痛,威廉王子同南瓜車收埋先。哈哈!

    回覆刪除
  14. 你鍾意威廉王子,其實你可以去溝,英國王室好似冇明文規定過只可以娶貴族。

    回覆刪除
  15. 威廉王子本身大把女....多到揀唔晒。

    係死剩個老餅查...理屍王子嗟,一世都無得做英國王帝,亞媽死都唔放手。

    回覆刪除
  16. 你地講果啲南瓜車呢、鑽石鞋、我記得【金至尊】係整左,係有架!

    回覆刪除
  17. Hana

    鑽石鞋唔一定要穿呢,keep咗佢啦~

    Derek,

    好啦~ 你就幫我表現英雄救"美男"啦。你扮綁架佢,我去救佢。 不過唔知你會唔會有命仔番出嚟。

    Diamond,
    你笑死我 -->"老餅查...理屍王子"!!
    金至尊? Movie?

    回覆刪除
  18. 我表明立場先:
    我對生活無乜安全感.
    如果有一筆快錢,令我生活安穩些
    我一定會賺!
    快錢=以最短時間賺取常人很很很搏命先賺到的數目.何樂而不為?
    只要不是做傷天害理的事情便可!
    而那個價目隨年齡增長而遞減
    以前開天價, 而家是是但但都殺!
    不過講完好無謂(因為無人肯開價)
    好似自己諗中咗六合彩之後, 點使筆錢
    中咗先講啦!

    回覆刪除
  19. 其實【茶你屍】王子都好慘,大佬幾丫歲喇,一世都無機會登上皇帝寶座!

    以前佢前妻 Diana ,好多人都話老查同 Diana 唔襯,話 Diana 好得民心,老查得個名,無權力,要亞媽話事。

    到而家,【茶你屍】亞伯王子呢,仲有乜嘢女埋到身丫? 咪得個又係老到殘既婆仔.....

    唉。

    回覆刪除
  20. 金至尊,係香港一家金行嚟。

    有【金馬桶】、【金波籮】、【乜 Q 金】都有架。

    唔係講笑架!!!!

    回覆刪除
  21. 卡兄,我同你...都叫做...少年人啦下?!


    我都認同。

    我覺得,年青時,會覺得自己好很值錢,而家卅幾歲甘草耆英 ( 根據香港標準~) ,都會如你所言,對好多事無乜所謂,真真假假,求很其其、是是但但、乜乜物物、O O K K 。


    反而係....Quota !

    年紀大了,覺得自己唔可以太隨便貢獻,而係要有個人既 Quota。

    要 Quality ,唔係要 Quantity !

    做嘢要睇住個品質 Quota 。

    回覆刪除
  22. 我其實係撑下素素啫,南瓜車、鑽石鞋都唔啱我。瑪莎拉蒂跑車先可以用時間換速度架嘛!威廉王子又唔係團語人,我點嗲佢啫。

    回覆刪除
  23. 的確,每人心裏都在衡量價值而已。出價適當自然肯制。只係大家既價位唔同,有時唔識將貨就價,就好似大文兄講既港女咁。

    愈講自己高尚,通常愈見錢眼開。

    回覆刪除
  24. Diamond, Carson,

    呢個未必係道德嘅問題。我覺得個問題係D錢邊個比你。你係唔係眞係可以咁安落咁袋D錢。有冇考慮收錢之後嘅後果?? 人地比得咁多錢你,可能要sign contract, 好長手尾。有錢佬都唔係儍架~

    有D錢係唔貪得架~

    回覆刪除
  25. "港女吊高嚟賣" 同 "楊生比快錢你" + "王子求婚" 係完全三樣唔同嘅嘢囉~~~

    回覆刪除
  26. 嗯嗯~我都贊成好多野都有個價,要我同八兩金先生食飯個價都唔係好高,因預期餐飯都應該會幾搞笑!hahaha

    但係d[十惡不赦殺人放火]等的行為我諗好多人俾多多錢都唔會制吧~

    回覆刪除
  27. 大文兄,
    你young我啲啲
    你仲可以叫高啲啲價!

    回覆刪除
  28. 卡兄! 我當然叫高價過你啦!

    我 Big Sale 架嘛 ~~~~ Special Offer ...

    買一送六 + 送配件,貴過你老兄毫零子囉。

    回覆刪除
  29. 其實公道啲講,八兩金住在北角,我見過佢好多次。

    佢個樣唔係好恐怖嗟,似大陸鄉下佬咁囉。

    佢衰就衰在【扮相】嗟,古靈精怪。如果郭富城打扮到佢咁,又剪個咁既頭,又喇叭褲,咪一樣令你嘔飯 ~~

    回覆刪除
  30. 咁又係~ 哈哈~~~
    不過某程度上八兩金係有少少可愛的.

    回覆刪除
  31. 你地有冇見過八兩金個仔? 一模一樣。

    回覆刪除
  32. 文兄
    你買一送六 + 送配件?
    我一於劈價
    買一送七 + 送免提藍芽配件 + 電池 + 10年保養, 有壞包換...

    回覆刪除
  33. 你地有冇見過八兩金個仔....


    >>> 有,我囉。見過好多次,佢個仔個樣無嘢呀,人一個,不過佢老豆痴線,要個仔剪東菇頭.....

    回覆刪除

淡极始知花更艷,愁多焉得玉無痕。

Related Posts with Thumbnails