2009年12月2日 星期三

風流的男人多長壽?

某日和幾個事業有成的熟女聚餐,除了時裝、護膚、投資之外講的最多的是男人。不再青春少艾的我們對著同性,說話口沒遮攔的很是露骨。


A:歲月催人啊!我年年使幾萬銀買護膚品,但啲皺紋都係越來越多。

J:我又何常唔係呢?個個月去美容院做幾次facial塊面咪一樣越來越鬆。

C: 人年紀大咗真係好可怕!內外至內都開始退化,所以我好佩服嗰啲嫁俾比自己大幾廿歲男人嘅女人!自己老都咁難頂囉!莫講話日對夜對個皺曬皮嘅老嘢了。(C有個比她小9歲的同居男友)

A:係囉!係囉!你哋話揚X寧個老婆點諗啦?佢其實幸唔幸福了啦?爭成54歲喎!

H:前幾日睇新聞,揚X寧87歲大壽,佢話5年前娶太太時話想活多5年陪佢,5年後的今日總想活多5年陪老婆。

J:嘩!佢老婆咪好冧!

H:計我話佢老婆慘就真,嗱,男人活到82都總堅持再婚嘅,一定係好中意女人,好風流嘅,中意到臨老都要攞返個牌名正言順咁擺個女人瞓係隔離,唔可以硬功,糜糜摸摸過下手癮都好嘅。

A:都係摸下遮,佢老婆有咩咁慘?

H:嗱嗱嗱,話曬都係社會精英,我哋要歌頌佢哋的愛情,佢老婆好愛佢嘛!成日俾佢摸到興哈哈,千里黃河咁,但阿楊生的長城已經係居庸關外嗰一截,咁你哋話了個三十幾歲老婆慘唔慘了?

J:衰婆,你咁講諗落又真係幾慘喎!但佢都87啦!唔使等好耐遮...

H:你錯了,你睇阿楊生個身型同六叔一樣好似隻鶴咁,分分鍾好似六叔咁長命。啊,係喎!你哋覺唔覺嗰啲有錢、有地位的男人,中意女人/色風流啲嘅通常都好長命同埋健康啲?(窮、沒地位的人中意女人/色的,啲媒體會稱之為下流,雖然大家都係男人。)好似何鴻X、林栢X、霍英X...都係幾個老婆!六嬸就識諗啦!成日揾啲後生女被六叔摸下隻手仔刺激下佢神經幾健康吖!上兩個禮拜係九龍塘自己屋企游水好死嗰個90幾歲癮形富豪都有幾個老婆...

9 則留言:

  1. 阿花花呀,

    男人一定有啲野愛好, 才會有原動力去拼搏嘅 !! 風流/鹹濕/養幾頭家起碼好過賭、毒、飲、或得把口無大志/能嘅廢柴呀 !!
    會否長命就不知道囉, 可能他們都是君子呢 (動口不動手) !!
    其他時間, 如甄先生說 : 男人專心做大事, 呵呵 !!

    回覆刪除
  2. C是大姐姐,他男朋友是小男孩。其實香港男女失衡,港女可考慮比自己小的男孩或者是大陸的男人啊!
    一夫多妻只有有錢人先得,窮鬼穩鬼跟你,給人指責啦!富人賺錢雖然辛苦,但生活上大部份問題都能用錢解決,少點憂心,人都會長壽點。

    Ben

    回覆刪除
  3. 幾萬塊錢的護膚品,打透明質酸或botox好過,持久點吧! 中女

    回覆刪除
  4. 何鴻燊博士有個理論,就是「鹹濕醫風濕」!

    回覆刪除
  5. 美國有一個心理學研究,調查男女配偶年齡相差二十五年,他們的心理和精神狀況有什麼不同?

    如果男人大過女伴二十五年以上,他會受到家裡的年輕「生氣」的不斷刺激,心態也會變得年輕起來.

    楊教授生理年齡雖然是八十七,但心理年齡可能只有三十七而已!

    所以,風流老翁更長命,是有科學根據的.嘻嘻!

    回覆刪除
  6. 萍水過客 :唔係!動口不動手齋諗冇用!hehe...

    Ben,嗯,哩個世界好多問題可以用錢去化解,有錢人喜歡說:錢能解決的問題就不是問題,但窮人少嘅就正是錢。

    匿名 :幾萬蚊咪少囉!我識個日本客每年使係護膚方面的錢超過10萬港紙,作崇尚自然所以唔會整容,只想延緩衰老喎!佢50幾告個樣真係似40唔到!塊面又唔會膠,係吖!佢係男人來!

    ToM 少 :好似真係幾有道理喎!


    佛爺 :嗯嗯。

    回覆刪除
  7. 呢d真係採陰補陽啦.....
    話唔定係有錢扮出黎,但內裏其他呃你既呢...

    回覆刪除
  8. 咁你點睇中大校長和佢女伴呢一pair…橫睇掂睇,都係似兩爺孫(搖頭) =_=,女既真係keep勁好,雖然初初見報紙形容佢 “靚女”,有點打突,不過越睇越順眼..

    回覆刪除
  9. 港男大力 :靚有得扮,健唔健康冇得扮!

    匿名 :青菜羅蔔各有所好,校長哩種相頭我唔多中意

    回覆刪除

淡极始知花更艷,愁多焉得玉無痕。

Related Posts with Thumbnails