2010年8月7日 星期六

$33,有人歡喜有人愁

負責我嗰幢樓清潔的阿嬸麗姐拍門送我她家自種的龍眼,請她進門飲杯茶順便傾兩句。

我:如果最低工資33蚊你就好囉,多咗唔少人工喎!(現時麗姐返朝八晚六,中間一個鐘食飯時間,時薪約21、22蚊。)

麗姐:好鬼!講起就把幾火,啲老細冇死錯人!點會咁順攤咁出俾我哋吖!依加講緊如果真係定咗33蚊,老細話一係叫我哋中間落場兩三個鐘,一係兩個人負責三幢樓。依加我一個人做哂一幢樓,慢做緊趕只要搞干淨哂點都得,如果到時佢唔炒我,做多半幢又要同人夾,人工都係多嗰三份一,但做死人喎!

我:呀?你老細真係識計數,咁落場呢?落場都幾好吖!可以做少啲時間。

麗姐:H小姐你有所不知了,我係哩度騎單車返去圍村個屋企要9個字,一來一回要個半鐘,熱死辣辣唔再講,得返個零鐘都唔知做咩好。唔果唔返屋企落場兩、三個鐘我又去得邊呢?

我:搭車返去咪快啲囉!(總係唔知米貴咁懵盛盛)

麗姐:車費呢?我哋嗰度小巴好貴!33蚊,啍!我先唔要,我寕願好似加咁囉!

我:咁又係...

11 則留言:

  1. 唉!點解提議果 d 人硬係唔信嘅呢?

    回覆刪除
  2. 真係有辣,有唔辣.
    順得哥兒失嫂意.

    最近去了比亞迪參觀, 請問你對它的股票有何看法? Visit summary was posted in my blog.

    回覆刪除
  3. 後果不明卻強行之,謂之不知所謂。

    強行搬西方一套亂放自身,藥石亂投。此為百年中國現代史之寫照。

    可悲呀,可笑呀。

    另,經朋友提醒,百年前孫中山國父的三民主義講到:

    「工業革命之後,資本膨脹,而地價亦因而大增,蓋機器之生產事業利於集中,故城市首先發達,以易致工人也;其次則煤鐵之場,製造事業亦以繁興,蓋便於取料也;其三則交通之地,工廠亦隨而林立,以便於運輸也。凡有此三要素之地,工業必從而發達,人口則為增加,此等工業繁盛之城市,其地價之增加,有畝至十百萬元者。而地主多有承先人之遺業,不耕不織,無思無維,而陡成巨富者,是地主以地增價而成資本家,資本家以工業獲利而成大地主;城市之地,固盡為此輩所壟斷,而附廓之田,亦為之所收買,漸而至於郊外之沃野荒原,亦陸續為此輩佔有。由是地價則日增,而工值則日賤,蓋工人欲退而歸農,亦無田可耕,則耕亦不能償其租值,於是更不得不全靠僱工為活矣。

    工業愈進步...,商業愈發達,則資本家與地主之利愈大,而工人則窮苦矣。此歐美工商發達,經濟進步後所生出社會貧富階級之情形,而社會革命之所以不能免也。」

    最低工資,捉蟲也。

    回覆刪除
  4. SKII ,雖然係媒體睇唔到哩啲真實個案,但李卓人冇理由唔知喎!

    Quality Alchemist ,針無兩頭利,問題係邊個的利益值得犧牲,但哩個世界人人平等,咁邊個的利益又應該犧牲呢?

    1211抵買嗰時冇買,以後都唔會買,我想買的股票選擇實在太多了,1211現價唔抵買吖!

    瞎子 :好心(?)做壞事

    回覆刪除
  5. 應該唔會33。我估26.5,你又估一個,邊個近請邊個食嘢吖!!!呵呵

    回覆刪除
  6. 李卓人點會唔知、點會唔明吖!

    回覆刪除
  7. 有最低工資的地方,失業率都高過香港的,而且稅制也十分繁複。李能人最擅長報喜藏憂!

    回覆刪除
  8. 過內人:咁我估$27(有人好似總爭我餐飯咁喎!)

    xiao zhu ,知又明,咁就唔係好心做壞事了啵!

    佛爺 :政棍最善長報喜藏憂。

    Ebenezer ,太多人想當然了。

    回覆刪除
  9. 咁我估 28.

    政客求選票,從來都係話之個社會點死架喇!

    回覆刪除

淡极始知花更艷,愁多焉得玉無痕。

Related Posts with Thumbnails