尋日渣打銀行業績一出更加顯得匯豐果碌葛有幾咁唔掂，哩趟真係點都唔會再入佢貨。笨象瘦咗要我哋啲小股民幫手買蕉俾佢食，咁如果佢總係青壯少年發育緊就多多都唔怕買來供佢食，但如果佢已垂垂老矣就食极都唔會再壯返，咁總值唔值得買蕉佢食呢？
繼雷曼迷債之後香港又多咗班匯豐苦主，話苦主一啲都不為過，點解佢盈利倒退七成九可以唔使出盈警都得格呢？証監會係咪要解解畫、負負責呢？
老實講對依家哩班匯豐高層非常之冇信心，邊個會入股人哋公司但就唔派自己人去實，俾大嗰錢人玩殘自己？咪碌葛囉！
尋日標普500跌落700點樓下，或者今日會買少少標普500指數基金玩下。點解總有心情玩？咁，做人嘅野三衰六旺時時有，唔睇開啲成世流流長點過世呢？輸錢不輸志，仔死錢還在吖嘛！(啊呀，咁似江湖兒女口吻嘅，明明斯文高貴大方嘛！睇來都總係暈暈哋吖我。)
PS：原來左丁山就係香sir香樹輝喎！唔怪至得寫啲野咁好睇啦！(我好背，今日先知啫:()
.png)
.jpg)
發表文章
唔似暈喎你..
回覆刪除不過你都係好斯文高貴大方吖.
嘿嘿，我多重性格吖嘛！
回覆刪除> 多重性格
回覆刪除我知..
斯文, 高貴, 大方
仲唔多重?
點止咁少喎！
回覆刪除Hana, 暈牙？我借個膊頭俾你吖！
回覆刪除大笨象搾支槍去打仗
回覆刪除校長：車，借個膊頭俾我有鬼用咩！借啲錢俾我就差唔多。
回覆刪除eric ，係咪黑星吖？
斯文高貴大方
回覆刪除嘻嘻~~
『明明斯文高貴大方』...唔...
回覆刪除我都覺最大鑊係管理層講大話，之前又話冇集資需要，跟住轉個頭就集資．．．咁同啲大陸二線股有咩分別？
回覆刪除（分別在，大陸二線股係可以俾人炒起升幾倍，hsbc就．．．）
卡臣 ：哈哈...
回覆刪除川：係吖，食蕉係抄你！*.^
米兄：咪係囉！
如果要買銀行股，情願等個市回番 D 時買渣打都唔好買匯控!
回覆刪除"號外：原來左丁山就係香sir香樹輝喎！唔怪至得寫啲野咁好睇啦！"
回覆刪除呢樣好似係人都知喎.....
市場維京人 ：尋日買咗啲了。
回覆刪除馬沙兄：啊呀，餘死了，我尋日先知jar:(
嘻嘻...
回覆刪除"原來左丁山就係香sir香樹輝喎！"
回覆刪除受人錢財替人消災, 所以佢經常同李街街講好說話.
嘩嘩~ 估唔到我咁有幸俾到小小點子俾hana姐, 嗚嗚~
回覆刪除今日要買返隻蕉慶祝o下先~
匿名：受人錢財替人消灾都好正常吖！但博學多才寫文又真係好睇喎！我朝朝聽佢半粒鐘電台節目又幾言之有物喎！
回覆刪除川：請唔請我先？