因為準備歐游，上兩個禮拜就換好了旅費，現在美元急挫變相又執返啲使費，但如果升上1.39就會先行沽出，回咗先再入，歐洲央行下個月議息，減息的可能性都幾大。
自從我發覺自己的運氣和眼光唔差得過啲基金經理之後，除咗追蹤指數基金之外我再冇買過基金了，原因同馬沙兄係怒斬基金 中講嘅相同。指數基金相對其他基金來講透明度高，手續費又平好多(通常係1～2％，但我只會買1％果啲)
越來越多人話價值投資法已死，平均買入法(月供)已死，講多無謂因為如果真係死咗嘅事後先來講係冇用嘅，哭就差唔多。如果佢未死只係變咗植物人的話，咁就要睇自己對佢翻生嘅信心有幾大了。植物人可以就咁瞓係度一世又有啲會突然好返哂總健康過從前，現在要我撿，我撿繼續養埋佢，當然首先我係信咗佢未死嘅，心入邊果句係：如果你真係好返并且龍精虎猛我一定唔會再走舊路每個月定時定侯供養你。
如果由大牛市開始月供股票一直沒有拋售的話，如果供的股票基本因素未變長線看好的話，真的沒必要在熊市停供或減少供款金額。月供股票最剎食的就是用相同金額在跌市買入更多股數和強迫性儲蓄。當然很不幸的月供股票有匯豐的話，真的是走夾唔抖了。
當牛市重臨的時候我會停供所有股票，月供股票實際上是一個黑色笑話。
延伸閱讀： 優化強積金
發表文章
吾怪之今日個巿跌, 你要去旅行, 港股失去你的守護
回覆刪除你吾入巿, 所以它冇運行...去完旅行快d 買港股呀, 你是香港的港股守護神呀...
每一種投資方式都有其優劣, 沒有完美, 所以亦沒有死吾死那回事, 只有是不是在對的時間用了對的方法, 僅此而已.
我都有月供，但我會寸個sales：大牛市果陣就慢慢升，大熊市果陣就慢慢跌，你識唔識咁同個客講風險呢？
回覆刪除當然很不幸的月供股票有匯豐的話
回覆刪除>>>>
講起就傷心了, 嗚.......
我都無眼睇(我做左2份自願性強積金供款, 一份月供基金)
回覆刪除價值投資法已死?好過短炒既連叫都叫唔出!
回覆刪除今日公布嘅歐元區1月工業生產表現不佳，月率下跌3.5%，年率下跌17.3%，連續第五個月下跌，似乎表明今年年初經濟可能進一步萎縮。家下歐羅仲有上升動力，全賴大家仍然睇淡美元之故。歐洲央行4月2號議息，呢日之前歐羅升勢可能會冇咁有氣勢。
回覆刪除不過個人睇 1.39 係有可能嘅。
Cheers!
enigma ，咪玩啦。
回覆刪除月供呢我覺得由熊市開始至到牛市尾(清洁阿嬸都入市果陣)沽出成功機會极之大，當然前題係選啱股。
Kenka ，只要撿啱股月供始終可以儲到錢，前題係銀碼唔可以太覺眼，當自己使咗去嘅，心理上會好過啲。
行行：咪唔睇住囉！睇啲食得落肚嘅先，哈哈哈！
回覆刪除老人：係吖，短炒好似入賭場咁，一開始贏唔會舍得走，越玩越大，終有一日會濕腳一開始就輸多數唔會上癮...
市場維京人 ：美元中長線都唔睇好吖！祝你搵多啲。
學到嘢！
回覆刪除我係你個扑都學到野吖！
回覆刪除娜姐，
回覆刪除尋晚熱刺贏咗車仔，曼聯又輸波。世事冇一本通書可以睇到老。美國佬印銀紙，唔代表美元唔可以再玩強勢。
呢個禮拜美元暴挫，小心過多一排玩回馬槍殺個遍甲不留。
個人意見。小心。
Cheers!
賺錢的永遠都係小撮人，所以當人人都睇淡果時就要反道而馳。
回覆刪除多謝提醒。